Henry de Montherlant

Henry de Montherlant
	; Irudi gehiago
seat 29 of the Académie française (en)
idazkari nagusi
Bizitza
Jaiotzako izen-deiturak	Henry Marie Joseph Frédéric Expédite Millon de Montherlant
Jaiotza	Parisko 7. barrutia, 1895eko apirilaren 20a
Herrialdea	Frantzia
Bizilekua	rue Lauriston; rue de Bourgogne; quai Voltaire
Lehen hizkuntza	frantsesa
Heriotza	Parisko 7. barrutia, 1972ko irailaren 21a (77 urte)
Hobiratze lekua	foro
Heriotza modua	suizidioa: zianuroagatiko intoxikazioa
Familia
Aita	Joseph Millon de Montherlant
Ama	Marguerite Camusat de Riancey
Hezkuntza
Heziketa	Lycée Janson de Sailly ; Institution Notre-Dame de Sainte-Croix (en)
Hizkuntzak	frantsesa
Jarduerak
Jarduerak	idazlea, antzerkigilea, eleberrigilea eta olerkaria
	Parte-hartzailea kolaborazionismo Frantzian ;
Jasotako sariak	ikusi Ohorezko Legioko ofiziala ; Grand prix de littérature de l'Académie française (1934) ; Croix de guerre 1914–1918 ; Montyon Prize (1920) ; Northcliffe Prize (1934) ; Croix du combattant volontaire 1914-1918 ;
Kidetza	Frantses Akademia
Izengoitia(k)	François Lazergue
Zerbitzu militarra
Parte hartutako gatazkak	Lehen Mundu Gerra

Henry Marie Joseph Frédéric Expedite Millon de Montherlant (Paris, 1895eko apirilaren 20a - ibidem, 1972ko irailaren 21a) frantses idazlea izan zen. Aristokraziako familia katoliko batean jaio zen. Lehen Mundu Gerran parte hartu ondoren, Espainian, Afrikan eta Italian izan zen. Montherlanten lanean nabarmenak dira iragandako urteen nostalgia eta munduaren ikuspegi heroikoa eta indibidualista. Barrèsen ikasle eta Nietzscheren jarraitzaile izan zen. 1920an idatzi zuen lehen eleberria La relève du matin (Goizeko erreleboa), Barrèsen eragin nabarmena duena. Geroago idatzi zituen eleberri aipagarrienak: Le songe (1922, Ametsa), Les bestiaires (1926, Bestiarioak), Les célibataires (1934, Ezkongabeak), Les jeunes filles (1936-1939, Neska gazteak). 1941ean argitaratu zuen Solstice de juin eleberriaren ondorioz, arazoak izan zituen bai alemaniarrekin eta baita erresistentziarekin ere. Ondorengo urteetan antzerki lanak idatzi zituen, La Maître de Santiago (1947), Port-Royal (1954) eta Le cardinal d´Espagne (1960), besteak beste. Antzerki lan horien ondoren atzera eleberriak idatzi zituen berriro, Le chaos et la nuit (1963, Kaosa eta gaua) bere eleberririk hoberena tarteko.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q379956
Multimedia: Henry de Montherlant / Q379956