UK (aldizkaria)

UK: Uribe kostako aldizkaria
Mota	toki informazioaren hamabostekaria
Fitxa teknikoa
Hizkuntza	euskara
Argitaratze lekua	Getxo
Kolorea	zuri-beltzean eta koloretan (azala)
Banaketa
Banatze-eremua	Uribe Kosta
Salneurria	20 € urteko harpidetza
Historia
Zuzendaria	Irantzu Sagarginaga
Erredaktoreak	Algortako Bertso Eskola, Amaia Arriaga, Aritza Bergara, Bizarra Lepoan Euskara Elkartea, Bittor Egurrola, Armando Llamosas, K.Olate, Jorje Pérez
Identifikadoreak
ISSN	1576-7248
	ukaldizkaria.com

UK Uribe Kostako aldizkari euskalduna da. Hamabostean behin banatzen da Getxo, Leioa, Erandio, Sopela, Berango, Barrika, Urduliz, Lemoiz, Gorliz eta Plentzia udalerrietan. Getxoko Boluntzarreta elkarteak argitaratzen du aldizkaria, eta bere garaian Getxorako bakarrik egiten zen Bizarra Lepoan hilabetekariaren oinordekoa da.

Historia[aldatu | aldatu iturburu kodea]

UK aldizkariak 1995ean hasi zuen ibilbidea. Garai hartan Bizarra Lepoan izena zuen eta Getxorako aldizkaria baino ez zen. Hurrengo urteetan, besteak beste, Erandiorako eta Leioarako gehigarri bereziak atera zituen eta Uribe Kostako Santa Mariñe aldizkaria desagertu ondoren, 1999an aldizkariari izena aldatu eta UK jarri zioten. Horrez gain, Getxoko aldizkaria izatetik eskualde osorako aldizkaria izatera pasa zen. 2002an beste pauso bat eman zuen aldizkariak: hilabetekaria izatetik hamabostekaria izatera pasa zen. 2010ean, webgunea kaleratu zuen. Gaur egun, UK aldizkariak 4.500 ale inguru ateratzen ditu zenbakiko. 240 ale baino gehiago atera ditu UK izenarekin eta beste 72 Bizarra Lepoan izenarekin.

UK aldizkaria Topagunea Euskara Elkarteen Mugimenduko eta Tokikom-eko kidea da.

Eskualdean badira izen antzekoa duten bi agerkari elektroniko, ukberri.net euskalduna eta erdarazko ukdigitala.com, paperezko aldizkariarekin zerikusirik ez dutenak.