Petri III.a Aragoikoa

Wikipedia(e)tik
Hona jo: nabigazioa, Bilatu
Petri III.a Aragoikoa
Petri III.a Aragoikoa

Aragoi eta Valentziako erregea
Bartzelonako kondea
1276ko uztailak 27 – 1285eko azaroak 11
Aurrekoa Jakue I.a Aragoikoa
Ondorengoa Alfontso III.a Aragoikoa

1282ko irailak 4 – 1285eko azaroak 11
Aurrekoa Karlos I.a Napolikoa
Ondorengoa Jakue II.a Aragoikoa

Jaiotza 1239 aldean
Valentzia
Heriotza 1285eko azaroaren 11
Vilafranca del Penedès
Ezkontidea Konstantza Siziliakoa
Senideak aita: Jakue I.a Aragoikoa
ama: Violant Hungariakoa
Erlijioa Kristaua

Petri III.a Aragoikoa (Valentzia, 1240 - Vilafranca del Penedès, 1285eko azaroaren 11), ezizenez Handia (katalanez: Pere el Gran, aragoieraz: Pero lo Gran) deitua, 1276-1285 bitartean Aragoiko eta Valentziako erregea eta Bartzelonako kondea, eta 1282-1285 bitartean Siziliako erregea izan zen. Aragoiko erregerik nagusienetariko bat izan zen. Bere erresuman bakea ezarri ondoren, Tunisiari eraso eta Sizilia zein Malta konkistatu zituen, Roger de Lauria almiranteari esker.

Biografia[aldatu | aldatu iturburu kodea]

Jakue I.a Aragoikoaren eta Violant Hungariakoaren semea zen. Musulmanen eta Kataluniako aitonen semeen matxinadak zapaldu zituen bere erregealdian. 1282an, Siziliar bezperak izenez ezagutzen den matxinada piztu zen Sizilian, eta Petri III.ak uhartea konkistatu eta hango errege egin zen. Handik itzuli zenean, Aragoiko eta, batez ere, Kataluniako aitonen semeak matxinatu ziren haren aurka; hala, Aragoiri hainbat pribilegio eta katalanei konstituzio berria (Bartzelonako gorteak, 1283-1284) eman zizkien giroa baretzeko.

Petri III.a Erdi Aroko heroia izan zen eta garai hartako idazleek eta pentsalariek sarri aipatu zuten beren obretan; hala, Dantek Divina Commedian aipatzen du, eta Desclot, Boccaccio eta Shakespearek ere goraipatu zuten.

Ezkontzak eta seme-alabak[aldatu | aldatu iturburu kodea]

1262an Manfredo Hohenstaufen Siziliako erregearen alaba Konstantzarekin ezkondu zen; sei seme-alaba izan zituzten:

Maria Nicolau izeneko maitalearekin hiru seme-alaba izan zituen:

Ines Zapata izeneko maitalearekin lau seme-alaba izan zituen:

Erreferentziak[aldatu | aldatu iturburu kodea]


Aurrekoa
Jakue I.a Aragoikoa
Aragoiko erregea
1276 - 1285
Ondorengoa
Alfontso III.a Aragoikoa
Wikimedia Commonsen badira fitxategi gehiago, gai hau dutenak: Petri III.a Aragoikoa Aldatu lotura Wikidatan
Biografia
Espainia
Artikulu hau Espainiako biografia baten zirriborroa da. Wikipedia lagun dezakezu edukia osatuz.