Jose Maria Agirre Salaberria

Wikipedia, Entziklopedia askea
Hona jauzi: nabigazioa, Bilatu
Artikulu hau Mauthausenen kartzelaratutakoari buruzkoa da; beste esanahietarako, ikus «Agirre».
Jose Maria Agirre Salaberria
Bizitza
Jaiotza Markina-Xemein1919ko martxoaren 25a
Herrialdea  Bizkaia, Euskal Herria
Heriotza Palma Mallorcakoa2009ko irailaren 6a (90 urte)
Hezkuntza
Hizkuntzak gaztelania
Lanbidea
Zerbitzu militarra
Gatazka Espainiako Gerra Zibila

Jose Maria Agirre Salaberria (Markina, Bizkaia, 1919ko martxoaren 25aPalma Mallorcakoa, Balearrak, 2009ko irailaren 6a) milizianoa izan zen, Mauthausengo kontzentrazio esparrutik bizirik atera zelako ezaguna.[1]

Biografia[aldatu | aldatu iturburu kodea]

Markinan (Bizkaia) jaioa bazen ere, Irunen (Gipuzkoa) hazi zen, eta hantxe bizi izan zen 17 urte zituen arte. 1936an, Espainiako Gerra Zibila hasi zenean, familia osoa Hendaiara joan zen. Han zela, aita Doroteorekin batera Kataluniara joatera behartu zuten.

Han miliziano bilakatu zen, eta San Pedro Martir muinoan eta Sant Feliu de Guíxolsen borrokatu zen. 1939an muga zeharkatu zuen Frantziara, garaile zetorren armada frankistarengandik ihesi.

Frantzian Saint-Cyprien eta Gurs kontzentrazio esparruetan izan zen. Han Marcelino Bilbao ezagutu zuen, koinatua izango zuena.

Gursetik Septfondsera eraman zuten, eta handik Maginot lerroan lan egitera.[2] 1940an naziek harrapatu eta Estrasburgoko esparrura eraman zuten.

Urte hartako abenduaren 13an Mauthausenera eraman zuten, eta 4553 zenbakia eman zioten.[3] Ternberg eta Redl-Zipf azpiesparruetan eta Kommando Cesarren izan zen. Isipula pasatzeaz gain, nazien esperimentuetan parte hartu zuen.

Naziek Ebenseera zeramatela, aliatuek askatu zuten.

1950eko hamarkadan Mallorcara joan zen bizitzera, non hotel bat zuzendu zuen.[4] Han hil zen 2009an.

Erreferentziak[aldatu | aldatu iturburu kodea]