Jaitzubia erreka eta ibarra

Jaitzubiko bidezka martxoko hasieran

Jaitzubia Hondarribiko erreka eta inguruko ibarra da. Zonaldea Gipuzkoako hezegune garrantzitsu bat da eta Txingudiko Baliabide Naturalak Babestu eta Antolatzeko Plan Bereziaren barruan onartuta dago. Dagoeneko errekaren azken tramoa eta ingurua babestuta daude. Inguruan izen bereko Jaitzubia Hondarribiko auzoa dago.

Jaitzubiako ibarreko hektarea babestuak 70,4 dira. Horietatik 38.1 Babes Berezikoak dira eta gainerakoak, berriz, Nekazaritza Babesekoak. Inguru hori lehengoratzeko lanak 2003an hasi ziren. Horretarako itsasotik zonaldea bereizi egiten zuen harresi bat ireki zuten eta baratzak zeuden inguruan ura berriro ere sartzen utzi zuten, paduretarako 25 hektarea berreskuratuz. Halaber, zonaldea zeharkatzen zuen linea elektrikoa lurperatu zuten eta inguruan sortutako zabortegi ilegal bat garbitu zuten.

Jaitzubia padura Hondarribian

Jaitzubian Gipuzkoan aurki daitezkeen lezkadi handienak daude.

Inguru honen garrantzia handia da. Modu batez Jaizkibel eta Bidasoa arteko zubi lana egiten du, urbanizazioak saihesten eta, halaber, hesi efektua gutxitzen.

Aingiraportun informazio gunea dago.

Neguko hegaztiak

SEO/BirdLifeko Donostia taldeak hegaztiak behatzeko 2022ko otsailean antolatu zuen saio batean, 21 hegazti mota katalogatu zituen:

• Amilotx urdina
• Arrano arrantzalea
• Basahatea
• Belabeltza
• Beltxarga
• Buztanikara zuria
• Buztanluzea
• Dilindaria
• Errekatxindorra
• Harri-iraularia
• Kaskabeltz handia
• Koartzatxo itzaina
• Koartzatxo txikia
• Kopetazuria
• Kuliska
• Lezkari karratxina
• Mika
• Pitxartxar burubeltza
• Txantxangorria
• Txirria
• Ubarroia

Ikus gainera

• Plaiaundiko Parke Ekologikoa
• Txingudi

Kanpo estekak

• (Gaztelaniaz) Jaitzubian zeharreko ibilbidea bideoz.
• Txingudiko plan zuzentzailea Eusko jaurlaritzaren Ekonomiaren Garapen, Jasangarritasun eta Ingurumen Saila
• Txingudiko badiaren inguruko naturguneak berritu eta haien arteko konektibitatea hobetzeko Plan Gidaria (PLAN DIRECTOR PARA LA RESTAURACIÓN Y LA MEJORA DE CONECTIVIDAD DE LOS ESPACIOS NATURALES DEL ENTORNO DE LA BAHÍA DE TXINGUDI) (PDF, 8 MB)
• (Gaztelaniaz) DIAGNÓSTICO Y ANÁLISIS DE PRIORIDADES URGENTES PARA LA RESTAURACIÓN Y CONECTIVIDAD DE LAS MARISMAS DE TXINGUDI Anexo I (PDF, 6 MB)
• (Gaztelaniaz) PRESELECCIÓN DE ALTERNATIVAS TRAS REUNIÓN DE LA COMISIÓN TÉCNICA DEL 19 DE SEPTIEMBRE DE 2014 (PDF, 9 MB)
• Txingudi. Euskadi turismo
• (Gaztelaniaz) Hegaztien behaketa Txingudin eta Plaiaundin. CINEREA, Artxibatua.
• Bidasoko uharteen landarediaren gaineko ikerketa.
• (Gaztelaniaz) Txingudi Bidasoa Turismo
• Hegoaldeko orrialde ofiziala.
• Txingudiko paduretako kudeatzaile taldearen bloga
• Eusko Jaurlaritzaren informazio orokorra.

• Datuak: Q12260145