Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Makromolekula

Wikipedia, Entziklopedia askea
Jump to navigation Jump to search

Makromolekula baten egitura kimikoaren irudikapena, kasu honetan proteina bat.

Makromolekulak atomo asko (milatik gora) dituzten molekula handiak dira, eskuarki monomeroen polimerizaziotik sortuak. Biokimikan, makromolekula ohikoenak biopolimeroak (azido nukleikoak, proteinak, karbohidratoak eta polifenolak) eta molekula ez-polimeriko handiak (lipidoak eta makrozikloak) dira. Makromolekula sintetikoak ere badira, hala nola plastikoak eta zuntz sintetikoak.

Dena den, makromolekula arrunt baten pisu molekularra 500.000 inguruan egon daiteke, eta batzuetan milioikakoa izatera ere iristen da. Makromolekulen izen orokorraren azpian, talde oso garrantzitsua da polimeroena. Polimeroa etengabe errepikatzen den unitateen multzoak osatzen du, eta hori lortzeko abiapuntu izan diren erreaktiboak monomeroak dira, eta errepikatzen den unitateak monomero horien antza du (lotura bat edo beste aldatuko da, atomo bat edo beste aldatuko da, baina egitura nagusian monomeroak ikusiko dira). Polimeroak, oro har, makromolekulak dira, pisu molekular handikoak izaten baitira, baina badira polimero ez diren makromolekulak ere —adibidez, tabakoaren mosaikoaren birusa, hainbat proteina erraldoieta abar—. Bereizketa hori egin ondoren, makromolekula eta polimero hitzak, bata zein bestea, erabiliko ditugu noiznahi[1].

Erreferentziak[aldatu | aldatu iturburu kodea]

  1.   Iriarte, Marian (2009-09-17) «Makromolekula» zthiztegia.elhuyar.eus (Elhuyar) https://zthiztegia.elhuyar.eus/terminoa/eu/makromolekula. Noiz kontsultatua: 2018-05-31 .