Menstruazio

Wikipedia(e)tik
Hona jo: nabigazioa, Bilatu

Menstruazioa, emakumeen kasuan hilekoa ere deitzen dena, baginatik karen edo plazenta duten ugaztun emeek aldiro izaten duten odol-jarioa da, hileko jario izenekoa, hilekoaren zikloaren baitan, askatutako obuloak ez ernaltzeagatik umetokian bildu den odolezko mukosa kanporatzean gertatzen dena. Emakumeengan gutxi gorabehera 28 egunero gertatzen da (horik hileko izena), 11-13 urterekin gertatzen den lehenengo menstruazio edo menarkiatik 50 urtetan gertatu ohi den menopausiara arte. Menstruazioa edo odol-jarioa bera zenbait egunetan zehar soilik gertatzen bada ere, behin eta berriz errepikatzen den ziklo menstrualaren aldi bat besterik ez da, emakumeak ernalketarako prestatzen duen ziklo fisiologikoa alegia.

Odol-jarioa xurgatzeko emakumeek babeski zenbait erabiltzen dituzte, hala nola konpresak edo tanpoiak. Beste alde batetik, historian zehar menstruazioak tabu eta debeku anitzen gaia izan da; adibidez, erlijio zenbaitetan menstruazioa duten emakumeekin sexu harremanak izatea edo emakumeek erlijio-errituetan parte hartzea debekatu egiten da.


Zirriborro Artikulu hau zirriborroa da. Wikipedia lagun dezakezu edukia osatuz.
Commonsen badira fitxategi gehiago, gai hau dutenak: Menstruazio Aldatu lotura Wikidatan