Falklandak

Falklandak / Malvinak
	Falkland Islands
	Ereserkia: God Save the King
	Goiburua: "Desire The Right"
; Falkland uharteetako bandera	; Falkland uharteetako armarria
Geografia
Hiriburua	Port Stanley; 51°41′38″S 57°50′58″W
Hiririk handiena	hiriburu
Azalera	12.200
Kontinentea	Hego Amerika
Mugakideak	baliorik ez
Administrazioa
Erregea	Karlos III.a
Demografia
Biztanleria	4.550 (2018); 1.152 (2016)
Dentsitatea	0,37 bizt/km²
Hizkuntza ofizialak	ikusi ingeles ;
Erabilitako hizkuntzak	ikusi ingeles;
Ekonomia
Historia
	Sorrera data: 1833ko urtarrilaren 3a
Bestelako informazioa
Aurrezenbakia	+500
ISO 3166-1 alpha-2	FK
ISO 3166-1 alpha-3	FLK
Ordu eremua	ikusi UTC−03:00 ;
Elektrizitatea	240 V. 50 Hz.BS 1363 (en)
Internet domeinua	.fk
	falklands.gov.fk

Falklandak edo Malvinak^[1] (ingelesaz Falkland Islands; gaztelaniaz Islas Malvinas) Hego Atlantikoan dauden uharte batzuk dira, Argentinako kostaldetik (Santa Cruz probintzia) 483 kilometrora. Uharte haiek administratiboki Britainia Handikoak dira, haren "itsasoz haraindiko lurralde burujabea" zehazki. 1982an, Falkland uharteetako guda gertatu zen, uharteetako historian izandako gertakaririk aipagarriena.

Geografia[aldatu | aldatu iturburu kodea]

Uharteek 12.173 km²-ko azalera dute, eta 2003an 2.967 biztanle (0,24 bizt./km²).

Mendebaldeko Falkland eta Ekialdeko Falkland dira uharte nagusiak, eta beste 700 uharte txiki ere badira. Stanley da hiriburua eta hiri nagusia; Ekialdeko Falklanden dago, eta 1.500 biztanle ditu.

Mendirik altuena Usborne mendia da (705 m), eta Ekialdeko Falklanden dago.

Christchurch katedrala, Stanley

Historia[aldatu | aldatu iturburu kodea]

1600 inguruan Sebald de Weert herbeheretar marinela izan zen, ustez, Falklandak aurkitu zituen lehenengo europarra. Mapa zahar batzuetan Sebald uharteak izena ageri da.
1690an John Strong ingeles marinela iritsi zen uharteetara. Hura izan zen Falkland izena erabili zuen lehena, Eskoziako Falkland herrixkako bizkondearen ohoretan.

Barneko lurrak

1764an lehenengo giza kokagunea eraiki zuten frantziarrek, gaur egungo Port Louisen (Ekialdeko Falkland). Frantziarrek lurraldeari Îles Malouines izena ezarri zioten, Bretainiako Sant-Malou/Saint-Malori aipamena egitearren.
1765ean ingelesak heldu ziren Saunders uhartera (Mendebaldeko Falkland).
1767an Espainiak lurraldea menperatu zuen, eta Buenos Airesko gobernadorearen eskuetan utzi.
1820an Argentinak giza kokagunea eta kartzela ezarri zituen han, lau urte lehenago Espainiatik independentzia lortuta.
1831an AEBek kolonia suntsitu zuten, arrantza-eskubideengatiko borrokan.
1833an Erresuma Batua itzuli zen uharteetara.
1845ean Stanley hiriburu izendatu zuten.
1914ko abenduan, Lehen Mundu Gerraren barruan, britainiarrek alemaniarrak borrokatu zituzten han.
1939ko abenduan, Bigarren Mundu Gerra hasi baino lehen, Stanley leku estrategikoa izan zen Plata Ibaiko Guduan, britainiarrek eta Zeelanda Berrikoek alemaniarren aurka eginikoan.
1982ko apirilaren 2an hasi zen Falkland Uharteetako Gerra, Argentinaren eta Erresuma Batuaren artekoa. Garai hartan, Margaret Thatcher zen britainiarren lehen ministro; eta Leopoldo Galtieri militar diktadorea, argentinarren presidente. Bolada txarra zuen diktadurak. Argentinak galdu zuen gerra, ekainaren 14an, eta orduantxe hasi zen diktaduraren gainbehera. Argentinak eta Erresuma Batuak harremanak etenda dituzte ordutik.
2001ean Tony Blair britainiar presidenteak uharteak bisitatu zituen. Gerra amaitu zenetik hori egin zuen lehen britainiar agintaria izan zen.
2003an Nestor Kirchner argentinar presidenteak uharteen argentinartasuna aldarrikatu zuen, presidentetzarako hauteskunde kanpainaren barruan.
2015ean, 182 urte bete ziren Malvinak Erresuma Batuaren menpe^[2].

Komunikazioak[aldatu | aldatu iturburu kodea]

Landetxea

"RAF Mount Pleasant" aireportua, Port Stanleyn, uharteetara iristeko puntu nagusia da. Hala Erresuma Batuko aire armadak nola Txileko LAN airelineek kudeatzen dituzte hegaldiak.

Erreferentziak[aldatu | aldatu iturburu kodea]

↑ Euskaltzaindia. (2012-05-25). 170. araua: Amerikako toponimia. .
↑ «182», Berria, 2015-01-04

Ikus, gainera[aldatu | aldatu iturburu kodea]

Falkland Uharteetako Gerra

Kanpo estekak[aldatu | aldatu iturburu kodea]

(Ingelesez) Falklandetako Gobernua
(Ingelesez) Falklandetako turismoa
(Ingelesez) Falkland uharteei buruzko informazioa
(Ingelesez) Falkland uharteetako hedabideak
(Ingelesez)(Gaztelaniaz) Falklandeei buruzko foroa

Datuak: Q9648
Multimedia: Falkland Islands

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina Uharte Estatubatuarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)

[1] Euskaltzaindia. (2012-05-25). 170. araua: Amerikako toponimia. .

[2] «182», Berria, 2015-01-04

[1]

[2]