Bobby Robson

Wikipedia(e)tik
Hona jo: nabigazioa, Bilatu
Sir Bobby Robson.

Bobby Robson edo Sir Robert William Robson (Sacriston, Durham, 1933ko otsailaren 18a- Durham, 2009ko uztailaren 31a) futbolari eta entrenatzaile ingelesa izan zen. Aurrelari moduan jokatu ondoren, arrakasta lortu zuen entrenatzean, hala haren herrialdean nola Europan zehar ere.

Birikako minbiziak jota hil zen.

Kirol ibilbidea[aldatu | aldatu iturburu kodea]

Jokalari apala[aldatu | aldatu iturburu kodea]

Maila apaleko hiru taldetan aritu zen haren ibilbide osoan zehar, Ingalaterran Fulham FC eta West Bromwich Albion taldeetan eta Kanadan Vancouver Royals izenekoan. Guztira 583 partida jokatu zuen bere herrialdean eta 133 gol sartu zituen.

Ingalaterrako futbol selekzio nazionalarekin 1957tik 1962ra 20 partida jokatu zituen, 4 gol sartuz.

Entrenatzaile arrakastatsua[aldatu | aldatu iturburu kodea]

Hasierako urteak Ingalaterran eman zituen, haren kluba izandako Fulham taldean eta Ipswick Town FCen, azken honetan denbora luzea egonda eta arrakasta lortuz. Selekzioarekin Munduko Futbol Txapelketan laugarren postua erdietsi zuen 1990ean.

Baina oihartzun are handiagoa lortu zuen bere herrialdetik at, liga txapeldun bihurturik PSV Eindhoven (1991 eta 1992an) eta FC Portorekin (1995 eta 1996an), bai eta 1997an FC Barcelonarekin Espainiako Futbol Errege Kopa irabazi ere.

Commonsen badira fitxategi gehiago, gai hau dutenak: Bobby Robson Aldatu lotura Wikidatan