Saint Clair (aintzira)

Saint Clair (aintzira)
Saint Clair (aintzira)
Datu orokorrak
Garaiera	175 m
Mota	aintzira
Luzera	42 km
Zabalera	39 km
Azalera	1.114 km²
Sakonera	3,4 m
Bolumena	3.400 hm³
Geografia
Koordenatuak	42°27′01″N 82°40′33″W / 42.450265°N 82.67572°W
Estatu burujabe	Kanada
Probintzia	Ontario
Single-tier municipality	Chatham-Kent
Hidrografia
Betebidea	ikusi St. Clair River (en) ; Thames River (en) ; Chenail Ecarté (The Snye) (en) ; Johnston Channel (en) ;
Hustubidea	Detroit ibaia
Erresidentzia denbora	7 d
Arro hidrografikoa	Lake Erie drainage basin (en)

Saint Clair aintzira (ingelesez: Lake St. Clair, frantsesez: Lac Sainte-Claire) Estatu Batuak eta Kanada arteko mugan kokaturik dagoen aintzira bat da.

Amerikako Aintzira Handien artean kokaturik dago, Huron eta Erie aintziren artean, eta San Laurendi nabigazio lerroak zeharkatzen du^[1].

Izena[aldatu | aldatu iturburu kodea]

Jatorrizko biztanleek hainbat izen eman zizkioten aintzirari. Mississauga leinuak Waawiyaataan(ong) deitu zion, "zurrunbiloan" esan nahi du. Frantziar esploradoreak ian ziren iristen elehn europarrak eta haien mapetan ere hainbta izen jaso zituen, Lac des Eaux de Mer (Itsasoko uren aintzira), Lac de la Chaudière (teontziaren aintzira).

Robert de La Salle esploradore frantziarra 1679ko abuztuaren 12an iritsi zen aintzirara eta egutegi kristauan Klara Asiskoaren eguna denez Lac Sainte-Claire izena jarri zion eta ordutik horrela deitu izan da^[2].

Geografia[aldatu | aldatu iturburu kodea]

Huron aintziratik Saint Clair ibaia ateratzen da eta horrek betetzen du Saint Clair aintzira. 1.114 km²-ko azalera du eta itxura triangeluarra edo borobiltsua du^[3]. AEB eta Kanada arteko mugan dago, ekialdean Kanadako Ontario probintzia du eta mendebaldean AEB-tako Michigan estatua.

Sakonera txikia du, 3'4 metrotako batazbestekoa baino ez, eta sakonera maximoa 8 metrotakoa da. Hain sakonera txikia izanik neguan izoztu egiten da.

Uharte batzuk baditu, aipagarrienak Gull Island eta Harsens Island, biak ala biak Estatu Batuen aldean^[4].

Aintziraren hustubidea Detroit ibaia da, Detroit hiria zeharkatu eta Erie aintzirara iristen dena^[4].

Turismoa[aldatu | aldatu iturburu kodea]

Ur gezatako arrain ugari aurkitzen dira Saint Clair aintziran eta arrantza turismo jarduera bihurtu da^[4]. Espezie aipagarrienak siluroak, lutxo arrunta, perka, izokina, gaizkata eta amuarraina dira.

Macomb eta St. Clair konderrietan hondartza publikoak daude eta udan jendez beteta egoten dira^[5].