Refaat Alareer

Wikipedia, Entziklopedia askea
Refaat Alareer
Bizitza
JaiotzaShuja'iyya (en) Itzuli, 1979ko irailaren 23a
Herrialdea Palestina
BizilekuaGazako lur zerrenda
Lehen hizkuntzaarabiera
HeriotzaGaza, 2023ko abenduaren 6a (44 urte)
Heriotza moduagiza hilketa
HiltzaileaIsraeli Air Force (en) Itzuli
Hezkuntza
HeziketaGazako Islamiar Unibertsitatea 2001) gradu : English literature (en) Itzuli
Londresko University College 2007) master
University of Putra Malaysia (en) Itzuli Doktoretza : English literature (en) Itzuli
Hizkuntzakarabiera
ingelesa
Jarduerak
Jarduerakidazlea, poeta eta akademikoa
Enplegatzailea(k)Palestinian Information Center (en) Itzuli
Lan nabarmenak
KidetzaGazako Islamiar Unibertsitatea
Facebook: RefaatAlareer Twitter: itranslate123 Instagram: refaat17 Musicbrainz: 382ae411-c369-4ab0-a12b-0937fca96d63 Edit the value on Wikidata

Refaat Alareer ( arabieraz: رفعت العرعير‎; 1979ko irailaren 23a - 2023ko abenduaren 6a) Gazako Zerrendako idazle, poeta, irakasle eta aktibista palestinar bat izan zen. Literatura eta sormenezko idazkera irakatsi zituen Gazako Unibertsitate Islamikoan . "We Are Not Numbers" erakundearen sortzaileetako bat izan zen, egile adituak Gazako idazle gazteekin elkartzen zituena. 2023an bere etxekoekin zegoela ,Israeldar leherkari batek erahil zuen Gazan. Sei seme alabaren aita zen.

Lehen urteak eta hezkuntza[aldatu | aldatu iturburu kodea]

Refaat Alareer 1979an jaio zen Gaza hiriko Shuja'iyyan . [1] Behin adierazi zuenez, Gazan hazi izanak esan nahi zuen "bere mugimendu eta erabaki guztiek Israelgo okupazioaren eragina (gehienetan eragin txarra) jasan zutela. "[2]

"Tipidanik Israeledar militarren Jeepei harriak botatzen hezi naiz, kometak heganaratzen eta irakurtzen "

Lehen Intafada garaian handitu zenez, haur zelarik liburu arrunt gutti izan zituen eskuen artean. Horien ordez bere belaunaldiarentzat Palestiniar folk kantuak eta erresistentzia kantua izan ziren hezkuntza iturri nagusiak. Era berean graffitiek eta pintadek izugarrizko eragina izan zuten beregan.[3]

"Orroitzen naiz nere anai gaztearekin Intafada olerki liburu bat genuela. Irakurtzeko lehio eta ateak tapatzen nituen, inori ez erran gabe irakurtzen ari nintzela. Bomba bat ezkutatzea bezala zen. Eskolako liburuei dagokionez, aski onak ziren baina, ez ziguten ordea bate balio gertatzen zenaren ulertzeko. Haien orrietan Palestinari erreferentzia guziak ezabatuak ziren." [4]

Alareer-ek Ingeles Filologiako lizentzia lortu zuen 2001ean Gazako Unibertsitate Islamikoan. 2007an master bat egin zuen Londoneko University Collegen[3] eta Ingeles Literaturako doktoretza ere eskuratu zuen John Donne poetari buruz, Malaysiako Putra Unibertsitatean. [5]

2007an, [6] Gazako Unibertsitate Islamikoan hasi zen, munduko literatura eta sormenezko idazkera irakasten.[7]2015ean "We are not numbers" erakundea sortzen parte hartu zuen, Gazako idazleak atzerriko egileekin lotzen dituen tutoretza programa bat. [8]

2008an Gazaren kontrako ofentsiba batek 1400 palestinar, hilik uzten ditu. Gertakari tragiko horien ondorioz idazten hasi zen, ingelesez, Palestinaren egoera mundu osora elarazteko.[4]

Alareerek Palestinako ipuinen bi liburuki editatu zituen, Gaza Unsilenced (2015) eta Gaza Writes Back (2014).

Bere azken urteetan Israelen atakak areagotzen zirela, Gazatarren boz eramaile egin zen, artikulu zein elkarrizketak proposatuz munduko hedabide ugaritan. Adibidez 2021eko Israel-Palestina krisian, iritzi artikulu bat idatzi zuen The New York Times-en, non azaltzen zuen berak eta bere emazteak 30 ahaide baino gehiago galdu zituztela. [9] 2023ko Israel-Palestina gatazkan, Alareerrek agerraldiak egin zituen zenbait hedabidetan (BBC, Democracy Now! , eta ABC News. [10] [11] [12] 2023ko urrian Hamasek Israelen egindako erasoa eta berehala, hura "legitimoa eta morala" zela esan zuen " Varsoviako Ghettoaren matxinada bezalakoa". [13]

Berak idatzitako poemetariko bat:

«

Bustita[14]

Mediterraneoaren ertzean,
Gatzetan bustitako gizateria ikusi nuen,
Buruz behera,
Hildakoak,
Begiak tantaka,
Eskuak zeruan gora, otoitz, edo beldurrez.
Ezin nuen esan.
Itsasoa, arabiar baten bihotza baino gogorragoa,
dantzak,
Odolez blaitua.
Harri-koskorrek bakarrik egin zuten negar.
Harri-koskorrak bakarrik.
Arabiako lurrin guztiak ez dira usteltzen
Israel ugaldu egin da.

»

Gaza Writes Back iniziatiba[aldatu | aldatu iturburu kodea]

Elkarrizketa batean, Alareerrek adierazi zuen Gaza Writes Back etorkizuneko belaunaldiei lekukotza bat emateko literatura saiakera bat izan zela. [15] Ideia 2008ko ofentsiba garaian etorri zitzaion, bere haurrei ipuinak kondatzen zituela eta. Klasera itzuli zelarik, xerkatze lanketak baino, fikziozki istoria laburrak idaztea eskatu zien bere ikasleei. Eskuratu dituen 100 lanen artean 23 aukeratu eta argitaratu zituen, bizi izan zituzten 23 egun ikaragarriei erantzuteko.

"Gaza Writes Back Palestinaren egoera latza humanizatzen eta unibertsalizatzen du. Isarelen propaganda indartsuak gertakari eta irudiak desitxuratzen dituen momentuan, bozik ez dutenei boz bat ematen die, baita bisaigabeei izen eta bisai bat. Eta sinesten dut liburu horrel beste obra eta literaturak sortuko dituela Palestinan. "[3]

If I must die[aldatu | aldatu iturburu kodea]

2023ko azaroaren lehenean hil baino pare bat egun lehenago Refaat Alareerek azken olerki indartsu bat hedatu zuen bere sare sozialetan. Hunek sekulako arrakasta ukan zuen, hizkuntz ugaritan itzulia izanez. Bere aldetik Brian Cox, aktore ezagunak olerkiaren iraurketa bat proposatu zuen.

«

Hil behar banaiz

hil behar banaiz
zu bizi beharko zara
nire historia kontatzeko
nire gauzak saltzeko
oihal zati bat erosteko,
oihala, eta hari batzuk
(zuria eta buztan luzeduna izan dadila)
Gazan nonbait dagoen haur batek
zerua begietara begiratzean
su-infernuan joan zitzaion aita itxoiten
- inori agur esan gabe
ezta bere azalari
ezta bere buruari ere -
zuk egindako kometa ikus dezan,
goian hegan,
eta momentu batez aingeru bat maitasuna ekartzera datorrela pentsa dezan,
hil behar banaiz,
itxaropena ekarri dezala.

@leiredeitzenaiz erabiltzaileak euskaratua

»

Hilketa[aldatu | aldatu iturburu kodea]

Refaat Alareer arrebaren etxean zegoela hil zuten 2023ko abenduaren 6an, 44 urterekin[16]. Erahila izan aitzin etxez aldatzera behartua izan da, etengabe mehatxua baitzen .[17] Egun hartan Gazako Al sidra auzoan zegoen bere senideekin, joeraso aldi batek bere apartamendua jo zuelarik. Berekin batera zazpi pertsonek bizia galdu dute: Salah bere anaiak, Mohamed bere iloba, baita arrebatzat zuen Asmaa eta bere hiru haur (Alaa, Yahia et Mohammed). Erasoan Alaa bere anaiaren emaztea eta bi haur, Rafik eta Alma zaurituak izan dira ere bai. [18]

Euro-mediterranean Human Rights Monitor organisazioaren arabera argi da leherkaria beri zuzenki zuzendua zela. [19] Ramy Abdu Euro-Mediterranean Human Rights Monitorren sortzaileak adierazi duenez, Israelgo soldaduek "eraso, jazarri eta hil egin zuten Gazako ahotsa, bertako akademiko onenetako bat, gizaki bat, nire lagun maite eta miretsia". [17]

Lanak[aldatu | aldatu iturburu kodea]

Editatutako bildumak[aldatu | aldatu iturburu kodea]

Saiakerak[aldatu | aldatu iturburu kodea]

Artikuluak[aldatu | aldatu iturburu kodea]

Elkarrizketak[aldatu | aldatu iturburu kodea]

Unibertsitate lan[aldatu | aldatu iturburu kodea]

Erreferentziak[aldatu | aldatu iturburu kodea]

  1. ↑ Casagrande, Orsola. Renaat Alareer: Living under Israeli occupation. ANF News.
  2. ↑ (Ingelesez) «Israel bombing kills writer Refaat Alareer in Gaza» ANF News (Noiz kontsultatua: 2024-01-11).
  3. ↑ a b c «Renaat Alareer: Living under Israeli occupation» ANF News October 19, 2018.
  4. ↑ a b (Ingelesez) «Israel bombing kills writer Refaat Alareer in Gaza» ANF News (Noiz kontsultatua: 2024-01-11).
  5. ↑ «Refaat Alareer» American Friends Service Committee.
  6. ↑ «Poet and scholar Refaat Alareer has been killed by an Israeli airstrike.» Literary Hub December 7, 2023.
  7. ↑ «Refaat Alareer» Palestine Book Awards.
  8. ↑ «Palestinian Poet Refaat Alareer Killed In Gaza Strike» Barrons December 7, 2023.
  9. ↑ Alareer, Refaat. (May 13, 2021). «My Child Asks, ‘Can Israel Destroy Our Building if the Power Is Out?’» The New York Times.
  10. ↑ «Refaat Alareer in Gaza: Israel’s "Barbaric" Bombardment Is Part of Ethnic Cleansing Campaign» Democracy Now! October 10, 2023.
  11. ↑ «Refaat Alareer remarks on Gaza hospital blast» ABC News October 18, 2023.
  12. ↑ Greyman-Kennard, Danielle. (October 8, 2023). «Hamas terror against Israel like ‘Warsaw Ghetto uprising’, says BBC guest» The Jerusalem Post.
  13. ↑ «Israel Gaza: Palestinians mourn controversial writer killed in air strike» BBC December 7, 2023.
  14. ↑ Literatur Emailuak » Refaat al-Areer poeta eta irakasle palestinarra ere hil dute. (Noiz kontsultatua: 2024-01-11).
  15. ↑ «The Story Behind ‘Gaza Writes Back’» The Palestine Chronicle May 21, 2016.
  16. ↑ «Gaza iparraldeko palestinarren ia erdiek muturreko gosea dute» Argia (Noiz kontsultatua: 2023-12-11).
  17. ↑ a b «Tributes pour in for Gaza’s ‘most prominent’ academic, killed in Israeli attack» Al Jazeera December 7, 2023.
  18. ↑ (Frantsesez) Admin. (2023-12-09). «Gaza : Le poète Alareer tué après avoir été localisé par son GSM» Maghreb Online (Noiz kontsultatua: 2024-01-11).
  19. ↑ (Ingelesez) Monitor, Euro-Med Human Rights. «Israeli Strike on Refaat al-Areer Apparently Deliberate» Euro-Med Human Rights Monitor (Noiz kontsultatua: 2024-01-11).
  20. ↑ Sheehan, Dan. (December 7, 2023). «Poet and scholar Refaat Alareer has been killed by an Israeli airstrike.» Literary Hub.

Kanpo estekak[aldatu | aldatu iturburu kodea]

"https://eu.wikipedia.org/w/index.php?title=Refaat_Alareer&oldid=9540982"(e)tik eskuratuta