Fausto Coppi

Fausto Coppi
Irudi gehiago
Bizitza
Izen osoa	Angelo-Fausto Coppi
Jaiotza	Castellania, 1919ko irailaren 15a
Herrialdea	Italiako Erresuma  (1919ko irailaren 15a -  1946ko ekainaren 18a) Italia  (1946ko ekainaren 18a -  1960ko urtarrilaren 2a)
Heriotza	Tortona, 1960ko urtarrilaren 2a (40 urte)
Heriotza modua	berezko heriotza: malaria
Familia
Anai-arrebak	ikusi Serse Coppi
Hezkuntza
Hizkuntzak	italiera
Jarduerak
Jarduerak	txirrindularia
Parte-hartzailea Frantziako Tourra 1948 Challenge Desgrange-Colombo (en) (10.) 1949 Challenge Desgrange-Colombo (en) (1.) 1950 Challenge Desgrange-Colombo (en) (4.) 1951 Challenge Desgrange-Colombo (en) (7.) 1952 Challenge Desgrange-Colombo (en) (2.)
Altuera	177 zentimetro
faustocoppi.it

Fausto Coppi (Castellania, Alessandria, Piemonte, 1919ko irailaren 15 - Tortona, Alessandria, 1960ko urtarrilaren 2) Italiako txirrindulari ospetsua izan zen."Il Campionissimo" ezizenaz ezagutzen zen ere.

Historiako txirrindulari ezagunenetako bat da, bere garaipen azpimarragarrien artean, honako hauek daude: 5 Giro (1940, 1947, 1949, 1952 eta 1953), 2 Tour (1949 eta 1952), 5 Lombardiako Giro, 3 Milan-San Remo, Paris-Roubaix 1, Fleche Wallone 1, eta Munduko Errepide Txapelketa 1. Horretaz gain, 1942 eta 1966 artean Orduko Errekorra izan zuen. Era berean, txirrindularitzaren prestaketa aldatu izana ere onartzen zaio, dietetikaren, bizikletaren bilakaera teknikoaren, entrenamendu metodoen eta kirol medikuntzaren gaineko interesagatik. 1960an hil zen, malariak jota, Frantziar Volta Garaiara egindako bidaia batean kutsatuta.

Coppi 1952an.

Biografia

Familia apal batean jaioa, 8 urterekin bere lehen bizikleta lortu zuen, Novi Ligureko janari-denda bateko banatzaile bezala lan egiteko erabiliko zuena. 1937an Biagio Cavannak lasterketa ez profesionaletan parte hartzera animatu zuen. Bere ezaugarri fisiko apartak zirela eta, laster nabarmendu zen Coppi gaztea

1939an profesional bihurtu eta jada 6 karrera irabazi zituen. Osperako jauzia urtebete beranduago iritsi zen, Gino Bartaliren taldekide eta laguntzaile bezala hasi arren, bere bost Giroetatik lehena lortu zuen, 20 urte, 8 hilabete eta 25 egunekin Giroa irabazi zuen txirrindularirik gazteena izan zelarik, oraindik ere indarrean dagoen errekorra.

1940 eta 1941ean Italiako Jazarpen txapelduna izan zen. 1942an Orduko Errekorra ezarri zuen Milango Vigorelli belodromoan, marka berria 45,871 kilometrotan utziz. 14 urtez iraungo zuen errekorra izango zen, 1956an Jacques Anquetilek gainditu zuen arte.

Bigarren Mundu Gerrak bere goranzko ibilbidea eten zuen. Ravenna Dibisioarekin Afrikara bidalia izan zen, eta hor ingelesek preso hartu zuten, 1945ean askatua izan zelarik. Urte horretan, Lazio Kirol Elkarteko txirrindulari taldearekin lasterketa gutxi batzuetan parte hartu zuen.

1946an, Bianchi talderekin 10 urteko harreman luze baten hasiera izan zen. Coppiren etorrerak berehala eman zituen fruituak, Milan-San Remo irabazi baitzuen 14 minutuko aldearekin. Denboraldi horretan bertan, Giroko hiru etapa, Nazioen Sari Nagusia, Luganoko Sari Nagusia eta Lombardiako Giroa irabazi zituen. 1947an, zazpi urte geroago, Italiako Giroan gailendu zen.

1949an Coppiren behin betiko nazioarteko mirespena jaso zuen. Lehendabizi Milan-San Remo, gero Lombardiako Giroa eta hirugarrenez Italiako Giroa irabazi baitzituen. Jarraian bere lehen Frantziako Tourra bikain irabazi zuen, proba honen erdian liderrarekin zeukan 30 minutuko aldea errekuperatuz. Horrela, urte berean Giroa eta Tourra irabaztea lortu zuen lehen txirrindularia bihurtu zen.

1950eko denboraldiaren hasiera ikusgarria izan zen, Paris-Roubaix eta Fleche Wallone irabaziz. Baina Giroan izandako eroriko baten ondorioz, hiru saihets-hezur hautsi eta denboraldiari amaiera eman behar izan zion.

1951n bere anaia zen Serse (hau ere txirrindulari profesionala, Fausto bezala) Piemonteko Giroan izandako erorketa baten ondorioz hil zen. Gertaera lazgarri honek kalte egin zion, oso denboraldi diskretua egin zuelarik.

1952a, berriro ere, urte aparta izan zen Coppirentzat. Giroko hiru etapa eta sailkapen nagusia eskuratu zuelarik, baita bost etapa eta Tourreko sailkapen nagusia ere.

1953an, bosgarrenez Italiako Giroa lortu zuen, baita Mundujo errepideko txapelketa Luganon. Hala ere, bere kirol ibilbidea kaltetua izan zen, kirolarekin berarekin zerikusirik ez zuten arrazoiengatik: Giroan zehar, Coppi izan zen garaiko kronika arrosaren erdigunea, ezkontzaz kanpoko harreman bat izateagatik, Aita Santuak berak ere kondenatuko zuena. 1954an bere azken goi-mailako probetako bat irabazi zuen, Lombardiako Giroa.

1959an, txirrindulari frantziar batzuekin batera (Raphaël Géminiani, Jacques Anquetil, Louison Bobet, Roger Hassenforder eta Henry Anglade besteak beste), Burkina Fason antolaturiko lasterketa batean parte hartu zuen, eta, ondoren, ehizaldi batean, non malariaz kutsatu zen. Tamalez, gaixotasunaren diagnostikoa oso berandu egin zen eta gaizki artatua izan zen (sendagileek uste baitzuten, Coppiren gaixotasuna biriketako arazo bat zela); horren ondorioz, 40 urte besterik ez zituela hil zen.

Palmaresa

1940

• Italiako Giroa eta etapa 1
• Italiako jazarpen txapelketa

1941

• Italiako jazarpen txapelketa
• Tre Valli Varesine
• Emiliako Giroa
• Toscanako Giroa
• Venetoko Giroa
• Milango Eskualdeko Giroa

1942

• Orduko errekorra
• Italiako errepide txirrindularitzako txapelketa
• Italiako jazarpen txapelketa

1946

• Milan-San Remo
• Lombardiako Giroa
• Nazioen Sari Nagusia
• 2. Italiako Giroan eta 3 etapa
• Romagnako Giroa

1947

• Italiako Giroa eta 3 etapa
• Italiako errepide txirrindularitzako txapelketa
• Munduko jazarpen txapelketa
• Italiako jazarpen txapelketa
• Lombardiako Giroa
• À travers Lausanne
• Nazioen Sari Nagusia
• Emiliako Giroa
• Venetoko Giroa
• Romagnako Giroa

1948

• Milan-San Remo
• Tre Valli Varesine
• Lombardiako Giroa
• Italiako Giroko Mendiko sailkapena eta 2 etapa
• 2. Italiako errepide txirrindularitzako txapelketa
• Emiliako Giroa

1949

• Frantziako Tourra, Mendiko sailkapena eta 3 etapa
• Italiako Giroa, Mendiko sailkapena eta 3 etapa
• Milan-San Remo
• Lombardiako Giroa
• Munduko jazarpen txapelketa
• Italiako errepide txirrindularitzako txapelketa
• 3. Mundujo errepideko txapeketa
• Venetoko Giroa
• Romagnako Giroa
• Desgrange-Colombo Challengea

1950

• Paris-Roubaix
• La Flèche Wallonne
• Reggio Calabriako Giroa

1951

• 10. Frantziako Tourrean, Mendiko sailkapena eta etapa 1
• 4. Italiako Giroa eta 2 etapa
• Luganoko Sari Nagusia (erlojupekoa)

1952

• Frantziako Tourra, Mendiko sailkapena eta 5 etapa
• Italiako Giroa eta 3 etapa
• Luganoko Sari Nagusia (erlojupekoa)

1953

• Mundujo errepideko txapeketa
• Italiako Giroa eta 3 etapa
• Baracchi Saria

1954

• Lombardiako Giroa
• 4. Italiako Giroan, Mendiko sailkapena eta etapa 1
• Bernocchi Kopa
• 2. Italiako errepide txirrindularitzako txapelketa
• Baracchi Saria
• Campaniako Giroa
• Paris-Nizako etapa 1

1955

• Italiako errepide txirrindularitzako txapelketa
• Apeninoetako Giroa
• 2. Italiako Giroan eta etapa 1
• Tre Valli Varesine
• Baracchi Saria
• Campaniako Giroa

1956

• Luganoko Sari Nagusia (erlojupekoa)

1957

• Baracchi Saria

Sailkapen orokorra Itzuli Handietan

Itzuli Handia	1940	1941-45	1946	1947	1948	1949	1950	1951	1952	1953	1954	1955	1956	1957	1958	1959
Italiako Giroa	1	—	2	1	UT	1	UT	4	1	1	4	2	—	—	32	—
Frantziako Tourra	—	—	—	—	—	1	—	10	1	—	—	—	—	—	—	—
Espainiako Vuelta	—	—	—	—	—	—	—	—	—	—	—	—	—	—	—	UT
Munduko Txapelketa	—	—	UT	—	UT	3	—	—	—	1	6	—	15	—	17	—

Legenda

—	Ez zuen parte hartu
DSK	Deskalifikatua
UT	Utzi

Aurrekoa Gino Bartali

Frantziako Tourraren irabazlea 1949

Ondorengoa Ferdinand Kübler

Aurrekoa Hugo Koblet

Frantziako Tourraren irabazlea 1952

Ondorengoa Louison Bobet

Aurrekoa Giovanni Valetti

Italiako Giroaren irabazlea 1940

Ondorengoa Gino Bartali

Aurrekoa Gino Bartali

Italiako Giroaren irabazlea 1947

Ondorengoa Fiorenzo Magni

Aurrekoa Fiorenzo Magni

Italiako Giroaren irabazlea 1949

Ondorengoa Hugo Koblet

Aurrekoa Fiorenzo Magni

Italiako Giroaren irabazlea 1952 eta 1953

Ondorengoa Carlo Clerici

Wikimedia Commonsen badira fitxategi gehiago, gai hau dutenak: Fausto Coppi

Artikulu hau Italiako biografia baten zirriborroa da. Wikipedia lagun dezakezu edukia osatuz.

• Datuak: Q219912
• Multimedia: Fausto Coppi