Paul Gascoigne

Paul Gascoigne
	; Irudi gehiago
Bizitza
Jaiotzako izen-deiturak	Paul John Gascoigne
Jaiotza	Gateshead, 1967ko maiatzaren 27a (57 urte)
Herrialdea	Erresuma Batua
Familia
Ezkontidea(k)	Sheryl Gascoigne (en) (1996ko uztaila - 1999)
Seme-alabak	ikusi Bianca Gascoigne (en) ;
Hezkuntza
Heziketa	Breckenbeds Junior High School (en) ; Heathfield Senior High School (en) ; Joseph Swan Academy (en)
Hizkuntzak	ingelesa
Jarduerak
Jarduerak	futbolaria, autobiografialaria, futbol entrenatzailea eta animatzailea
Ibilbidea
	Parte-hartzailea 1990eko Munduko Futbol Txapelketa ; 1984–85 European Cup (en) ; UEFA Euro 1996 ;
Posizio edo espezialitatea	erdilaria
Altuera	177 zentimetro
Jasotako sariak	ikusi BBC Sports Personality of the Year Award (1990) ;

Paul John Gascoigne, izengoitiz Gazza (Gasteshead, Newcastle, Ingalaterra, 1967ko maiatzaren 27a) britainiar futbolari ohia da.

Biografia

Profesional gisa, Newcastle United taldean hasi zen: 92 partida jokatu zituen, eta 21 gol sartu. 1988an, Tottenham Hotspurs taldeak kontratatu zuen, bi milioi libratan (Erresuma Batuko futbolaren historiako laugarren kontratu garestiena). Talde horrekin Ingalaterrako Kopa irabazi zuen 1990-1991 denboraldian.

Haren dohainak zirela eta, hura kontratatzeko lehian sartu ziren Ingalaterraz kanpoko taldeak ere: Erromako Laziok 15 milioi dolar baino gehiago eskaini zituen, eta Marseillako Olympiquek, 16 milioi. 1991ko maiatzaren 19an, ordea, belauneko gihar lotzaileak hautsi zituen entrenamenduan, eta hainbat hilabete eman behar izan zituen jokatu gabe. Urte ilun batzuen ondoren, 1995ean, Eskoziara joan zen, Glasgow Rangers taldean jokatzera, eta ongi jokatzen hasi zen berriro. Lehenengo urtean, Ligako Jokalari Onenaren Saria lortu zuen. 1995-1996 denboraldian, Rangersek Liga irabazi zuen zortzigarren aldiz jarraian, eta baita Eskoziako Kopa ere. Hala, Ingalaterrako futbolaren idolo bihurtu zen Paul John Gascoigne, Gazza.

Erreferentziak

Wikimedia Commonsen badira fitxategi gehiago, gai hau dutenak: Paul Gascoigne

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q13002
Multimedia: Paul Gascoigne / Q13002