Hegoaldeko Georgiak

Wikipedia(e)tik
Hona jauzi: nabigazioa, Bilatu
Hegoaldeko Georgia eta Hegoaldeko Sandwich uharteak
Hegoaldeko Georgiak satelitezko fotografian

Hegoaldeko Georgiak[1] britainiar kontrolpean dagoen uhartedi azpiantartiarra da. Auzitan dago uharteen jabetza, Erresuma Batuak bere itsasoz bestaldeko lurraldetzat dituzte Hegoaldeko Georgiak eta Hego Sandwich uharteak. Argentinak, bere aldetik, Hego Atlantikoko Uharteak izeneko barrutiaren zatia direla aldarrikatzen du, Tierra del Fuego, Antartida eta Hego Atlantikoko Uharteak izeneko probintziaren barne.

Banaketa[aldatu | aldatu iturburu kodea]

Bere 3.850 km² arean zenbait uharte badaude:

  • Hego Georgia, baita ere San Pedro izenekoa, 160 kilometroko luzera eta 30 kilometroko zabalera duena.
  • Willis uhartetxoak.
  • Pajaro/Bird uhartea.
  • Annenkov uhartea.
  • Pickersgill uhartea.
  • Green uhartea.
  • Cooper uhartea.
  • Etabar

Hego-ekialdera bidean 72 kilometrotara dagoen Clerke arrokak ere Hegoaldeko Georgietako eskualdean daude nahiz eta uhartedian egon ez.

Geografia[aldatu | aldatu iturburu kodea]

Uharteak 54º eta 55º hego paralelo eta 35º45' eta 38º23' mendebal meridiano artean daude, Malvinetatik 1.300 km hego-ekialderantz eta Estatuen Lurraldetik 1.700 km ekialdera.

Bere orografia mendiz beteta dago, altuena 2.934 metroko Paget mendia izaki. Urtean zehar, elurraz beteta dagoenez badaude bisustegi asko, handiena Nordenskjold izenekoa. Ipar kostaldean fjord ugari daudenez, baleazaleek erabili dituzte.

Biztanle[aldatu | aldatu iturburu kodea]

2005eko apririlean ez zegoen biztanleria finkorik uhartedian. Kokaleku nagusia British Antarctic Surveyren ikerketa postuak King Edward Point izena du eta gehienez 18 pertsona izan dezake. Antzinako Grytviken norvegiar eta argentinar balezale faktoriaren gertu dago. Badago beste postu bat Pajaro/Bird uharteko Jordan senadian gehienez beste 8 pertsona izan daitekeena.

Hori dela eta, neguan 11 - 12 pertsona izatetik udan 26 izatera pasatu da.

Historia[aldatu | aldatu iturburu kodea]

Nahiz eta badaude batzuk Amerigo Vespucciok XVI. mendean aurkitu zituztela esaten dutenak, lehenengo bisitaria 1675ko apirilean Antony de la Roché ingelesa zen. Lehenengo miaketa dokumentatua 1756an Gregorio Jerezek espainiarrak egin zuen eta «San Pedro uharteak» izena jarri zioten.

James Cook kapitainak lehenengo lehorreratzea egin zuen , 1775ko urtarrilaren 17an, eta Georgia izena jarri zion, Erresuma Batuko George III.aren omenez eta britainiarren jabetza aldarrikatu zuen.

1904 eta 1966 artean, argentinarrek bere uretan baleak harrapatu zituzten, Grytviken eta Leith badian faktoriak finkatuz.

1982ko Malvinetako Gerrak ondorioak ere ekarri zizkien Hegoaldeko Georgiei.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Hegoaldeko Georgiak Aldatu lotura Wikidatan