Dulce María Loynaz

Dulce María Loynaz
	; Irudi gehiago
Bizitza
Jaiotzako izen-deiturak	Dulce María Loynaz Muñoz
Jaiotza	Habana, 1902ko abenduaren 10a
Herrialdea	Kuba
Heriotza	Habana, 1997ko apirilaren 27a (94 urte)
Hobiratze lekua	Colón Cemetery, Havana (en)
Heriotza modua	berezko heriotza: bihotz-biriketako geldialdia
Familia
Aita	Enrique Loynaz del Castillo
Hezkuntza
Heziketa	Habanako Unibertsitatea
Hizkuntzak	gaztelania
Jarduerak
Jarduerak	olerkaria, idazlea eta abokatua
Jasotako sariak	ikusi Miguel de Cervantes saria (1992) ; Pro Ecclesia et Pontifice ; Kubako Literatura Sari Nazionala (1987) ; Cross of the Civil Order of Alfonso X the Wise ; National Order of Merit Carlos Manuel de Céspedes ; Elisabet Katolikoaren Ordenaren zalduna ; Orden al Mérito Docente y Cultural Gabriela Mistral ;

Dulce María Loynaz (Habana, 1902ko abenduaren 10a - Habana, 1997ko apirilaren 27a) kubatar idazlea izan zen. Arbaso beasaindarrak izan zituen. Kubatar literatura eta unibertsalaren figura nagusietako bat da. Miguel de Cervantes saria eskuratu zuen 1992an.

Bere lehen poemak 1920an argitaratu zituen La Nación hedabidean, Estatu Batuak ere bisitatu zituen urtean. Ordutik aurrera, bidaia ugari egin zituen Ipar Amerikan eta ia Europa osoan zehar. Turkia, Siria, Libia, Palestina eta Egiptora. Mexiko bisitatu zuen 1937an, Hego Amerikako hainbat herrialde 1946 eta 1947 artean, eta Kanariar Uharteak 1947an eta 1951n, non adopziozko alaba izendatu zuten.

Donostiako kale batek haren izena darama baita

Bizitza

Etxe oneko familia batean jaio zen, eta zuzenbide ikasketak egin zituen Habanan. Asko bidaiatu zuen munduan zehar. Gazterik hasi zen La Nación egunkarian poemak argitaratzen. Kubako Hizkuntzaren Akademiako kide izan zen. 1986an Literaturako Sari Nazionala irabazi zuen, eta 1992an Miguel de Cervantes saria eman zioten Madrilen.

Lan aipagarrienak

Poesia

Versos (1950)
Juegos de agua (1951)
Poemas sin nombre (1953)
Últimos días de una casa (1958)
Poemas escogidos (1985)
Poemas náufragos (1991)
Bestiarium (1991)
Finas redes (1993)
La novia de Lázaro (1993)
Poesía completa (1993)
Melancolía de otoño (1997)
La voz del silencio (2000)
El áspero sendero (2001)

Eleberriak

Jardín (1951)

Bidaia kronikak

Un verano en Tenerife (1958)

Beasain Jaietan aldizkarian kolaboratzaile

Beasaingo Martin Loinazkoaren senitartekoa 1948 eta 1967 artean Beasain Jaietan urtekariaren kolaboratzaile izan zen. ^[1] Aldizkarian Martin Loinazkoari buruz idatzi zuen lehen artikulua 1948an. HIstorioak, oroitzapenak, kontakizunak eta olerkiak bidali zituen urtero aldizkarira. 1951 urtean Beasaina egindako bisitaren oroimen nostalgikoaren kronika idatzi zuen.

Aitortzak

Cervantes Saria 1992 ^[1]
Donostiako kale batek Dulce Maria Loynaz izena darama.

Tenerifeko Puerto de la Cuz herriak alaba kutun izendatu zuen eta Taoro parkeko behatokiak Dulce Maria Loynaz izena darama eta bertan poetaren eskultura bat dago.
Beasaingo plaza batek Dulce Maria Loynaz izena darama.^[1]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

1 2 3 (Gaztelaniaz) U, J.. (2022-04-22). «Beasain y el Premio Cervantes unidos por Dulce María Loynaz» El Diario Vasco (kontsulta data: 2026-02-04).

Iruditegia

Kanpo estekak

Wikimedia Commonsen badira fitxategi gehiago, gai hau dutenak: Dulce María Loynaz

Beasain Jaietan hemeroteka

Datuak: Q447059
Multimedia: Dulce María Loynaz / Q447059

[:0-1] 1 2 3 (Gaztelaniaz) U, J.. (2022-04-22). «Beasain y el Premio Cervantes unidos por Dulce María Loynaz» El Diario Vasco (kontsulta data: 2026-02-04).

[1]