Charles Gounod

Wikipedia(e)tik
Hona jo: nabigazioa, Bilatu
Charles Gounod
Charles Gounod
Datu pertsonalak
Izen osoa Charles François Gounod
Jaio 1818eko ekainaren 17a
Paris (Frantziako Erresuma)
Hil 1893ko urriaren 17a edo 18a
Saint-Cloud, Senako Gainak (Frantziako Errepublika)

Charles-François Gounod (Paris, 1818eko ekainaren 17a – Saint-Cloud, Senako Gainak, 1893ko urriaren 17a edo 18a) erromantizismoaren garaiko frantziar musikagilea izan zen. Herrialde horretako inoizko musikagilerik ezagunenetakoa da, batez ere, Ave Maria, Faust eta Roméo et Juliette lanengatik. Hala ere, askoz luzeagoa da hark egindako lanen zerrenda, 600 izenburu baino gehiago utzi baitzuen.

Bizitza[aldatu | aldatu iturburu kodea]

Parisko Kontserbatorioan Halévy, Paër eta Lesueur izan zituen irakasle. 1839an Erromako saria irabazi zuen; Italian Palestrina ezagutu zuen eta Alemanian Bach, Mozart eta Schumann.

Hasieran elizako musika idatzi zuen (Te Deum, Requiem), organo-jotzaile eta kapera maisu izan zen. Antzerkirako Sapho opera (1851) eta opera komiko bat, Le médecin malgré lui (1858), idatzi zituen, arrakastarik erdietsi gabe, ordea. Faust (1859) operak eman zuen azkenik ezagutzera. Geroago Mireille (1864) eta Roméo et Juliette (1867) operek berehalako arrakasta izan zuten. Le tribut de Zamora (1881) operak izan zuen porrotak elizako musikara eraman zuten berriro azken urteetan (Rédemption, 1882; Mors et Vita, 1885; Requiem, 1893). Bestalde, 2 sinfonia, 13 meza, moteteak, kantatak, melodiak, koru eta pianorako eta organorako musika egin zuen Gounodek.

Haren obraren eragina zabala izan da; operen bidez XIX. mendeko Frantziako musikari ekarpen handia egin zion.

Musika lanak[aldatu | aldatu iturburu kodea]

Operak[aldatu | aldatu iturburu kodea]

  • Sapho (1851)
  • La nonne sanglante (1854)
  • Le médecin malgré lui]] (1858)
  • Faust (1859)
  • Philémon et Baucis (1860)
  • La colombe (1860)
  • La reine de Saba (1862)
  • Mireille (1864)
  • Roméo et Juliette (1867)
  • Cinq-Mars (1877)
  • Polyeucte (1878)
  • Le tribut de Zamora (1881)
  • Maître Pierre (amaitu gabea, 1877–84)

Oratorioak[aldatu | aldatu iturburu kodea]

  • Tobie (1854)
  • Gallia (1871)
  • Jésus sur le lac de Tibériade (1873)
  • La rédemption (1882)
  • Christus factus est (1842)
  • Mors et vita (1884)
  • Requiem (1891)

Sinfoniak[aldatu | aldatu iturburu kodea]

  • Sinfonia 1 Zk. in D major (1855)
  • Sinfonia 2 Zk. in E major (1855)

Ganbera-musika[aldatu | aldatu iturburu kodea]

  • Harizko Laukotea in A minor
  • Harizko Laukotea in C minor "Petit quatuor"
  • Harizko Laukotea 2 Zk. in A Major
  • Harizko Laukotea 3 Zk. in F Major
  • Harizko Laukotea in G minor
  • Petite symphonie pour neuf instruments à vent (1885)

Beste batzuk[aldatu | aldatu iturburu kodea]

  • Marche pontificale, Pio IX.a aita santuari 1869an egindakoa. 1949tik aita santuen ereserki ofiziala da.
  • Funeral March of a Marionette (1872), pianorako egindakoa eta Alfred Hitchcock Presents telebista saioaren sintonia ezaguna izan zena.
  • Organorako egindakoak.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Charles Gounod Aldatu lotura Wikidatan