Juan Eraso

Wikipedia, Entziklopedia askea
Hona jauzi: nabigazioa, Bilatu
Juan Eraso
Bizitza
Jaiotza Areso1914ko otsailaren 21a
Herrialdea  Nafarroa Garaia, Euskal Herria
Heriotza Angelu2002ko abenduaren 21a (88 urte)
Lanbidea
Lanbidea musikaria eta abesbatzetako zuzendaria

Juan Eraso Olaetxea (Areso, 1914ko otsailaren 21a - Angelu, Lapurdi, 2002ko abenduaren 21a) nafar musikari eta abesbatza zuzendaria izan zen.

Biografia[aldatu | aldatu iturburu kodea]

Areson jaio arren, egun gutxi batzuk baino ez zituenetik Elizondon bizi izan zen. Bertako apaiz eta organista Juan Berekoetxearekin hasi zen musika ikasten[1]. Ondoren Ángel de Trabadeloren ikaslea izan zen eta etorkizun handiko tenore-ibilbidea hasi zuen, zintzurreko arazoek eten zutena. Handik aurrera irakaskuntzan eta abesbatza zuzendaritzan jardun zuen[2].

Iruñeko Kontserbatorioko irakaslea izan zen eta, 1956-1960 bitartean, Iruñeko Orfeoiaren zuzendaria. Urte horietan impostazio modernoagoa eta ahots-hobekuntza eman zion orfeoiari[3].

1942 sortu zuen Elizondoko Korala funtsezkoa izan zen bere musika jardunean. Abesbatza honekin Espainia, Portugal, Frantzia, Italia, Bretainia Handia, Belgika, Austria eta Hego Afrikan aritu zen[4] eta sari garrantzitsuak lortu zituen: 1952an Llangollen International Musical Eisteddfodeko (Llangollen, Gales) folklore eta polifoniako lehen sariak; 1953an Innsbruckeko Ahots Polifonia Klasikoko Nazioarteko Jaialdiko lehen saria; 1978an Tolosako Nazioarteko Abesbatzen Lehiaketako lehen saria[5].

1947-1948an Elizondoko alkate izan zen. Baztandar askoren kantu irakasle izan zen, musutruk, hauxe esaten baitzuen: "dakienak irakats beza, ahal duenak ikas beza, eta duenak ordain beza". 1983an Elizondoko Seme Kutun izendatu zuten, eta 1992an Baztango Semetzako hartu zuen bertako udalak[5].

Erreferentziak[aldatu | aldatu iturburu kodea]

  1. Santamaría, Lander, Baztan recuerda al maestro Juan Eraso en su 10º aniversario, noticiasdenavarra.com
  2. Santamaría, Lander, Cantores y músicos se unen hoy para recordar a su director, Juan Eraso, noticiasdenavarra.com
  3. Iruñeko Orfeoiaren historia: D. Juan Eraso, orfeonpamplones.com
  4. Agrupación Coral de Elizondo Fundacionorfeo.com
  5. a b Carmen RUIZ DE GARIBAY: Juan Eraso Olaetxea Auñamendi Eusko Entziklopedia, euskomedia.org

Kanpo loturak[aldatu | aldatu iturburu kodea]