Gino Bartali

Gino Bartali
(1963) Irudi gehiago
Bizitza
Jaiotza	Ponte a Ema (en) , 1914ko uztailaren 18a
Herrialdea	Italiako Erresuma  (1914ko uztailaren 18a -  1946ko ekainaren 18a) Italia  (1946ko ekainaren 18a -  2000ko maiatzaren 5a)
Heriotza	Florentzia, 2000ko maiatzaren 5a (85 urte)
Hobiratze lekua	Toscana
Hezkuntza
Hizkuntzak	italiera
Jarduerak
Jarduerak	txirrindularia eta kirol zuzendaria
Ibilbidea
Taldeak	Urteak
Frejus (en)	1935-1935
Legnano	1936-1943
Legnano	1945-1948
Parte-hartzailea Frantziako Tourra 1948 Challenge Desgrange-Colombo (en) (3.) 1949 Challenge Desgrange-Colombo (en) (2.) 1950 Challenge Desgrange-Colombo (en) (5.) 1951 Challenge Desgrange-Colombo (en) (5.)
Jasotako sariak	ikusi Grand Officer of the Order of Merit of the Italian Republic  (1986ko abenduaren 27a) Cavaliere di Gran Croce Ordine al Merito della Repubblica Italiana  (1992ko abenduaren 27a) Righteous Among the Nations  (2013ko uztailaren 7a)
Ideologia eta sinesmenak
Erlijioa	Eliza latinoa

Gino Bartali jaio zen etxea Florentziako Ponte a Eman.

Gino Bartali (Ponte a Ema, Florentzia, 1914ko uztailak 18- Florentzia, 2000ko maiatzak 5), Ginetaccio ezizena jaso zuena, txirrindulari italiar bat izan zen, 1935 eta 1954 artean profesionala izan zena, denbora horretan 91 garaipen lortu zituelarik.

1936an, jada Italiako Giro bat lortua zuela, Bartali txirrindularitza uzteko puntuan egon zen bere anaia Giulioren heriotzaren ondorioz. Txirrindularitzaren zale guztien zorionerako, Gino Bartalik lehiatzen jarraitu zuen.

Fausto Coppiren arerio nagusia izan zen, italiarrak banatzen zituen lehia, politikoki zein erlijiosoki (euren pentsaera politiko erlijiosoak ere aurkakoak ziren). Alabaina, elkarren arteko lehia horrez gain, Coppi eta Bartaliren artean bazegoen adiskidetasuna, talde berean egon ziren urte askoan, eta, askotan, batak bestearen laguntzaile lana egin zuen eta alderantziz. 1949ko Frantziako Tourra, Coppik irabaziko zuena Bartaliren aurretik, honen adibiderik esanguratsuena izan daiteke. Bi txirrindulari italiar hauek lasterketa Alpeetan txikitu zuten, baina beti "eskutik".

Bigarren Mundu Gerrak bere kirol karrera eten zuen. Gerra honen aurretik, 1939an ezin izan zuen 1938an lortu zuen Frantziako Tourra defendatu. Gino Bartalik, baina, mendeku hartu zuen 1948an, bere bigarren Tourra oso modu ikusgarrian lortuz, zazpi etapa garaipen lortuta. Bi garaipen hauekin, egundaino, bi Tour hamar urteko diferentziaz irabazi dituen txirrindulari bakarra da.

Bartali eskalatzaile bikaina izan zen, Italiako Giroko mendiko sailkapen nagusiko lehena zazpi aldiz izan zelarik, eta Tourrekoa bi aldiz. Aitzindaria izan zen Campagnolo martxa aldaketa sistema erabiltzen. Aurretik, bizikletek bi plato izaten zituzten eta horien artean egin beharreko aldaketa eskuz egin behar zen, horretarako gelditu egin behar zelarik. Sistema berri honekin, txirrindulariak plato aldaketa bizikleta gainetik jaitsi gabe egin zezakeen. Ekintza hau, azkar, Bartali eraso bat jotzeko prest zegoela adierazten zuen seinale bihurtu zen.

Itzuli Handietan lortu zituen garaipenez gain, Bartalik Italiako Txirrindularitza Txapelketa Nazionala bost aldiz irabazi zuen, baita zenbait klasiko ere, Milan-San Remo eta Lonbardiako Giroa kasu.

Palmaresa

1935

• Italiako errepide txirrindularitzako txapelketa
• Euskal Herriko Itzulia eta hiru etapa
• Bernocchi Kopa
• 7. Italiako Giroan, Mendiko sailkapena eta etapa 1

1936

• Lonbardiako Giroa
• Italiako Giroa, Mendiko sailkapena eta hiru etapa

1937

• Italiako errepide txirrindularitzako txapelketa
• Italiako Giroa, Mendiko sailkapena eta lau etapa
• Piamonteko Giroa
• Frantziako Tourreko Etapa 1
• Lazioko Giroa
• 2. Lombardiako Giroan

1938

• Frantziako Tourra, Mendiko sailkapena eta 2 etapa.
• Tre Valli Varesine
• 2. Italiako errepide txirrindularitzako txapelketan
• 2. Lombardiako Giroan

1939

• Milan-San Remo
• Lonbardiako Giroa
• Piamonteko Giroa
• Toskanako Giroa
• 2. Italiako Giroan, Mendiko sailkapena eta lau etapa

1940

• Italiako errepide txirrindularitzako txapelketa.
• Milan-San Remo
• Lonbardiako Giroa
• Lazioko Giroa
• Toskanako Giroa
• Campaniako Giroa
• 9. Italiako Giroan, Mendiko sailkapena eta 2 etapa
• 2. Milan-Mantuan

1942

• 3. Italiako errepide txirrindularitzako txapelketan.

1943

• 3. Milan-Mantuan

1945

• Lazioko Giroa
• Campaniako Giroa

1946

• Züricheko txapelketa
• Italiako Giroa eta Mendiko sailkapena
• Suitzako Itzulia eta 4 etapa
• Matteotti Saria

• 2. Italiako errepide txirrindularitzako txapelketan.

1947

• Milan-San Remo
• Suitzako Itzulia eta 2 etapa
• 2. Italiako Giroa, Mendiko sailkapena eta 2 etapa
• 2. Romandiako Tourrean eta etapa 1

1948

• Züricheko txapelketa
• Frantziako Tourra, Mendiko sailkapena eta 7 etapa
• Toskanako Giroa
• 8. Italiako Giroan
• 3. Desgrange-Colombo Challengean

1949

• Romandiako Tourra eta 3 etapa
• 2. Frantziako Tourrean eta etapa 1
• 2. Italiako Giroan eta etapa 1
• 2. Desgrange-Colombo Challengean

1950

• Milan-San Remo
• Frantziako Tourreko etapa 1
• 2. Italiako Giroan eta etapa 1
• Toskanako Giroa

1951

• Piamonteko Giroa
• 2. Fleche Wallonen
• 2. Italiako errepide txirrindularitzako txapelketan
• 2. Sassari-Cagliarin
• 4. Frantziako Tourrean

1952

• Italiako errepide txirrindularitzako txapelketa
• Emiliako Giroa
• Reggio Calabriako Giroa
• 4. Frantziako Tourrean
• 5. Italiako Giroan

1953

• Emiliako Giroa
• Toskanako Giroa
• 4. Italiako Giroan

Sailkapen orokorra Itzuli Handietan

Itzuli Handia	1935	1936	1937	1938	1939	1940	1941-45	1946	1947	1948	1949	1950	1951	1952	1953	1954
Italiako Giroa	7	1	1	—	2	9	—	1	2	8	2	2	10	5	4	13
Frantziako Tourra	—	—	UT	1	—	—	—	—	—	1	2	UT	4	4	11	—
Munduko Txapelketa	—	7	—	—	—	—	—	12	—	—	—	—	9	10	—	—

Legenda

—	Ez zuen parte hartu
DSK	Deskalifikatua
UT	Utzi

Kanpo estekak

• Gino Bartali - ProCyclingStats
• (Italieraz)Museo del Ciclismo - Gino Bartali

• Datuak: Q155010
• Multimedia: Gino Bartali / Q155010

Aurrekoa Roger Lapébie

Frantziako Tourraren irabazlea 1938

Ondorengoa Sylvère Maes

Aurrekoa Jean Robic

Frantziako Tourraren irabazlea 1948

Ondorengoa Fausto Coppi