Jose Angel Irigarai

Jose Angel Irigarai
Irudi gehiago
Bizitza
Jaiotza	Iruñea, 1942ko Urriaren 9a (80 urte)
Herrialdea	Nafarroa Garaia, Euskal Herria
Lehen hizkuntza	euskara
Familia
Aita	Aingeru Irigarai
Hezkuntza
Hizkuntzak	euskara gaztelania italiera
Jarduerak
Jarduerak	poeta, eleberrigilea, saiakeragilea, medikua eta idazlea
Kidetza	Ez Dok Amairu
Genero artistikoa	olerkigintza saiakera narrazioa

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Ez Dok Amairu eta XX. mendeko kantagintza

Jose Angel Irigarai Imaz (Iruñea, 1942ko urriaren 9a) euskal idazle eta poeta da. Aingeru Irigarai mediku eta idazle euskaltzalea zenaren semea da eta Fermin Irigarai "Larreko" zenaren biloba. Erroak beraz Auritzen ditu, eta aspaldian Donostian bizi da.

Kulturgintzan betidanik murgildua, hainbat ekimen eta elkarteren sustatzaile eta partaide izan da (Ez Dok Amairu, Aranzadi, Nafarroako Ikastolak, hainbat Euskara Elkarte, Bilboko Kafe Antzokia, Oteiza Fundazioa...). Sorkuntzari dagokionez, literatura da bere eremu nagusia: saiakera, narrazioa eta bereziki poesia.

Ez Dok Amairu taldeko zenbait kide, Atahualpa Yupanqui (zutik, ezkerretik hirugarrena) eta Paco Ibáñez (zortzigarrena) kantariekin: Joxan Artze (ezkerretik bigarrena), Benito Lertxundi (laugarrena), Mikel Laboa (seigarrena), Jose Angel Irigarai (zazpigarrena), Xabier Lete (makurtuta, ezkerretik lehenengoa) eta Lourdes Iriondo.

Ohorezko euskaltzaina (2010)

2017ko Bertsolari Txapelketa Nagusia - BEC - Beñat Gaztelumendiri saria ematen.

Euskaltzaindiak ohorezko euskaltzain izendatu zuen 2010 urtarrilaren 29an beste hauekin batera: Pakita Arregi, Gorka Aulestia, Joxe Azurmendi, Luis Baraiazarra, Erramun Baxok, Martzel Etchehandy, Ana María Etxaide, Joshua Fishman, Joxemari Iriondo eta Xabier Lete.

Lanak

Jose Angel Irigarairen testigantzekin osatutako bideoa (Ahotsak proiekturako)

Narrazioa

• Gauerdiko ele galduak (1985, Elkar)
• Denboraren mugan (2005, Pamiela)

Saiakera

• Euskera eta Nafarroa (1973, Egilea editore)
• Euskara bizitzaren kenkan. Orekaren mintzoa (1988, Pamiela)

Irigarai eta Lourdes Iriondo

Poesia

• Kondairaren ihauterian (1978, GAK)
• Bizi minaren olerkian (1986, Pamiela)
• Urdinkara (1995, Pamiela)
• XX. mendeko poesia kaierak - Jose Angel Irigarai (2001, Susa): Koldo Izagirreren edizioa
• Joan-jinaren labirintoan (2002, Pamiela)
• Zeharbidetan (CD-liburuttoa, Antonio Breschirekin batera) (Arteola-Pamiela, 2004)
• Isiltasunaz hunatago (Pamiela, 2020)

Itzulpena

• Hitzak. (Paroles, Jacques Prevert, 1946)

Ikus, gainera

• Euskarazko literatura
• Nafarroako idazleak
• Iruindar ezagunen zerrenda

Kanpo estekak

• Jose Angel Irigarai literaturaren zubitegian
• Elkarrizketa Argian

• Datuak: Q12260570
• Multimedia: Jose Angel Irigarai