Jose Ramon Soroiz

Jose Ramon Soroiz
Bizitza
Jaiotzako izen-deiturak	José Ramón Soroiz Ormazábal
Jaiotza	Legorreta, 1951ko otsailaren 24a (73 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	aktorea
Jasotako sariak	ikusi Argia Sariak (2000) ;

Jose Ramon Soroiz Ormazabal (Legorreta, 1951ko otsailaren 24a - ), ezizenez Pinpix, euskal aktorea da. Telebista, zinema eta antzerkigintza jorratu ditu Soroizek bere ibilbide emankorrean, kasurik gehienetan komedia landuz. Antzerkiari dagokionez Tanttaka taldearekin aritu da gehienbat, eta hauexek dira taularatu dituen lanik garrantzitsuenak: Agur Eire, agur (1988), Ama begira zazu eta Dakota (1998), El florido pensil (1996), Novecento: Ozeanoko pianista (2000).

Zinemagintzari dagokionez Ke arteko egunak (1989), Vacas (1991) eta Maité (1994) filmak aipa daitezke. Telebistari dagokionez, berak sortu ditu azken urteotan Euskal Telebistak izan dituen pertsonaiarik ezagun eta esanguratsuenak, besteak beste, Bi eta bateko Joxe Lontxo (1991tik aurrera) edota 1995etik 1997ra eman zen Jaun eta Jabe telesaileko Joxantonio lehendakaria. Euskal Telebistak emandako Goenkale (1994), Maité (1998) eta Ertzainak (1999) telesailetan ere rol garrantzitsuak izan ditu, eta Espainiako telebistan ere parte hartu du, besteak beste, Policías telesailean.

Telebistarako lanik gehienetan alde komikoa landu badu ere, argi utzi du Soroizek hori baino erregistro askoz ere zabalagoko aktorea dela.

Lanak

Zinema

Begia begi truk (laburmetraia) (2020)
Agur Etxebesteǃ (2019)
Kutsidazu bidea, Ixabel (2006)
Sí, quiero... (1999)
40 ezetz (1999)
Pase negro (1998)
El florido pénsil (1996)
Artikulua Eugunkarian, El florido Pensil antzerkilanaz, 1996-02-23
Maité (1994)
Offeko maitasuna (1992)
Vacas (1992)
Aquel mundo de Jon (1991)
Ke arteko egunak (1990)
El anónimo... ¡vaya papelón! (1990)
Karlistadaren kronika 1872-1876 (1988)
A los cuatro vientos (1987)
Petit casino (1986)
Tasio (1984)
Balantzatxoa (1978)

Telebista

Irabazi arte (2022)
Beti mugan (2021)
Altsasu (2020)
Patria (2020)
Martin (2003-2008)
Kilker Dema (2001)
Ertzainak (1999)
Maité (1998)
Jaun ta Jabe (1997)
Goenkale (1994 eta 2002)
Bertan Zoro (1991-1992)
Bi eta bat (1991 eta 2012)
Del Miño al Bidasoa (1988)
Pedro I el Cruel (1988)
Bai Horixe (1984-1987)

Antzerkia

Metxa (2003)
El pianista del océano
El porqué de las cosas
Muerte accidental de un anarquista
Agur Eire... agur (1988)
Eclipse (1986)
El ascensor se ha bloqueado (1985)
Gure herria (1984)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q9014723