Kievo-Petxerska Lavra

Wikipedia(e)tik
Hona jo: nabigazioa, Bilatu
Kiev: Santa Sofia katedrala eta Kievo-Petxerska Lavra monasterio konplexua1
UNESCOren gizateriaren ondarea
2005-08-15 Pechersk Lavra seen from river Dnepr Kiev 311.JPG

Monasterioaren kanpoaldea

Mota Kulturala
Irizpideak i,ii,iii,iv
Erreferentzia (ID) 527
Kokalekua  Ukraina
Eskualdea2 Europa/Ipar Amerika
Koordenatuak 50°27′10″N 30°30′52″E / 50.45278°N 30.51444°E / 50.45278; 30.51444Koordenatuak: 50°27′10″N 30°30′52″E / 50.45278°N 30.51444°E / 50.45278; 30.51444
Izen ematea 1990 (XIV. bilkura)
Luzapen urtea 2005
1 UNESCOk jarritako izen ofiziala (euskaratua)
2 UNESCOren sailkapena

Kievo-Petxerska Lavra (ukraineraz: Ки́єво-Пече́рська ла́вра, Kýievo-Petxerska lavra; errusieraz: Ки́ево-Пече́рская ла́вра, Kíevo-Petxérskaia lavra), edo Kieveko leizezuloetako monasterioa, Kieven (Ukraina) dagoen monasterio ortodoxoa da. 1051n, Jaroslav I.a Kievekoaren agintaldian, sortu zenetik, Eliza Ortodoxoaren leku santuetako bat izan zen.

1990ean UNESCOk, Kievo-Petxerska Lavra eta Santa Sofia katedrala Gizateriaren Ondare izendatu zituen.

Historia[aldatu | aldatu iturburu kodea]

Nestorren Kronikaren arabera, XI. mendearen hasieran Antonio, Athos mendiko Esphigmenou monasterioko lekaide ortodoxoa, Berestoveko leizezulo batean kokatu zen, Kiev hiriaren kanpoaldean. Beste lekaide batzuk batu zitzaizkion eta leize gehiago zulatu zituzten. Kieveko printze eta boiardoen sostenguarekin, monasterioa handituz joan zen eta, luze gabe, Kieveko Rusako erlijio eta kultura gune nagusi bilakatu zen[1]. Eliza nagusia, Jasokunde katedrala, 1073 eta 1078 artean eraiki zen[2].

Ondoko mendeetan monasterioa zenbait aldiz arpilatu zuten, 1096an kumastarrek, 1240an Batu Khan buru zuen mongolen hordak eta 1482an tartariarrek, baina suntsitze bakoitzaren ostean berreraikia eta handitua izan zen. 1718an sute batek kalte handiak eragin zituen. Berreraikitze lanek 10 urte iraun zuten. Garai hartakoak dira gaur egungo eraikin gehienak. XVIII. mendearen amaieran monasterioaren errusiartzea hasi zen[1].

192122an, Iraultza Boltxevikearen ondoren, sobietar agintariek monasterioaren ondasun asko konfiskatu zituzten eta eraikin ugariri beste erabilpen batzuk eman zizkieten. 1926an monasterioa itxi eta museo bihurtu zen. Museoan erlijioaren aurkako propaganda nagusi zen. Bigarren Mundu Gerran, atzerantz egiten ari ziren sobietar tropek Jasokunde katedrala leherrarazi zuten[1].

1992tik Petxerska Lavra Eliza Ortodoxoaren kontrolpean dago. 1998 eta 2000 artean Jasokunde katedrala berreraikia izan zen[1].

Erreferentziak[aldatu | aldatu iturburu kodea]

  1. a b c d Vadym PAVLOVSKY: Kyivan Cave Monastery Encyclopedia of Ukraine
  2. Dormition Cathedral of the Kyivan Cave Monastery Encyclopedia of Ukraine

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Kievo-Petxerska Lavra Aldatu lotura Wikidatan