Donostiako Udala

Donostiako Udala
Datuak
Izen ofiziala	Donostiako Udala eta Ayuntamiento de San Sebastián
Mota	udala, Udala eta argitaletxea
Herrialdea	Espainia
Agintea
Egoitza nagusi	Ijentea, 1; Donostiako udaletxea; 43°19′18″N 1°59′09″W / 43.32159°N 1.98578°W;
Legezko forma	zuzenbide publikoko korporazio
	webgune ofiziala;

Donostiako Udala Donostia udalerriko administrazioak eta hautetsiek osatzen dute. Donostiako udaletxea da egoitza nagusia.

Udal politika

Francoren diktaduraren ondoren, udal erakunde kudeatzaileak izan zuen hirian ardura, hasieran Ramon Jauregik eta gero Iñaki Alkizak gidatua. 1979an egin ziren hauteskunde demokratikoetan Jesus Mari Alkain jeltzaleak lortu zuen alkatetza, alderdi bozkatuena izan zelako, nahiz eta gehiengo absoluturik ez eduki^[1]^[2].

Hurrengo legealdian, Ramon Labaien alderdikideak lortu zuen alkatetzea, gehiengo absoluturik gabe honek ere. Eusko Alkartasuna banatu zenean, Donostian EAJko botoen gehiengoa lortu zuen alderdi berriak eta hurrengo hauteskundeetan (1987an) Xabier Albisturrek irabazi zuen. Gutxiengoan egonda, Euskadiko Ezkerrarekin koalizioa egin zuen eta alkatetzan iraun legealdi osoan.

1991n, Odón Elorza (PSE-EE) alkate izendatu zuten, PP eta EAJ alderdien botoekin. Harrez geroztik alkatetzan jarraitu zuen 2011ra arte, legealdi bakoitzean egoera desberdinean: EAJ eta EArekin 1995ean, PPrekin 1999an. 2007ko udal-hauteskundeetan, beste hainbat herri eta hiritan bezala, Espainiako epaileek galarazi eta baliogabetzat jo zituzten Euzko Abertzale Ekintzaren zerrenda, baita honek lortutako botoak eta egokituko litzaizkiokeen zinegotziak ere. Urte beretik Aralar-Alternatibarekin zen udal gobernuan.^[3]

2011n, Bildu koalizioak ustekabean lehen postua lortu zuen Gipuzkoako hiriburuan (8 eserleku), egoerari buelta emanez. Sozialistek Bilduk baino eserleku bat gutxiago lortu zuten, 7. EAJk eta PPk seina eserleku lortu zituzten bakoitzak, alderdi espainiarra izanik bozkatuagoa. Hala ere, alkatea nor izango zen ez zegoen batere argi, EAJk baitzuen giltza. Azkenean, espero zen bezala Juan Karlos Izagirre (Bildu) izendatu zuten alkate.^[4]

Honako hauek izan dira Donostiako alkate, 1979tik aurrera:

Alkatea	Agintaldi hasiera	Agintaldi amaiera	Alderdia
Jesus Mari Alkain	1979	1983	EAJ
Ramon Labaien	1983	1987	EAJ
Xabier Albistur	1987	1991	EA
Odón Elorza	1991	2011	PSE-EE
Juan Karlos Izagirre	2011	2015	Bildu
Eneko Goia	2015	Karguan	EAJ

Udalbatzaren osaera 1979tik

Izena	Legealdia
Izena	1979–1983	1983–1987	1987–1991	1991–1995	1995–1999	1999–2003	2003–2007	2007-2011	2011-2015
Bildu	~	~	~	~	~	~	~	~	8
Eusko Alderdi Jeltzalea (EAJ)	9	10	3	4	3	7	9	5	6
Herri Batasuna (HB) / Euskal Herritarrok (EH)	6	5	6	5	4	5	~	~	~
Coordinadora Independiente / Coalición Popular / Alderdi Popularra	5	3	2	5	7	6	7	6	6
Euskadiko Alderdi Sozialista (PSE-PSOE) / Euskadiko Alderdi Sozialista - Euskadiko Ezkerra (PSE-EE)	4	7	5	5	7	9	10	11	7
Euskadiko Ezkerra (EE)	3	2	4	2	~	~	~	~	~
Eusko Alkartasuna (EA)	~	~	7	6	5	(EAJrekin batera)	(EAJrekin batera)	2	Bilduren barnean
Euskadiko Partidu Komunista (EPK-PCE) / Ezker Batua Berdeak (EBB)	0	0	0	0	1	0	1	3 (Aralarrekin batera)	0
Aralar	~	~	~	~	~	~	0	3 (Ezker Batua - Berdeak-ekin batera)	0

2011ko maiatzaren 22ko hauteskundeen ondoko osaera

Donostiako Udalbatza
Izena	Zinegotziak	Boto kopurua
Bildu	8	21.110 boto
Euskadiko Alderdi Sozialista (PSE-EE-PSOE))	7	19.666 boto
Alderdi Popularra (PP)	6	16.502 boto
Euzko Alderdi Jeltzalea (EAJ-PNV)	6	15.587 boto
Baliogabeak	-	-

Sailak eta erakunde autonomoak

Donostia Kirola
Donostia Kultura
Donostiako Sustapena
- Estrategia Bulegoa, hiriaren Plan Estrategikoa diseinatzen duena, 2008an sortua.
Euskara Zerbitzua
Donostia Turismoa