Moïse Tshombe

Wikipedia, Entziklopedia askea
Jump to navigation Jump to search
Moïse Tshombe
26.2.63. Moïse Tshombe arrive à Toulouse (1963) - 53Fi5440 (cropped).jpg
5. Kongoko Errepublika Demokratikoko lehen ministro

1964ko uztailaren 10a - 1965eko urriaren 13a
Cyrille Adoula Itzuli - Évariste Kimba Itzuli
Foreign Minister of the Democratic Republic of the Congo Itzuli

Bizitza
Jaiotza Musumba Itzuli1919ko azaroaren 10a
Herrialdea  Kongoko Errepublika Demokratikoa
Heriotza Aljer1969ko ekainaren 29a (49 urte)
Hobiratze lekua Brusela
Familia
Aita Q30345051
Hezkuntza
Hizkuntzak frantsesa
Jarduerak
Jarduerak politikaria
Sinesmenak eta ideologia
Alderdi politikoa CONAKAT Itzuli
Congolese National Convention Itzuli
IMDb nm0874977

Moïse Kapenda Tshombe (Musumba, Belgikar Kongo, 1919ko azaroaren 10a - Aljeria, 1969ko ekainaren 29a) kongotar politikaria izan zen, Katangako presidentea 1960-1963 bitartean, eta Kongoko Errepublika Demokratikoko lehen ministroa 1964-1965 bitartean.

Bizitza[aldatu | aldatu iturburu kodea]

Familia aristokratiko aberatsean jaio zen. Belgikarren kolonizazioaren denboran negozio-gizon bakarrenetarikoa izan zen. CONAKAT (Katangako Elkarteen Konfederazioa) alderdiaren sortzailea eta buruzagia izan zen. Kongoren independentziari dagokionez, federalismoaren aldeko izan zen, gerora garaile irten ziren Patrice Lumumbaren ikuspegi bateratzailearen aurka. 1960ko ekainaren 30ean Kongoren independentzia aldarrikatu eta hamar egunera, Katanga probintziaren independentzia ezarri zuen, mea-aberastasunak kontrolatzen zituzten europar enpresa ahaltsuen babesarekin. Katangako presidentea zela, mertzenario zuriez baliatu zen aginpideari eusteko, NBEari eta gobernu zentralari aurre eginez. 1963. urtean etsi egin behar izan zuen eta Europara erbesteratu zen.

1964ko uztailean, Joseph Kasa-Vubu lehendakariak gobernu zentraleko lehen ministro izendatu zuen. Politika zentralista eta atzerriko konpainien aldekoa bultzatu zuen, baina 1965. urtean Mobutu Sese Seko jeneralak estatu-kolpea eman ondoren, Espainiara erbesteratu zen. 1967ko uztailean, aginpidea berreskuratzearren europar mertzenario talde bat antolatzen ari zela, hegaldi batean bahitu eta Aljeriara eraman zuten. 1969an hil zen bihotzekoak jota.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Moïse Tshombe Aldatu lotura Wikidatan