James Alfred Van Allen

Wikipedia(e)tik
Hona jo: nabigazioa, Bilatu
James Alfred Van Allen

James Alfred Van Allen Estatu Batuetako fisikaria izan zen, bere izena eman zaien irrada-eraztunak aurkitu zituena (Iowa, 1914 - Iowa, 2006). Bigarren Mundu Gerran irratiz gidatutako kohete bat diseinatzen jardun zuen. Lehenengo satelite artifizialek bidalitako informazioa aztertuz bere izeneko irrada-eraztunak aurkitu zituen, Van Allenen eraztunak: Lurraren magnetismo-eremuan garaiera handian energia handiz kargatutako partikulak biltzen diren eraztun gisako bi eremu. Bi eremuen artean ez da etenik, baina energiaz kargatutako partikulak dentsitate handiagoan dauden bi eremu bereiz daitezke: apalena eta garaiena. Eremu edo eraztunik apalena lurrazaletik 3.000 km ingurura aurkitzen da; eraztun garaiena, berriz, lurrazaletik 15.000-20.000 km ingurura.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: James Alfred Van Allen Aldatu lotura Wikidatan