Edukira joan

Ikasgela irauli

Wikipedia, Entziklopedia askea
Eskola-iraulia edo Flipped classroom estrategia erabiltzen duen Clintondale High Schoolen (Michigan, Ameriketako Estatu Batuak)

Ikasgela iraulia edo gure artean gehiago erabiltzen den eta nazioarteko bihurtu den ingelesezko ordaina, flipped classroom, irakaskuntza-estrategia bat da, irakaskuntza estrategia multzo konbinatu mota bat da. Irakaskuntza eta ikaskuntza mota honen helburua ikasleen konpromisoa eta ikasleen ikaskuntza areagotzea da, ikasleek irakurketa osoak egiten baitituzte etxean, eta eskola-denboran arazoak zuzenean konpontzeko lan egiten baitute.[1] SESB izan zen klase iraulien areto bat proposatu eta ezarri zuen lehen herrialdea.

Flipped classroom estrategia erabiltzen duen irakasleak ikasgelara eramaten ditu zenbait jarduera, tradizionalki etxeko lanak izan daitezkeenak barne. Ikasgela irauli batean, ikasleek etxean zuzenean lezioak ikusten eta entzuten dituzte, sareko eztabaidetan elkarlanean aritzen dira, edo ikerketak egiten dituzte; gero ikasgelan kontzeptuak landuko dituzte irakasle edo tutore baten gidaritzapean.

Ikasgelako irakaskuntza-eredu tradizionalean, normalean irakaslea ikasgai baten ardatz nagusia izaten da eta eskolaldian zehar informazioaren hedatzaile nagusia izaten da. Irakasleak informazioa hedatu egiten du eta, sortzen badira, galderei bat-batean erantzuten die. Ikasgelako irakaskuntza-eredu tradizionalean, ikasleek zuzenean irakaslearengana jo behar izaten dute orientazio eta iritzia jasotzeko. Irakaskuntza-estilo tradizionala duen ikasgelan, ikasgaiak irakaslearen hitzaldi-estilo magistrala erabiliz azaldu ohi dira, edukien azalpenean zentratu daitezke. Eredu edo estilo tradizionalean ikasleen parte hartzea irakasleak diseinatutako ataza batean garatu ohi dira. Eredu tradizionalean, ikasleek modu independentean edo talde txikietan lan egiten dute eta ikasleen lana irakasleek diseinaturiko jardueretara mugatu ohi dira. Klaseko eztabaidak irakaslearen autoritatean zentratzen dira normalean, eta irakasleak kontrolatzen du elkarrizketaren gaia eta fluxua. [2] Normalean, irakaskuntza-eredu tradizional honek ikasleei testu-liburu batetik irakurtzeko zeregina ematen die edo kontzeptu bat lantzeko problema multzo bat ematen die, eta batzuetan, ikasgelan egin denaren osagarri, aparteko lana izaten da, eskolatik kanpo egiteko eskatzen zaiena. [3] Ikasgelan egin dena birpasatzeko, sakontzeko, hausnartzeko, etxeko lanak erabili ohi dira eskola eredu tradizionalean.

Ikasgela irauliaren estrategiak, flipped classroom estrategiak, aldatzen du irakaskuntza eredua, ikaslearengan zentratutako eredu batera aldatzen du, eta eskola tradizionalean ez bezala, ikasgelako denbora gaiak sakonago aztertzeko eta ikasteko aukera esanguratsuak sortzeko aprobetxatu nahi ditu. Ikasleei hasieran ikasgelatik kanpo gai berriak aurkezten zaizkie eta aurkezpena ikasgelatik kanpo jaso eta gero, ikasgelan gaian sakontzeko aukera eskaintzen da.

Edukien aurkezpena

[aldatu | aldatu iturburu kodea]
Ikaskuntza aktiboan ikaslea da protagonista nagusia. Irakasleak laguntzaile, bideratzaile, sustatzaile rolak hartzen ditu.

Iraulitako ikasgela batean, "edukiaren aurkezpena" hainbat forma izan ditzake. Askotan, irakasleak edo hirugarrenek prestatutako bideo-ikasgaiak erabiltzen dira edukien aurkezpenak emateko, sareko lankidetza txat eztabaiden pasarteak, aurkezpen digitalak eta testu-irakurketak erabil daitezke. Bideo-ikasgaiaren iraupen aproposa zortzi edo hamabi minutukoa dela aldarrikatu da. [4] [5] [6] Irakasleak ondo neurtu beharko du ikasleen autonomia norainokoa den ikasgelatik kanpoko jarduerak proposatzerakoan.

Flipped classroomek ikasgelako jarduerak birdefinitzen ditu. Klaseko ikasgaietan sakontzeko ikasgela irauliko estrategia erabiliz gero, etxean egiteko jarduerak ikasteko izan daitezke, ezagutzeko, ulertzeko, edo ohikoagoak diren etxeko lan-klasikoak izan daitezke. Klaseko jarduerak aldatu egin ohi dira, baina honako hauek izan daitezke: matematika manipulatzaileak, sortzen ari diren teknologia matematikoak erabiltzea, laborategiko esperimentu sakonak, jatorrizko dokumentuen azterketa, debate arautua, eztabaida edo ikasleen jendaurreko hitzaldien aurkezpena, egungo gertaeren inguruko eztabaidak, parekideen arteko egindako lanen berrikuspena edo ebaluazioa, proiektuetan oinarritutako ikaskuntza, trebetasunen garapena eginez ikasten, edo kontzeptuen praktika [7] [8]. Ikaskuntza aktibo mota hauek irakaskuntza mota askotarikoa ahalbidetzen dutenez, denbora gehiago eman daiteke klasean goi mailako pentsamendu-trebetasunetan, hala nola, arazoak aurkitzeko eta irtenbideak bilatzeko, lankidetzarako, diseinurako eta arazoak konpontzeko, ikasleek arazo zailak jorratzen dituzten bitartean. Taldean lan egin, ikertu eta ezagutza eraikitzen dute irakasle eta ikaskideen laguntzarekin. [9] [10]

Ikasgela irauliko irakasle batek ikasleekin duen interakzioa pertsonalizatuagoa eta ez hain didaktikoa izan daiteke, eta ikasleek modu aktiboan parte hartzen dute ezagutzaren jabekuntzan eta eraikuntzan, beren ikaskuntzan parte hartu eta ebaluatzen duten heinean. [4] [11] [12] [13]

Historia

[aldatu | aldatu iturburu kodea]

Militsa Nechkina, SESB Zientzia Pedagogikoen Akademiako kideak, 1984an proposatu zuen lehenengoz flipped classroom eredua. 1980ko eta 1990eko hamarkadetan, Errusiako irakasleek irakaskuntza estrategia hau probatu zuten. Nechkinak iraulitako ikasgelaz idatzi zuen: “... ikasleei gauza berriak atera ditzatela testuliburu baten irakurketa autonomotik, horren arabera sortu dena. Utzi kontuan hartzen, gero eskolan irakaslearekin eztabaidatu eta ondorio bateratu batera iristeko». [14]

1993an, Alison King-ek "From Sage on the Stage to Guide on the Side" argitaratu zuen, eta bertan, klaseko denbora erabiltzeak esanahia eraikitzeko informazioaren transmisiorako baino garrantzitsuagotzat jo zuen. Ikasgela "irauli" kontzeptua zuzenean ilustratzen ez badu ere, King-en lana sarritan aipatzen da ikaskuntza aktiborako hezkuntza-espazioa ahalbidetzeko inbertsiorako bultzada gisa. [15]

Eric Mazur Harvardeko irakasleak rol garrantzitsua izan zuen irakaskuntza iraultzean eragina duten kontzeptuen garapenean, berak ikaskideen irakaskuntza deitu zuen hezkuntza-estrategia baten garapenean rol garrantzitsua izan zuen. Mazurrek 1997an estrategia zehazten zuen liburu bat argitaratu zuen, Peer Instruction: A User's Manual izenekoa. Bere ikuspegia zen, informazioaren transferentzia ikasgelatik kanpo eraman behar zela eta informazioa asimilatzea ikasgelara eraman behar zela. Egiten zenaren kontrakoa, hain zuzen ere, hortik iraulitako ikasgelaren izena. Mazurrek ikasleei sakon ikasten lagundu nahi zien, ez informazioa jasotzen. [16] [17]

Lage, Platt eta Treglia-k "Inverting the Classroom: A Gateway to Creating an Inclusive Learning Environment" (2000) izeneko artikulua argitaratu zuten, unibertsitate-mailako ikasgelei buruz egindako ikerketak aztertzen zituena. Unibertsitateko bi ekonomia-ikastaroetan ardaztutako ikerketetan, Lage, Platt eta Treglia-k diotenez, ikasgelan iraultzetik eskura dagoen klase-denbora aprobetxa daitekeela (informazio aurkezpena ikasgelatik kanpo komunikabideetara eramatea, ordenagailuak edo bideoklipak), ikaskuntza-estilo askotariko ikasleen beharrak asetzeko. [18] Wisconsin-Madison-eko Unibertsitateak softwarea zabaldu zuen irakasleen hitzaldi magistraletan oinarrituta, informatika-ikastaro handietako hitzaldiak banatu zituzten, irakasleek streaming bidez emandako azalpenak grabatu eta zabaldu zituzten eta diapositiba edo aurkezpen digitalez koordinatuekin aurrez aurreko azalpen magistralak ordezkatzeko materiala banatu zuten. [19] 1990eko hamarkadaren amaieran, J. Wesley Baker ideia hauekin esperimentatzen ari zen Cedarvilleko Unibertsitatean . 2000. urtean egindako hezkuntza-jardunaldi batean, 2000. urtean, "ikasgelako iraulketa" deitu zuenari buruz bere ikuspegiak defendatzen zituen ponentzia bat aurkeztu zuen, irakaskuntza- eta ikaskuntza-eredu honi lotutako "iraulketa" hitzaren lehen aipamena izan daitekeena. [20]

Salman Khan TED jardunaldi batean hizlari. 2011.

Salman Khan da, agian, ikasgela irauliaren defendatzailerik ezagunena. 2004an, Khan bideoak grabatzen hasi zen lehengusu gazte baten eskariz. Lehengusu horrek uste zuen, grabatutako ikasgaiekin hobeto ikasten zuela. Aurrez aurreko azalpenekin lehengusua aspertzen omen zen eta halako batean arreta galtzen zuen. Grabatutako bideoekin ordea, lehengusuak bideoan aurrera eta atzera egiteko aukera zuen eta pasarte aspergarrien gainetik jauzi egin zezakeen, bideoa gelditu zezakeen, nahi zuenean berriro entzun, lehengusua gogaitu barik errepikatzeko eskatuz... Lehengusuak nahi zituen pasarteak nahi beste aldiz entzun zitzakeen eta pasarte batzuk, Salman Khan lehengusuari edukazio txarra erakutsi gabe, aurreztu zitzakeen.[21][22] Lehengusuek Salman Khani esan zioten askoz irakasle hobea zela bideoak zirela medio, aurrez aurre baino. Salman Khanek, garai hartan zientziak ikasten zebilen pertsona gaztea zen eta senideko gazteagoekin ikasitakoarekin Khan Academy sortu zuen, eredu horretan oinarrituta,. Khan Academy ereduak YouTuben-eta sekulako arrakasta izan zuen. Batzuentzat, Khan Academy ikasgela-estilo baten sinonimo bihurtu da, baina bideo horiek ikasgelako estrategia-modu alderantzikatuaren adibide on batzuk besterik ez dira.[23]

The Wisconsin Collaboratory for Enhanced Learning delakoak bi zentro eraiki zituen ikaskuntza inbertituan eta bateratuan arreta jartzeko. Gelaren egiturak lankidetza ikaskuntzarekin adiskidetsuak diren teknologiak eta ikasteko espazioak biltzen zituzten, eta programan parte hartzen zutenentzako enfasia banakako ikaskuntzan jartzen zen. Tradizionalak ez ziren irakaskuntza-estrategiak ikertu zituzten, hala nola ikasgela iraulia.[24]

Praktikan

[aldatu | aldatu iturburu kodea]

Woodland Park High School-eko, Jonathan Bergmann eta Aaron Sams-eko kimika-irakasleak bigarren hezkuntzan hasi ziren eskolak ematen, 2007an; ikasgelan ematen zituzten hitzaldiak grabatu eta interneten argitaratu zituzten, eskolak galdu zituzten ikasleei zerbitzu emateko.[7]

Baina ziur aski ezin zaio inori eskola irauliaren estrategia pertsona jakin bati edo batzuei egotzi. Jende askok izan zuen garai bertsuan antzeko ideia, Internetek edonori eskolako hitzaldiak argitaratzeko aukera eman zionetik.

Baina Jonathan Bergmann-ek eta Aaron Sams-ek egindako lanari buruzko hausnarketak argitaratu zituzten beren Flip Your Classroom[25] liburuan.

2011n, Michiganeko Clintondale High School-eko bigarren hezkuntzako hezitzaileek irauli egin zituzten ikasgela guztiak.[26] Greg Green ikastetxeko zuzendaria buru-belarri aritu zen irakasleei ikasgela iraulietarako planak garatzen laguntzeko ahaleginean, eta Andy Scheel gizarte zientzietako irakaslearekin lan egin zuen, bi klase modu paraleloan bideratzeko, material eta lan berdinekin, batean ikasgela irauliko estrategia garatzeko asmoa zegoen eta bestean estrategia konbentzionalekin. Ikasgela irauliak ikasle asko zituen, eta ikasgelako ikasle batzuek, batzuetan, huts egin zuten ikasgelan. 20 asteren ondoren, iraulitako gelako ikasleak ikasgela tradizionaletan ari zirenak baino aurrerapen hobeak egiten zituztela ikusi zen.[27] Gainera, iraulitako geletan ikasle bakar batek ere ez zuen lortu C+ baino puntuazio txikiagoa; aurreko seihilekoan, berriz,% 13k huts egin zuen. Ikasgela tradizionalak, espero bezala, ez zuen emaitzetan inolako aldaketarik izan.[28] Hori baino lehen, estatuko okerrenetako bat zen Clintondale High School. Hurrengo urtean, irakasleek 9. mailan iraulitako gelaren eredua erabili zutenean, nabarmen jaitsi ziren ingeles-, matematika-, zientzia- eta gizarte-ikasketetako porrot-tasak, eta, aldaketaren ostean, %30etik %10era jaitsi zen eskolaren porrot-tasa, 2011n. Proba estandarizatuen emaitzak igo egin ziren 2012an, baina gero jaitsi egin ziren.[28]

MEF Unibertsitateak, Istanbulen (Turkia) dagoen irabazi-asmorik gabeko unibertsitate pribatuak, berarentzat eskatzen du mundu osoan "gela alderantzikatuaren" hezkuntza-eredua hartu duen lehen unibertsitatea izatearen "ohorea".[29]

Goi-mailako hezkuntzan iraulitako ikasgelen aldekoek interesa izan dute hori unibertsitateko ikasgeletan gauzatzeko.[30] Grazeko Unibertsitateko irakasleek ikerketa bat egin zuten, non hitzaldiak bideoz grabatu ziren, eta gero aukera eman zieten ikasleei sarrera izateko hezkuntza psikologiako hitzaldietan oinarritutako ikastaro baten seihileko osoan.[31] Irakasleek galdetu zieten ikasleei ea nola erabiltzen zituzten beren hezkuntza-tresnak: klaseetara joatea eta bideoak ikustea edo bideoak berrikustea. Ikasleek eskainitako material didaktikoak zer maiztasunekin erabiltzen zituzten ebaluatu zuten (1=bat ere ez; 6=behin eta berriro). Ikasle gehienak (% 68,1) podcastak entzutearekin zaletuta zeuden, baina podcastak erabiltzearekin alderatuta, eskoletara bertaratze-tasa txikiak zituzten. Gainerako ikasleek (%19,6) edo podcastak gutxi xamar erabili zituzten (%12,3), baina azken hauek ere antzeko asistentzia izan zuten. Bideoak ikaskideek baino gehiagotan ikusten zituzten ikasleek emaitza hobeak lortu zituzten ebaluazio-probetan.

2016ko ekainaren 27an, Jonathan Bergmannek, iraulitako ikaskuntzaren sortzaileetariko batek, Flipped Learning Global Initiative abiarazi zuen, Errol St.Clair Smith buru zuela.[32] 2018ko urtarrilaren 26an, Ikaskuntza Irauliaren Flipped Learning Global Initiative horrek bere Nazioarteko Fakultatea sortu zuen, mundu osoko eskolei eta eskola-sistemei etengabeko prestakuntza eta laguntza eskaintzeko.

Alderantzizko irakaskuntza

[aldatu | aldatu iturburu kodea]
Ikasgela tradizional baten eredua, Suedian.
(Ingelesez) Traditional Classroom vs Flipped Clasroom.

Eskola tradizionaletan, ikasgelako gai bakoitzak denbora finkoa hartzen du ikasle guztientzat. Alderantzizko irakaskuntzako ikasgelek ikaskuntza eredu bat aplikatzen dute non ikasle bakoitzari gai bat menderatzea eskatzen zaion hurrengo gaira pasatu baino lehen.[33]

Honelako ikaskuntza mota bat oso ezaguna izan zen 1920ko hamarkadan, eta Benjamin Bloom-ek berriro berpiztu zuen 1968an. Nahiz eta zaila izan ikasgela handietan eta tradizionaletan ezartzea, izugarrizko arrakasta izan du ikasleen ikaskuntzaren hobekuntzan.[34][35] Ereduak aukera ematen die irakasleei ikasteko materialak, tresnak eta laguntza emateko; ikasleei, berriz, aukera ematen die norberak bere helburuak ezartzeko eta bere denbora administratzeko.[33]

Ikasleen pertzepzioak

[aldatu | aldatu iturburu kodea]

Ikasleek ikasgela irauliarenen planteamenduaren alde egiteko aukera egon daiteke, ikasketa mota zehatz honetan parte hartzeko aukera izan ondoren. Esate baterako, farmazia-ikastaro batean, 19 ikasleetatik % 34,6k eskola iraulia nahiago izan zuen, probatu baino lehenago, ikasgela iraulikoen ezarpena. Ikasle guztiek Pharmaceutical Flipped Classroom ikastaroan parte hartu ondoren, ikaskuntza metodo honen aldekoen kopurua nabarmen hazi zen, guztira %89,5era iritsiz. [36] Problemak ebazteko interesa duten ikasleek, ikasteko modu praktikoan interesa duten pertsonek,litekeena da iraulitako ikasgelatik etekin handiagoa ateratzea, ohiko eskola magistral estilotik alde egiten baitute. Ikasleek hasieran zenbait zalantza edo beldur izan ditzakete iraulitako ikasgela erabiltzeari buruz, besteak beste: [37]

  • "Irakatsi" behar izatearen beldurra, irakasle rola hartzearen beldurra, izendatutako irakasle batek orientazio egokirik ez izatearen beldurra. Metodologia honetan ikasleari presio handiagoa egiten zaio edukia zehatz-mehatz aztertzeko, ikasteko, ikasgelakoen aurrean ongi jarduteko gero.
  • Ikasturtean arrakasta lortzeko lan akademiko gehiago, aparteko lana, egin behar izatea, irakasle baten gutxieneko orientaziorik gabe gainera.
  • Eztabaidatutako gaietan nahaste handiagoa izateko beldurra, gai batzuk ez ulertzeko beldurra. Hori konpontzeko talde-eztabaidan eta arazoak konpontzeko jardueretan elkarkidetza sustatuz ekidin daiteke, horretarako iraulitako gela batek pizgarriak ematen baititu.

Ikasgela irauli bat hainbat osagaiz osatuta dago, (adibide batzuk baino ez dira zerrendatuko): [38]

  1. bideo-bildumak
  2. aurkezpen digitalak
  3. ikasleen eztabaidak, debateak
  4. irakasle/ikasle komunikazio telematikoa

Zenbait esperimenturen bidez zehaztu da gela-irauliaren ikuspegiaren alderdi batzuk beste batzuk baino onuragarriagoak direla ikasleentzat. Adibidez, unibertsitateko irakurketa lantzeko ikasgela-irauliko irakaskuntza-modulu batean parte hartu zuten ikasleen atzeraelikadurari buruzko azterlan batean, emaitza hauek lortu ziren:[38]

  • Ikasleen % 92,59k azkenean onartu zuten flipped classroom irakaskuntza-modulua orokorrean
  • Ikasleen % 59,26k irakaskuntza-moduluaren "bideo-formatua" onartu zuten, ikastaroaren oinarrizko baliabide gisa eskaintzen zena.
  • Ikasleen % 100,00ak uste zuten irakaskuntza-moduluan eskaintzen den "ikas-gida" esteka beharrezkoa zela ikastaroan ondo aritzeko.

Estatistika espezifiko hauen arabera, ikus daiteke ikasle gehienek uste zutela ikasgela iraulitako esperientziak onura handiak zekarzkiela ikastaroaren zenbait alderdiri (adibidez, emandako ikaskuntza-gida), moduluaren beste atal batzuk alferrikako edo hutsalak izan zitezkeela uste bazuten ere. [38]

Onurak

[aldatu | aldatu iturburu kodea]

Ikasgela iraulitako ikuspegiari hainbat onura aitortzen zaizkio, besteak beste:

  1. Unibertsitateko irakurketa-azterketa enpiriko batek ikasgela iraulikoen ikuspegia ikaskuntza-forma guztiak barne hartzen dituela identifikatu zuen (adibidez, ahozkoa, bisuala, entzumena, eskuak, arazoak ebaztea, etab. ). [38]
  2. Ikasgelako ingurune tradizionalean ikasi beharrean, iraulitako ikasgelak aplikazioetan oinarritutako ikuspegia erabiltzen du ikasleentzat (hau da, eskuak eta arazoak konpontzeko jarduerak). [39] [40]
  3. Flipped classroom oso erosoa da, batez ere ikasgela fisikora bidaiatzeko zailtasunak dituzten ikasleentzat. Halako ikasleek oraindik eskura dute ikastaroaren oinarrizko informazioa sarean. [41]
  4. Komunikazioa asko azpimarratzen da ikasgela irauliko batean, funtsean: ikasle-ikasle eta ikasle-irakasle elkarrekintzak. [42]
  5. Flipped classroom-ek ikaslearengan oinarritutako irakaskuntza bat erabiltzen du, ikastaroak batez ere ikaslearen arrakasta orokorrean hezkuntza egokia eta eraginkorra lortzen laguntzera zuzenduta dagoela ziurtatzeko. [42]
  6. Azterketetarako "saltoki" eta azterketa osteko informazioa ahaztearen ideia nagusia saihesten du, ikasleei ematen zaien informazioaren azpian dagoen arrazoia ulertzera bultzatzen baitu. [37]
  7. Ikasleek emandako oinarrizko informazioa ikasteko duten erantzukizuna kontutan hartu behar dute, euren lan pertsonala eta ekarpena kurtso amaieran jasotzen duten kalifikazioan islatuko baita. Horrek, aldi berean, etorkizuneko ikastaro zailagoetarako hobeto prestatuko ditu. [37]
  8. Klase aurreko atalean laguntza falta bada ere, bideoa ikustean sortzen diren galderak ondorengo klaseko jardueretarako lehengai gisa balio lezakete, eztabaidarako adibidez. Ondorioz, ikasleak gehiago zentratzen dira klaseko saioan eta, beraz, bideoa erabiltzeak klaseko jardueren eragina areagotu dezake. [10]
  9. . Azken aplikazioek frogatu dute ikasleek ez dutela esklusiboki ariketa bat burutzeko jarrera erakusten, baizik eta beren progresiorako eta irteerarako grina handiagoa erakusten dutela. [43]

Mugak eta kritikak

[aldatu | aldatu iturburu kodea]

Kritikariek diote iraulitako ikasgelaren ereduak ondorio negatibo batzuk dituela, bai ikasleentzat, bai irakasleentzat.

'Arrakala digital' bat sortzen ikasleentzat. Familia guztiak ez dira jatorri sozioekonomiko berekoak, eta, beraz, ikasle guztiek ezin dute ordenagailuetara edo bideoetara jo, eskolatik kanpo, horretarako behar den teknologia gailu egokiak ez dituztelako. Ikasketa-eredu horrek bidegabeko presioa egin diezaieke familia batzuei, bideoak eskola-orduetatik kanpo eskuratzen saiatzean. Internet konexio hobeak eta gailu hobeak eskuratzeko presioa familiei.[44]

Gainera, ikasle batzuk beren buruekin borroka egin dezakete beren erantzukizun pertsonalaren ondorioz. Autozuzendutako ikaskuntza-ingurune batean, ikaskuntza independentearen bidez lanean jarraitzeko eskatzen den garapen-etapan ez dauden ikasleak bizkor eror daitezke autonomia gehiago lortu duten ikaskideen atzetik.[44][45][46]

Beste batzuek diote ikasgela irauliak ordenagailuaren denbora luzatzen duela, nerabeek ordenagailuaren pantailen aurrean denbora gehiegi pasatzen duten garaietan. Bideo informatizatuen mende dauden eskola irauliko ereduek joera horri laguntzen diote, bereziki bideoak luzeak badira.[44]

Gainera, ikasketak emateko bideoen mende dauden ikasgela irauliek ikasgela tradizionalen gabezia berberak dituzte. Baliteke ikasleek hobeto ez ikastea hitzaldi bat entzunez, eta etxeko bideoak ikusten, horrek irakaskuntza-modu tradizionalago baten adierazgarri da oraindik ere. Irakaskuntza tradizionala non lehen eskola magistralak aurrez aurre entzuten ziren eta eskola iraulia non orain eskola magistralak grabatuta, etxean, entzuten diren. Kritikariek diote ikuspegi konstruktibista edo komunikatiboa onuragarriagoa izango litzatekeela.[44]

Irakasleek ere aurki ditzakete eredu horrekin erronka zailak. Litekeena da hasieran prestakuntza-denbora luzatu behar izatea; izan ere, kalitate handiko bideoak sortzeko, irakasleek denbora eta ahalegin handiak egin behar dituzte ohiko irakaskuntza-erantzukizunetatik kanpo.[7] Edozein irakaslek ezin du, modu erraz batean, bere ohiko jarduerak bideo formatuan grabatu, editatu, etab. Baliteke, beraz, finantzaketa gehigarria behar izatea irakasleei trebakuntza emateko, inbertitutako ereduaren ezarpen arrakastatsuan parte hartzen duten teknologia informatikoek nabigatzeko.[8] Bestela, irakasleek bere gain hartu beharko lukete gainkostu hori.

Iraulitako gelen errendimenduaren igoera asko aldatzen da ikasgelaren arabera. Eskolak egiteko metodoak eta ikastaroaren intentsitate-mailak eragina izan dezakete onura posibleetan. Gaur egun, eskura dauden ikerketen kopurua, ez da nahikoa, erabili beharreko irakasle guztientzat jarraibide praktiko zorrotzak sortzeko. Beraz, irakasle batzuek beste batzuek baino eraginkorrago gidatu dezakete gela eskola irauliaren ereduarekin. Gainera, ikastaroaren intentsitate-mailak funtsezko zeregina izan dezake iraulitako ereduaren eraginkortasunean. Ikertzaileek, sarritan, K-12 hezkuntzan errendimendu-hazkunde zehatzagoa ikusten dute, bigarren hezkuntzako, unibertsitateko edo graduondoko hezkuntzan baino.[47][48] Atzerriko hizkuntzako hezkuntzan, ikasgela irauliak ez dira hain eraginkorrak izaten ikasi nahi den hizkuntzan gaitasun txikiagoa duten ikasleen kasuan.[13]

« Flipped classroom kontu hori, etxeko lanak egitea, besterik ez da. »

—Ikasgela iraulia gutxiesteko ohiko esapidea.[49]


Beste hezkuntza-ikuspegi batzuekin

[aldatu | aldatu iturburu kodea]

Flipped learning + lankidetza ikaskuntza

[aldatu | aldatu iturburu kodea]

Zientzia, teknologia, ingeniaritza eta matematika bezalako arloetan eraginkorra izan den lankidetzazko ikaskuntza-lanean oinarritutako metodo interaktiboa (Dumont, 2014).

Flipped mastery ikaskuntza

[aldatu | aldatu iturburu kodea]

Inbertitutako ikaskuntza eredua modu aurreratuagoan aplikatzen denean. Hezitzaileak edukiak helburu zehatzen inguruan antolatzen hasten dira. Ikasleek beren erritmoan lantzen dituzte ikastaroko edukiak eta unitate bakoitzaren amaierara iristean, ikaskuntza-helburuak menderatzen dituztela erakutsi behar dute hurrengo gaira igaro aurretik (Bergmann eta Sams, 2013). Ikasleek euren ikaskuntzaren frogak erakutsi ditzakete bideo, fitxa, istorio esperimental, programa, proiektu edo adibideen bidez, besteak beste. Bi erronka daude flipped-mastery ereduan: lehenengoa ikasleei irakaskuntza ematea da irakasgaien ikaskuntza eta ulermen maila desberdinak dituztenean. Bigarren erronka, ikaslea behin baino gehiagotan ebaluatu behar denean ebaluazio batutzailea egitea da.

Ikaskuntza moldagarri iraulia

[aldatu | aldatu iturburu kodea]

Alderantzizko ikaskuntzaren eta beste ikuspegi pedagogiko batzuen konbinazioak, hala nola, ikaskuntza moldatzailea, hezitzaileei lagun diezaieke ikasleei maisutasuna erakusten duten ikaskuntza-esparruetatik eta oraindik gabeziak edo hobetu beharra dutenetatik informazioa eskuratzen. Ezagutza horrek irakasleari lagundu diezaioke klaseko denbora nola antolatu eta kudeatu erabakitzen ikasleen ikaskuntza maximizatzeko (Yilmaz-tuzun, 2008).

Flipped learning + gamifikazioa

[aldatu | aldatu iturburu kodea]

Ikasprozesuan ludifikazio-elementuak sartzea izango litzateke aurrerapauso bat. Jokoekin zuzeneko loturarik ez duten egoeretan joko-mekanismoak aplikatzea da gamifikazioa. Oinarrizko ideia jolas batek zer motibatzen duen identifikatzea da, eta irakaskuntza-ikaskuntza ereduan nola aplika daitekeen ikustea (kasu honetan Flipped-Mastery litzateke). Dibertsioaren Teoriaren ikerketaren emaitzek erakutsi zuten dibertsioak nabarmen alda dezakeela pertsonen portaera zentzu positiboan, hezkuntzan eragin positiboa duen bezala (Volkswagen, 2009).

Flipped learning + lankidetzazko ikaskuntza

[aldatu | aldatu iturburu kodea]

Flipped classroom teknikaren eta ikaskuntza kooperatiboaren artean sinbiosia ere egon daiteke, bata bestearen osagarri izan daiteke. Etxeko lanak elkarrekin, eta taldearekin, elkarlanean egiten dira, irakasleak irakasgaia azaltzen emandako denbora flipped classroom metodora mugitzen baitu. Modu honetan, ikasleak pisu teorikoagoko edukiak bereganatu eta ulertu behar ditu etxean, irakasleak egindako grabazioen bidez, eta klaseko denbora ikasketa kooperatiboaren bitartez zereginak eta arazoen konponketa edota zalantzak garatzeko dedikatzen da. (Fortanet, González, Mira Pastor eta López Ramón, 2013).

Flipped learning + Ikasgela inklusiboa

[aldatu | aldatu iturburu kodea]

Ikasle tipikoentzat baliagarriak diren iraulitako gela baten ezaugarriek ezgaitasunak dituzten ikasleei ere mesede egin diezaiekete. Ikasgela inklusiboak pertzepzioak aldatzeko eta ezgaitasuna duten ikasleen estigma murrizteko erabil daitezke.[50] Adibidez, maisu batek gizarte-gaitasunei buruzko ikasgai bat gara dezake, espektro autistaren nahastea duen ikasle batentzat kezka-eremu bat bada.[51]

Flipped learning + irakaskuntza

[aldatu | aldatu iturburu kodea]

Irakasle tradizionalen irakaskuntza-estilo magistraleko klaseak alderantzizko irakaskuntza bihur daitezke edo irakaskuntza irauliarekin nahas daitezke. Irakaslearen lezio (tradizionala/iraulia) bakoitzaren aurretik eta ondoren, ikasleen Likert eskalan anonimo bihurtutako ebaluazio-itemak erregistra daitezke etengabeko behaketarako, monitorizaziorako. Programatutako eskoletan, irakasleak ikasgaia programatu baino astebete lehenago ematen du material didaktikoa, ikasleek lezioak presta ditzaten. Ikasle-talde txikiek lezioen ataletan lan egiten dute, ohiko zereginaren ordez, eta lezioa beren kideen aurrean azaltzen dute. Gero, irakasle profesionalak eztabaidatu, osatu eta berrelikatzen du taldeko jendaurreko aurkezpena, amaieran. Hemen, irakasle profesionalak entrenatzaile rola jarduten du, ikasleei prestakuntza ematen eta aurkezpena jendaurrean ondo azaltzen laguntzeko.[52]

Erreferentziak

[aldatu | aldatu iturburu kodea]
  1. ↑ Europass Teacher Academy| Flipped classroom; 2020 |url= https://www.teacheracademy.eu/course/flipped-classroom/
  2. ↑ Ryback, D.. Humanistic versus traditional teaching styles and student satisfaction.  doi:10.1177/002216788002000106..
  3. ↑ Strauss, Valerie. The flip: Turning a classroom upside down. .
  4. ↑ a b Abeysekera, Lakmal. Motivation and cognitive load in the flipped classroom: definition, rationale and a call for research.  doi:10.1080/07294360.2014.934336..
  5. ↑ Marco Ronchetti (June 2010), "Using video lectures to make teaching more interactive", International Journal of Emerging Technologies in Learning (iJET)
  6. ↑ Greg Topp (6 Oct 2011), "Flipped classrooms take advantage of technology", USA Today
  7. ↑ a b c Bergmann, J., & Sams, A. (2012). Flip your classroom: reach every student in every class every day. Washington, DC: International Society for Technology in Education.
  8. ↑ a b Sparks, Sarah D.. Lectures Are Homework in Schools Following Khan Academy Lead. .
  9. ↑ Bennett, B., Spencer, D., Bergmann, J., Cockrum, T., Musallam, R., Sams, A., Fisch, K., & Overmyer, J. (2013). "The flipped classroom manifest".
  10. ↑ a b Fung., C.H.. How does flipping classroom foster the STEM education: A case study of the FPD model..  doi:10.1007/s10758-020-09443-9..
  11. ↑ Alvarez, B. Flipping the classroom: Homework in class, lessons at home. .
  12. ↑ Flipped Learning Network. .
  13. ↑ a b Vitta, Joseph P.. The flipped classroom in second language learning: A meta-analysis.  doi:10.1177/1362168820981403..
  14. ↑ Nechkina, Militsa. Increasing the effectiveness of a lesson. .
  15. ↑ King, Alison. From sage on the stage to guide on the side.  doi:10.1080/87567555.1993.9926781..
  16. ↑ Eric Mazur (1997). Peer Instruction: A User's Manual Series in Educational Innovation. Prentice Hall, Upper Saddle River, NJ
  17. ↑ C. Crouch & E. Mazur (2001). Peer Instruction: Ten Years of Experience and Results, Am. J. Phys., v69, 970–977
  18. ↑ Maureen Lage, Glenn Platt, Michael Treglia (2000), Inverting the Classroom: A gateway to Creating an Inclusive Learning Environment, Journal of Economic Education
  19. ↑ Foertsch, Julie. Reversing the Lecture/Homework Paradigm Using eTEACH® Web‐based Streaming Video Software.  doi:10.1002/j.2168-9830.2002.tb00703.x..
  20. ↑ Baker, J.W. "The 'Classroom Flip": Using Web course management tools to become the Guide by the Side." In J. A. Chambers (Ed.), Selected papers from the 11th International Conference on College Teaching and Learning (2000), pp. 9–17. Jacksonville, FL: Florida Community College at Jacksonville.
  21. ↑ Clive Thompson (15 Jul 2011), "How Khan Academy is Changing the Rules of Education", Wired
  22. ↑ Sarah D. Sparks (28 Sep 2011), Lectures Are Homework in Schools Following Khan Academy Lead
  23. ↑ Sams, Aaron (11 November 2011). "The Flipped Class: Shedding Light on the Confusion, Critique, and Hype". The Daily Riff. Retrieved 7 April 2015.
  24. ↑ "Home | Wisconsin Collaboratory for Enhanced Learning | University of Wisconsin–Madison". Wiscel.wisc.edu. Retrieved 2015-04-07.
  25. ↑ Bergmann, J., & Sams, A. (2012). Flip your classroom: reach every student in every class every day. Washington, DC: International Society for Technology in Education.
  26. ↑ Rosenberg, Tina. Turning Education Upside Down. .
  27. ↑ My View: Flipped classrooms give every student a chance to succeed. .
  28. ↑ a b Rosenberg, Tina. Turning Education Upside Down. .
  29. ↑ MEF University. .
  30. ↑ Schuman, Rebecca. The Flipped Classroom. ISSN 1091-2339..
  31. ↑ Luttenberger, Silke. Different patterns of university students' integration of lecture podcasts, learning materials, and lecture attendance in a psychology course.  doi:10.1007/s10639-017-9592-3. ISSN 1360-2357..
  32. ↑ The Flipped Learning Global Initiative. .
  33. ↑ a b Rosenberg, Tina. In 'Flipped' Classrooms, a Method for Mastery. .
  34. ↑ Brandt 79. .
  35. ↑ Kulik 90. .
  36. ↑ McLaughlin, Jacqueline. Pharmacy Student Engagement, Performance, and Perception in a Flipped Satellite Classroom.  doi:10.5688/ajpe779196. OCLC .3831407 PMID 24249858..
  37. ↑ a b c Rotellar PharmD, Cristina, Cain EdD, MS, Jeff. Research, Perspectives, and Recommendations on Implementing the Flipped Classroom.  doi:10.5688/ajpe80234. OCLC .4827585 PMID 27073287..
  38. ↑ a b c d Mo, Jun. An Empirical Study on the Effectiveness of College English Reading Classroom Teaching in the Flipped Classroom Paradigm. .
  39. ↑ Sharma, Neel, Lau, C.S, Doherty, Iain, Harbutt, Darren. How we flipped the medical classroom.  doi:10.3109/0142159x.2014.923821. PMID 24934251..
  40. ↑ Glynn, James. The Effects of a Flipped Classroom on Achievement and Student Attitudes in Secondary Chemistry. .
  41. ↑ Kettle, Maria. Flipped Physics.  doi:10.1088/0031-9120/48/5/593. Bibcode: 2013PhyEd..48..593K..
  42. ↑ a b Aşıksoy G., Özdamlı F.. Flipped Classroom adapted to the ARCS Model of Motivation and applied to a Physics Course. .
  43. ↑ https://files.eric.ed.gov/fulltext/ED522618.pdf
  44. ↑ a b c d Nielsen, L. (2012). "Five reasons I'm not flipping over the flipped classroom".
  45. ↑ Strayer, Jeremy F.. How learning in an inverted classroom influences cooperation, innovation and task orientation.  doi:10.1007/s10984-012-9108-4..
  46. ↑ Lents, N.. Web-based learning enhancements: Video lectures through voice-over PowerPoint in a Majors-level Biology course. .
  47. ↑ Lo, Chung. A critical review of flipped classroom challenges in K-12 education: possible solutions and recommendations for future research.  doi:10.1186/s41039-016-0044-2. OCLC .6302872 PMID 30613253..
  48. ↑ Chen, Fei. A systematic review of the effectiveness of flipped classrooms in medical education.  doi:10.1111/medu.13272. ISSN 1365-2923. PMID 28488303..
  49. ↑ (Gaztelaniaz) Martí, Jordi. «Flipped classroom son deberes» Twitter (Noiz kontsultatua: 2021-11-22).
  50. ↑ 5 Benefits of Inclusion Classrooms. .
  51. ↑ Altemueller, L.. Flipped classroom instruction for inclusive learning.  doi:10.1111/1467-8578.12177..
  52. ↑ Mastmeyer, A.. Quantitative and Qualitative Evaluation of Transforming to Flipped-Classroom from Instruction Teaching using Micro Feedback Loops.  doi:10.5281/zenodo.4000357..

Ikus, gainera

[aldatu | aldatu iturburu kodea]

Kanpo estekak

[aldatu | aldatu iturburu kodea]
Artikulu hau, osorik edo zatiren batean, ingelesezko wikipediako «Flipped classroom» artikulutik itzulia izan da, 2021-11-19 data duen 1055982210 bertsioa oinarritzat hartuta. Jatorrizko artikulu hori GFDL edo CC-BY-SA 3.0 lizentzien pean dago. Egileen zerrenda ikusteko, bisita ezazu jatorrizko artikuluaren historia orria.
"https://eu.wikipedia.org/w/index.php?title=Ikasgela_irauli&oldid=9534666"(e)tik eskuratuta