Errobi herri elkargoa

Artikulu hau Kanbo hiriburu duen herri elkargoari buruzkoa da; beste esanahietarako, ikus «Errobi (argipena)».

Errobi herri elkargoa (frantsesez communauté de communes Errobi)^[1] Lapurdiko 11 udalerrik osatzen zuten herri elkargoa izan zen.

Osaera

Elkargoak 11 udalerri biltzen zituen, Lapurdiko barnealde-erdialdeko herri ertain batzuen (Uztaritze herrialdeburu-ohia, Kanbo, Ezpeleta) inguruan.

Kantonamendu aldetik hauxe da banaketa:
- Uztaritzeko Kantonamenduan 6: Arrangoitze, Basusarri, Haltsu, Jatsu, Larresoro eta Uztaritze. Ahetze, Arbona eta Senpere ez daude.
- Ezpeletako Kantonamenduan 5: Ezpeleta, Itsasu, Kanbo, Luhuso eta Zuraide. Ainhoa eta Sara ez daude.
Lapurdin eskualdeen banaketak ez duenez Nafarroa Beherean edo Zuberoan duen oinarri historiko-naturala, eskualde historiko-natural aldetik definitzea zail samarra da; gainera 2006tik baino ez da existitzen, eta izenetik hasita herri elkargo askorekin gertatzen den bezala artifizialtasun puntu bat badu. Adibidez, Errobi-Aturri herri elkargoarekin nahasteko arriskua bada.
- Lapurdiko eskualdeen zerrendan erakusten den eskualde naturalen banaketaren arabera, Uztaritzeko kantonamendukoak Lapurdi Erdialdean leudeke, eta Ezpeletakoak Lapurdi Garaian.
- Esan bezala, funtsean herrialdeko barnealdeko bihotza dela esan daiteke baina ahaztu gabe BABrekin bereziki uztartuta eta hazkunde handia izaten ari diren dauden Arrangoitze eta Basusarri ere^[2] kideak direla.

Udalerri kideen datuak

INSEE Kodea	Udalerria	Alkatea	Biztanleria	Azalera	Dentsitatea
64161	Arrangoitze	Jean-Michel Colo	2985 bizt.	17.47 km²	170,86 bizt./km²
64123	Basusarri	Paul Baudry	2377 bizt.	6,51 km2	365,13 bizt./km²
64113	Ezpeleta	Graxi Florence	1936 bizt.	26,85 km2	72,1 bizt./km²
64031	Haltsu	Vincent Carpentier	486 bizt.	5,08 km2	95,67 bizt./km²
64250	Itsasu	Roger Gamoy	1970 bizt.	39,37 km2	50,04 bizt./km²
64502	Jatsu	Alain Castaing	1001 bizt.	13,95 km2	71,76 bizt./km²
64123	Kanbo	Bixente Bru	5671 bizt.	22,49 km2	252,16 bizt./km²
64113	Larresoro	Jean-Michel Lamerens	1428 bizt.	10,76 km2	132,71 bizt./km²
64031	Luhuso	Jean-Pierre Harriet	784 bizt.	7,38 km2	106,23 bizt./km²
64250	Uztaritze	Dominique Lesbats	5458 bizt.	32,75 km2	166,66 bizt./km²
64502	Zuraide	Louis Genin	1082 bizt.	16,86 km2	64,18 bizt./km²
			25178 bizt.	199,5 km²	126,2 bizt./km²

↑ Elkargoaren izena frantsesez ere ibaiaren euskarazko toponimotik eratorria da, eta ez da Nive deitzen.
↑ Banaketa hauen logika faltaren beste adibide gisa aipa daiteke bi udalerri hauekin oso harreman estua duen Arbona ordea ez dagoela elkargo honetan