Goierri Telebista

Wikipedia, Entziklopedia askea
Goierri Telebista
Goierri Telebista
JabeaGoierri Irrati Telebista
Emisio eremuaGoierri,  Gipuzkoa
Hasiera data2003
EgoitzaMallutz kalea, 18
Industrialdea, Ordizia
Goierri Telebista is located in Ordizia
Goierri Telebista
Goierri Telebista
Goierri Telebista (Ordizia)
43°03′00″N 2°10′44″W / 43.05000°N 2.17889°W / 43.05000; -2.17889
BaliagarritasunaLTD, Euskaltel, Streaming
Kate senidea(k)28 Kanala, Erlo Telebista eta Oizmendi Telebista
www.gitb.eus

Goierri Telebista eskualde telebista bat da, Ordiziako industrialdean dagoen Mallutz kalean du egoitza eta Goierri bailaran ikusten da, Gipuzkoan. Euskaraz egiten du bere igorpena eta bertako informazioa du oinarri. Ekimen pribatutik abiatu zen, baina Goierriko 18 udalen parte-hartzea eta babesa du.

Historia[aldatu | aldatu iturburu kodea]

Elkarlana eta hitzarmenak[aldatu | aldatu iturburu kodea]

Goierri Telebista Tokikom Euskarazko Toki Komunikabideen Elkarteko partaide da eta talde horrekin elkarlanean ari da.

Elkarlan horretaz gain, beste proiektu batzuk abiatu ditu Goierritik kanpo Infosare komunikazio taldearen barruan: 28 Kanala Tolosaldean, Erlo Telebista Urola kosta osorako eta Oizmendi Telebista Lea-Artibai eta Busturialdera bideratua.

Lurreko Telebista Digitalari begira, Goierri Telebistak hainbat hitzarmen egin ditu: Hamaikarekin, eta Katalunyako Xarxa, Comunicalia eta Canal Catalárekin.

Saioak[aldatu | aldatu iturburu kodea]

Mota guztietako saioak ekoizten ditu eta ekoitzi izan ditu Goierri Telebistak, informazio edo-eta dibulgazio saioetatik hasiz entretenimendura arte. Saio hauetariko asko Goierri Telebista berak produzitzen ditu.

Hauek dira igorri izan dituen saio batzuk (saio bereziak, albisteak, erreportajeak eta kirolak alde batera utziz): Ikusi Irratia (231 saio), Onein (2010-2018), Eltze bero, Ur eta Lur, 28 Klip, Ilunpean, Teknopolis, Didjeridu, Animaliak, Gertutik, Ikusten, Kirolari, Solaskide, Jazzmina, Triki Traka Tron, Ikusmira.

Garai batean eskaintza handia izan zuen marrazki bizidunekin: Kalimero, Horry, Popeye, Bihurkorrak, Snorkak, Kazetari Ausartak, Scherlock Holmes, etab.

Azken denboraldian Urrutiajunbe elkarrizketa saioa izan du indartsu telebistak (asteazkenero 22:00etan). Bestalde, Lehen Lerroan goierriko musikariekin osatutako musika saioa (ostegunero 22:00etan), Atelier eta Goierri Kirolean (astelehenero 22:00etan 2011az geroztik) izan ditu ekoizpen propio gisa, baita Ordiziako Marta Art dendaren jabearekin elkarlanean ekoitzitako Marta saioa (larunbatetan 16:30etan).

Bestalde, Infosare edo-eta Tokikomekin elkarlanean ekoitzitako saioek ere osatzen dute telebistako programazio-parrila.

Programazioa[aldatu | aldatu iturburu kodea]

Aipatutako saioek, inguruko ekintzekin ekoizten diren saio bereziek eta eguneroko albistegiek lau orduko programazioa osatzen dute, egunean hainbat aldiz errepikatuz, 24 orduko igorpena bete arte.

Goierri Telebistan garrantzi handiena Goierrin gertatzen diren berriek dute. Horiek, erreportaje eta saio desberdinetan biltzen dira, garrantzitsuena "Gaurkoan" eguneroko albistegia izanik; bertan Goierrin gertatzen diren berri guztiak agertzen dira. Albistegi hau egunean 2 orduro ematen da 13:30etan hasiz.

Kanpo estekak[aldatu | aldatu iturburu kodea]