Abeltzaintza

1887an "cowboy" edo unai bati ateratako argazkia

Abeltzaintza lehen sektore ekonomikoaren jarduera da, azienda edo abereak zaintzeaz arduratzen dena. Euskal Herrian tradizionalki oso lanbide hedatua izan da, tipikoki baserriarekin lotutakoa, gaur egun gainbehera doan arren.

Orokorrean, abere edo animaliak bi taldetan sailkatu ditzakegu: azienda larria (behiak, zezenak eta zaldiak) eta xehea (ardiak, txerriak eta ahuntzak). Hauen ustiapenaren bidez, esnea, arrautzak eta bestelako elikagaiak lortzen dira.

Abeltzainak dira lanbide hau dutenak. Askotan nekazaritzarekin lotura handia daukate.

Azienda motak

Larria

• Behi-azienda edo azienda gorriaz unaiak arduratzen dira.
• Zaldi-aziendarekin zaldikoek jarduten dute.

Xehea

• Ahuntz-aziendaz ahuntzainak arduratzen dira.
• Ardi-azienda edo azienda zuria zaintzeko artzainak daude.
• Txerri-azienda edo azienda beltzarekin urdezainak dabiltza.

Ikus, gainera

• Artzaintza
• Gautxo
• Zezenketak

Kanpo loturak

• (Euskaraz) Euskal Herriko Nekazarien Elkartea (EHNE)
• (Gaztelaniaz) Union de Agricultores y Ganaderos de Navarra (UAGN)