Ciudad Universitaria (UNAM)

UNAM Unibertsitate Hiriko Campus Nagusia1 UNESCOren gizateriaren ondarea
Liburutegi Nagusia
Mota	Kulturala
Irizpideak	i, ii, iv
Erreferentzia (ID)	1250
Kokalekua	Mexiko
Eskualdea2	Latinoamerika eta Karibea
Izen ematea	2007 (XXXI. bilkura)
1 UNESCOk jarritako izen ofiziala (euskaratua) 2 UNESCOren sailkapena

Ciudad Universitaria Universidad Nacional Autónoma de México (UNAM) unibertsitatearen Campus Nagusia da, Mexiko Hirian kokatua hegoaldeko Coyoacán auzoan. Mario Pani eta Enrique del Moral arkitektoek diseinatua, eraikin ugari batzen ditu: Estadio Olinpikoa, 40 fakultate eta institutu, Kultura Zentroa, erreserba ekologiko bat, Liburutegi Nagusia eta museo batzuk. 1950eko hamarkadan eraiki zen, "El Pedregal" izeneko laba gotortu zelai batean, hiriguneko eraikin zaharkituak ordezteko. 1954an osatu zen. 2007an, UNESCOk Gizateriaren Ondare izendatu zuen.

Eraikinak

Liburutegi Nagusia

Liburutegi Nagusia Gustavo M. Saavedra eta Juan Martínez de Velasco-k diseinatu zuten. 400.000 liburu inguru ditu.

Kanpoaldea Juan O'Gorman artistak egindako hormirudiz apaindua dago. Lau fatxadak gaika landatuak daude:

• Iparraldea: iragan prehispanikoa
• Hegoaldea: iragan koloniala
• Ekialdea: oraingo mundua
• Mendebaldea: Unibertsitatea eta Mexiko modernoa

Estadio Olinpikoa

México 68 Estadio Olinpikoa, 1954an eraikia jatorrizko hirigintza planaren barnean. Augusto Pérez Palacios, Jorge Bravo eta Raúl Salinas-ek eraiki zuten eta apaindura Diego Riveraren lan artistikoa da. Jatorrizko izena Estadio Olinpikoa (Estadio Olímpico") zen soilik, baina izena aldatu zioten 1968ko Olinpiar Jokoen egoitza bihurtu baitzen. Egun UNAMen "los Pumas" futbol taldearen eta "los Pumas CU" errugbi taldearen egoitza da. 68.000 ikuslerentzako edukiera du.

Kanpo loturak

• UNAMen webgunea