Antrimeko konderria

Wikipedia(e)tik
Hona jo: nabigazioa, Bilatu
Antrimeko konderria
County Antrim (en)
Coonty Antrim (sco)
Contae Aontroma (ga)
Flag of county Antrim.svg
Antrim arms.svg
CountyAntrim.png
Estatua  Erresuma Batua
Probintzia Ipar IrlandaIpar Irlanda
Flag of Ulster.svg Ulster
Hiriburua Antrim
Biztanleria 616.384 biztanle
Azalera 3.046 km2
Webgunea

Antrimeko Konderria (irlanderaz Aontroma), Erresuma Batuaren Ipar Irlandako sei konderrietako bat da. 3.046 km koadroko azalera du eta 616.000 biztanle inguru.

Geografia[aldatu | aldatu iturburu kodea]

Natura[aldatu | aldatu iturburu kodea]

Irlandaren ipar-ekialdeko kostaldea hartzen du, Belfastetik igotzen hasi eta Bushmillsera iritsi arte. Barnealdetik Neagh lakuraino ere iristen da.

Muino ugarik osatzen dute konderria, altuera handia ez duten arren. Nabarmenenak Trostan (550 m), Knocklayd (514 m) eta Slieveanorra (508 m) dira.

Hiriak[aldatu | aldatu iturburu kodea]

Bere hiriburua Antrim da. Beste zenbait hiri edo herri garrantzitsu:

Historia[aldatu | aldatu iturburu kodea]

Ez da ezagutzen noiz sortu zen Antrim baina XIV menderako jadanik bazen eta XVI mendean konderriak eratu zirenerako jadanik ongi finkaturik zeuden Antrim eta Down.

Lurraldea Mesolitikoan populatu zen eta ondoren zeltak iritsi ziren, Darini leinua zehazki. Erdi Aro goiztiarrean gaur egungo konderriaren hegoaldea Ulidia Erresumaren barnean zegoen eta iparraldea berriz, Eskozia mendebaldearekin batera, Dál Riada Erresuman. Vikingoen erasoak hasi ziren VIII mendean eta hauen eraginak bertan iraun zuen harik eta XII mendean Ulster Erresuma eratu zen arte. Ordurako jadanik anglo-normandiarrek konkistatua zeukaten lurraldea. 1315 urtean gaeldarrek Edward Bruce buru zutela lurralde guztia berreskuratzea lortu zuten, britainiarren menpeko Carrickfergus gaztelua ezik.

XV mendean ingelesen eta eskoziarren kolonizazioa iritsi zen. Antrimeko konderria eratu eta hamasei baroierritan banatu zuten, bakoitzak agintari britainiar bat zuelarik. 1777an Belfasten liho lantegia sortzearekin batera hasi zen konderriaren industrializazioa. 23 urte pasa zirenerako jadanik 27.000 pertsona ari ziren liho lantegietan lanean. Ondoren etorriko ziren beste industria batzuk ere, tartean mundu mailako ospea izan zuen ontzigintza.

XX mendea istilutsua izan da. Irlandaren zatiketa gogorra izan zen eta 60. hamarkadaren ondoren errepublikar eta unionisten arteko borrokek markatu dute Antrimeko gizartea.

Ondasun nabarmenak[aldatu | aldatu iturburu kodea]

Iruditegia[aldatu | aldatu iturburu kodea]

Commonsen badira fitxategi gehiago, gai hau dutenak: Antrimeko konderria Aldatu lotura Wikidatan