José Clemente Orozco

Wikipedia, Entziklopedia askea
Jump to navigation Jump to search
José Clemente Orozco
Orozco en polyforum0001.jpg
José Clemente Orozco, David Alfaro Siqueirosen margolana.Commons-logo.svg Irudi gehiago
Bizitza
Jaiotza Ciudad Guzmán (en) Itzuli1883ko azaroaren 23a
Herrialdea  Mexiko
Heriotza Mexiko Hiria1949ko irailaren 7a (65 urte)
Hezkuntza
Hizkuntzak gaztelania
Ikaslea(k) Oswaldo Guayasamín
Jarduerak
Jarduerak margolaria eta marrazkilaria
Jasotako sariak
Kidetza Colegio Nacional (en) Itzuli
National Academy of Fine Arts (Argentina) (en) Itzuli
Genero artistikoa genero-margolana
Horma irudia
Sinesmenak eta ideologia
Erlijioa ateismoa
ateoa

José Clemente Orozco (Ciudad Guzman, Jalisco, 1883ko azaroaren 23a - Mexiko Hiria, 1949ko irailaren 7a) mexikar margolaria izan zen. Orozcoren lana berritzailea izan zen, joera espresionistakoa eta zapalduenganako atxikimendua adierazten duena.

Biografia[aldatu | aldatu iturburu kodea]

Agronomia ikasketak egin eta arkitekturakoak hasi zituen. Margolari izatea erabaki zuen eta San Carlosko akademian egin zituen arte ikasketak. 1910ean Mexikoko artearen erakusketa handian parte hartu zuen. 1915ean emagalduei buruzko erakusketa bat egin zuen, Casa de lágrimas («Malkozko etxea») izenekoa. Iraultza bitartean karikaturak egin zituen Vanguardia aldizkarian. 1921ean Arte Iraultzailearen Manifestua izenpetu zuen Diego Rivera eta Siqueirosekin batera. 1922an margolarien eta eskultoreen sindikatuko kide egin zen; urte hartan bertan gobernuak Prestakuntzarako Eskola Nazionaleko hormetan margolanak egitea eskatu zion. 1927tik 1932 arte Europan ibili zen eta bertako arte abangoardia ezagutu zuen. 1930etik aurrera Mexikoko Iraultzari buruzko koadroak margotu zituen New Yorken eta hormetako margoak egin zituen Kalifornian, New Hampshiren eta New Yorken. 1936tik 1939 arte Guadalajarako unibertsitateko, Gobernuaren Jauregiko eta Hospicio Cabañas kaperako freskoak egin zituen; 1940ean Julipaneko liburutegia apaindu zuen eta Mexikoko Auzitegi Gorenaren Egoitzako freskoak pintatu zituen. Ondoren, zazpi urtez, koadro txikiak egin zituen, erretratuak, batez ere.

Erreferentziak[aldatu | aldatu iturburu kodea]