Artemisia Gentileschi

Wikipedia, Entziklopedia askea
Jump to navigation Jump to search
Artemisia Gentileschi
Artemisia Gentileschi Selfportrait Martyr.jpg
ganberako margolari

Bizitza
Jaiotza Erroma1593ko uztailaren  8a
Talde etnikoa Italiarra
Heriotza Napoli1653 (59/60 urte)
Familia
Aita Orazio Gentileschi
Ezkontidea(k) Pierantonio Stiattesi Itzuli
Anai-arrebak
Hezkuntza
Hizkuntzak italiera
Jarduerak
Jarduerak margolaria
Lantokia(k) Florentzia
Genova
Erroma
Venezia eta Napoli
Lan nabarmenak Judith Slaying Holofernes Itzuli
Adoration of the Magi Itzuli
Judith and her Maidservant Itzuli
Kidetza Accademia delle Arti del Disegno Itzuli
Mugimendua Caravaggistia Itzuli
Genero artistikoa erretratua
margolaritza erlijiosoa
Gentileschi, Artemisia - Authograph - 1635.gif

Artemisia Gentileschi (Erroma, 1593ko uztailaren 8a - Napoli, 1656 aldean) italiar margolari barrokoa izan zen, Caravaggioren jarraitzaile nagusietako bat.

Bizitza[aldatu | aldatu iturburu kodea]

Orazio Gentileschiren alaba eta ikaslea izan zen. 1610ean, Susana eta agureak (Graf von Schönborn bilduma, Pommersfelden) margotu zuen, batzuen ustez aitaren laguntzarekin. Oraziorengandik hartu zuen Caravaggiorenganako zaletasuna: biziki maite zituen argitasun gogorrak eta egoera psikologikoen tentsioa. 1614-1620 urteetan Florentzian egon zen. Han, naturalismoa eman zuen ezagutzera, eta bildumazale askorentzat lan egin zuen arrakastaz, Medicitarrentzat besteak beste.

Judith eta Holofernes (1614-1620, Uffizi Galeria, Florentzia) da Artemisaren lan ezagunenetako bat; izan ere, sarritan landu zuen Judithen gaia, ankerkeria bitxi batez gainera, argi-ilunen bidez indar harrigarria lortuz. Historialariek lan hauei buruzko interpretazio autobiografikoak egin dituzte, Artemisiaren bizitza legendario eta, maiz, tragikoarekin erlazionatuz[1].

1622-1626 inguruan Erroman egon ondoren, Napolin hartu zuen bizilekua, betiko. Egin zuen halere bidaia bat Londresa, 1638-1640 urteetan, eri zegoen aitari laguntzera[1]; erretratu asko egin zuen han, eta berehala gainditu zuen aitaren ospea. Napolin egin zituen lanetan José de Riberaren eragina antzematen zaio, eta margolanak Caravaggismoaren eta joera akademiko baten bitartekoak dira.

Iruditegia[aldatu | aldatu iturburu kodea]

Ambox notice.png Irudi bat handitzeko, klika ezazu gainean.

Erreferentziak[aldatu | aldatu iturburu kodea]

  1. a b   Judith eta Holofernes museobilbao.com . Noiz kontsultatua: 2016-7-13 .

Kanpo loturak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Artemisia Gentileschi Aldatu lotura Wikidatan