Amiamoko zuri

Wikipedia, Entziklopedia askea
Jump to navigation Jump to search
Amiamoko zuri
Ciconia ciconia -Mscichy, Grajewo County, Poland-8.jpg
Iraute egoera

Arrisku txikia (IUCN 3.1)
Sailkapen zientifikoa
ErreinuaAnimalia
FilumaChordata
KlaseaAves
OrdenaCiconiiformes
FamiliaCiconiidae
GeneroaCiconia
Espeziea Ciconia ciconia
Linnaeus, 1758
Hedapen mapa
WhiteStorkMap.svg
Arrautza
Cigogne blanche MHNT.jpg

Amiamoko zuria edo zikoina zuria (Ciconia ciconia) Ciconiidae familiako hegaztia da, Europan, Asian eta Afrikako zenbait eskualdetan bizi dena[1]. Luma gehienak zuriak eta muturrean beltz kolorekoak ditu. Helduek hanka gorri luzeak dituzte, batez beste 100-115 cm neurtzen dute eta hego-luzera 155-215 cm-koa du.

Migrazio luzeak[2] egiten dituen hegaztia da. Negua Sahara hegoaldeko Afrikako aldeetan eta Indian igarotzen du, eta udan Europan, Afrika iparraldean, Afrika hegoaldean eta Asiako hego-mendebaldean bizi da. Europa eta Afrika artean bidaiatzean, Itsaso Mediterraneoa zeharkatzea saihesten du, arinago hegan egiteko darabiltzan korronte termalik ez baitago itsasoan, eta Gibraltarko itsasartetik edo Levantetik igarotzen da.

Zikoina zuria haragijalea da: intsektuak, arrainak, anfibioak, narrastiak, ugaztun txikiak eta txoriak jaten ditu. Janari gehiena zoruan harrapatzen du, landaredi baxuko guneetan, eta ur gutxiko paduretan. Monogamoa da, baina bikotea ez du bizitza osorako hartzen. Bikote biek egurrezko habia handia osatzen dute eta hainbat urtez erabiltzen dute. Emeak urtero lau arrautza erruten ditu gehienetan. Arrautzak 33 egun inguru behar dituzte heltzeko, eta txitak bata bestearen ondoren jaiotzen dira. Bi gurasoek txandaka inkubatzen dituzte arrautzak eta elikatzen dituzte gazteak. Gazteek 58-64 egun igaro ondoren uzten dute habia, baina 7-20 egun gehiagotan jasotzen dute gurasoen janaria.

Taxonomia[aldatu | aldatu iturburu kodea]

Amiamoko zuriak azpiespezie bi ditu:

  • Ciconia ciconia ciconia (Linnaeus, 1758), Europan, ipar-mendebaldeko Afrikan eta mendebaldeko Asian bizi dena.
  • Ciconia ciconia asiatica Severtsov, 1873. mendebaldeko Asian eta Indian bizi dena.

Galeria[aldatu | aldatu iturburu kodea]

Erreferentziak[aldatu | aldatu iturburu kodea]


Wikimedia Commonsen badira fitxategi gehiago, gai hau dutenak: Amiamoko zuri
Wikispezieetan bada informazioa gehiago, gai hau dela eta: Ciconia_ciconia


Biologia Artikulu hau biologiari buruzko zirriborroa da. Wikipedia lagun dezakezu edukia osatuz.