Mendebaldeko Australia
|
Mendebaldeko Australia |
|||
|---|---|---|---|
|
|||
| Estatua |  Australia |
||
| Hiriburua | Perth (Australia) | ||
| Herritarra | Mendebaldeko australiar | ||
| Ezizena | Wildflower State | ||
 |
|||
| Azalera |
2.645.615 km² | ||
| Gobernaria Lehen Ministroa |
Ken Michael Colin Barnett |
||
| Biztanleria Dentsitatea |
2.387.200 (2011[1]) 0,94 bizt/km² |
||
| ISO 3166-2 | AU-WA | ||
| Web | www.wa.gov.au | ||
Mendebaldeko Australia[2] (ingelesez: Western Australia) Australiako mendebaldeko estatua da. Kegoalde eta mendebaldean Indiako ozeanoa du eta iparraldean Timorko itsasoa. 2.645.615 km²ko azalera dauka eta 2011n 2.387.200 biztanle zituen[1]. Hiriburua Perth da, eta beste hiri garrantzitsu batzuk Fremantle eta Kalgoorlie.
Eduki-taula |
Geografia[aldatu]
Mendebaldeko Australia gehienbat laua da. Iparraldean ageri dira mendilerro batzuk (Kimberley). Basamortuak hartzen du estatuko ekialdea (Gibson Desert, Great Sandy Desert eta Great Victoria Desert). Barnealdeko aintzira asko ahiturik dago.
Ekonomia[aldatu]
Abeltzaintzan oinarritua, euriteen mende dago. Kimberleyn behi azienda, azukre kanabera eta arroza lantzen dira. Erdialde guztiz idorrean, leku batzuetan baizik ez da ardi aziendarik. Benetako labore eta fruitu nekazaritza garatzen da, ordea, hego-mendebaldean, behi eta ardi hazkuntzarekin batera.
Meatzaritzan urrea, harrikatza, nikela eta uranioa nabarmentzen dira, eta, iparraldean, zilarra, manganesoa, amiantoa eta eztainua. Industria biztanle gehienak bizi diren hego-mendebaldean ageri da.
Historia[aldatu]
Ingelesak 1826. urtean kokatu ziren lehenbizikoz mendebaldeko Australian, baina kolonizazioa askoz geroago gertatu zen. Kolonia autonomo bihurtua 1890ean, Australiako Commonwealth-eko partaide bihurtu zen 1901ean.
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012/09/16 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
Kanpo loturak[aldatu]
- (Ingelesez) Mendebaldeko Australiaren gobernuaren webgunea
 |
Artikulu hau Australiako geografiari buruzko zirriborroa da. Wikipedia lagun dezakezu edukia osatuz. |
