Oier Araolaza Arrieta

Wikipedia, Entziklopedia askea
Jump to navigation Jump to search
Oier Araolaza Arrieta
Bizitza
Jaiotza Elgoibar, 1972 (47/48 urte)
Herrialdea  Gipuzkoa, Euskal Herria
Hezkuntza
Hizkuntzak euskara
gaztelania
Jarduerak
Jarduerak dantzaria, idazlea, antropologoa eta irrati-esataria
Kidetza Argia Dantza Taldea
Eibar.org

Oier Araolaza Arrieta (Elgoibar, Gipuzkoa, 1972 - ) dantzari, kazetari, antropologo, idazle eta blogari gipuzkoarra da. Elgoibarren jaio arren, oso gazterik joan zen familiarekin Eibarrera eta hantxe bizi izan da.[1]

Kazetaria[aldatu | aldatu iturburu kodea]

EHUko Informazio Zientziek ikaste zuela paraktiketan ibili zen Eibarko ...eta kitto! aldizkarian, Euskadi Irratian, Radio Estudion, eta Euskal Telebistan. Kazetaritzako ikasketak bukatuta, ETBn eta Elhuyar-en lan egin zuen, Teknopolis telebista saioan eta Norteko Ferrokarrilla irratsaioan besteak beste. Azken urteotan dantzaren komunikazioan eta kudeaketan ari da buru-belarri. Sarean ere dinamikoa eta ezaguna da Araolaza, Eibar.org elkarteko kide hasiera-hasieratik, eta bertan dauka Dantzing izeneko bere blog pertsonala.[2]

Dantzaria[aldatu | aldatu iturburu kodea]

Elgoibarko Haritz dantza taldean 18 urterekin hasi zen dantzan eta zenbait urtez aritu zen taldean. Egun Eibarko Kezka dantza taldeko arduradun eta dantzari da, baina Donostiako Argia dantza taldean ere aritzen da. Dantza-eskolak eman ditu Dantzertin.

Dantzaren komunikazioa[aldatu | aldatu iturburu kodea]

Dantzari buruzko dantzan.eus webguneko sortzaileetako bat izan zen, kudeatzaile eta editore lanetan aritzen da orain. Webgune horrekin lotuta dagoen Dantzan posta zerrendan animatzaile ere badabil.

Dantzaren inguruko zenbait liburu ere idatzi ditu. esate baterako, 2012an Etxepare Institutuak argitaratu zuen Euskal Dantza liburua.[3]

Antropologoa[aldatu | aldatu iturburu kodea]

Kazetaritzako ikasketak bukatuta historia eta antropologia ere ikasi zituen. Antroplogiako gradua bukatuta Musikologiako doktorego ikastaroak egin zituen Gasteizen, EHUn, Artearen Historiaren sailean. Soka-dantzaren inguruan ikerketak egiten ari da orain.

Erreferentziak[aldatu | aldatu iturburu kodea]

  1. Tubia, Iker. «ZOKOTIK ARI DIRA DANTZAN» Berria . Noiz kontsultatua: 2017-09-10.
  2. Araolaza, Oier. Dantzing — Eibar.ORG | Eibarko peoria. . Noiz kontsultatua: 2017-09-10.
  3. Araolaza Arrieta, Oier. (2012). Euskal dantza. Etxepare Institutua, 1-84 or. ISBN 978-84-614-9756-0.

Kanpo loturak[aldatu | aldatu iturburu kodea]