Anton Webern

Anton Webern
	; Irudi gehiago
Bizitza
Jaiotzako izen-deiturak	Anton Friedrich Wilhelm von Webern
Jaiotza	Viena, 1883ko abenduaren 3a
Herrialdea	Austria
Heriotza	Mittersill (en) , 1945eko irailaren 15a (61 urte)
Hobiratze lekua	Mittersill (en)
Heriotza modua	giza hilketa
Familia
Familia	ikusi Benno Mattel (en) (suhi);
Hezkuntza
Heziketa	Vienako Unibertsitatea
Hizkuntzak	alemana
Irakaslea(k)	Arnold Schönberg
Ikaslea(k)	ikusi Humphrey Searle; Hans Swarowski;
Jarduerak
Jarduerak	classical composer (en) , orkestra zuzendaria, musikaria eta musikagilea
Kidetza	Vienako Bigarren Eskola
Genero artistikoa	inpresionismoa musikana
Musika instrumentua	pianoa
	antonwebern.com

Anton Webern (Viena, 1883ko abenduaren 3a - Mittersill, Salzburgo, 1945eko irailaren 15a) austriar musikagilea izan zen.

1902. urtean Vienako unibertsitatean sartu zen eta Guido Adlerrekin musikologia-ikasketak egin zituen. Heinrich Isaacen Choralis Constantinus eta Errenazimentuko flandestar musikagileen kontrapuntuari buruzko doktore-tesia idatzi zuen. 1904-1908. urteetan Arnold Schönbergen ikasle izan zen, eta geroago lankide, Vienako Musika Funtzio Pribatuen Elkartean. 1908tik aurrera Viena, Danzig, Praga eta beste hiri batzuetako antzokietako zuzendari izan zen. 1922-1934. urteetan Vienako Langileen Orkestra Sinfonikoaren kontzertuetako zuzendari izan zen. Zenbait alditan BBCko orkestrako zuzendari gonbidatua ere izan zen.

Alban Bergekin batera, Schoenbergen eskolako musikagile nagusietako bat izan zen, eta teknika dodekafoniko edo hamabi soinukoetan maisu. Webernen musikaren ezaugarri nagusiak musika tresnen konbinazio bitxiak, doinu etenak eta laburtasuna dira. Lan aipagarriak ditu: Passacaglia (1908); 5 mugimendu (1909); Sei lan orkestrarako (1910); 6 Bagatelles (1913); Begietako argia (1935), korurako; Bariazioak (1940); bi kantata (1939-1943); liedak; kanonak eta beste musikagileen lanen moldaketak.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Anton Webern

Datuak: Q190933
Multimedia: Anton Webern / Q190933