Juanjo San Sebastian

Juanjo San Sebastian
Bizitza
Jaiotzako izen-deiturak	Juan Jose San Sebastian Arroyo
Jaiotza	Bilbo, 1955 (68/69 urte)
Herrialdea	Bizkaia, Euskal Herria
Hezkuntza
Hizkuntzak	gaztelania
Jarduerak
Jarduerak	mendigoizalea, dokumentalgilea eta idazlea
Jasotako sariak	ikusi Bilboko Aste Nagusiko pregoilari (2005) ;

Juanjo San Sebastian Arroyo (Bilbo, 1955) euskal alpinista da, 1980ko hamarkadan eta 1990ekoan ezagunenetarikoa.

1979an lehenengo igoerak egin zituen Alpeetan Europako Erdialdean eta Andeetan Hego Amerikan. 2 urte geroago lehenengo aldiz Himalaiara joan zen Asia aldera, eta ordutik zortzimilako batzuetara igotzen lortu egin zuen.

Afrikan (Kilimanjaro eta Ruwenzori), Kanadan (Lotus Flower Tower, Cirque of the Unclimbables-en, Northwest Territories-en; Nahanni eta Yukon ibaien jaitsierak kanoan), AEBetan (Zodiac eta North America Wall, Yosemiteko El Capitán-en), Argentinan (Aconcagua), Brasilen (Pão de Açúcar) eta Zeelanda Berrian ere ibili izan da mendian edo bestelako kiroletan.

Ibilbidea[aldatu | aldatu iturburu kodea]

17 urterekin ekin zion eskaladari. 1981ean egin zuen lehendabiziko espedizioa Himalaiara eta Karakorumera. Horien artean nabarmentzen dira Everesteko hegoaldeko zutabera egindako saiakera, Makalu eta Cho Oyuko igoerak eta Shisha Pangmako erdialdeko tontorra. 1986an saiatu zen Broad Peakera igotzen, Chogolisako ipar-ekialdeko ertzean bide berri bat zabaldu ostean. Halaber, K2ko mendebaldeko aurpegian bide japoniarra egiten saiatu zen. Mendi hartara beste hiru aldiz itzuli zen, Cessen bidetik, bide normaletik eta azkenik 1994an tontorra lortu zuen iparraldetik, Atxo Apellanizekin batera. Espedizio horretan Atxo bere sokakide eta laguna hil zen, erreskatatzen saiatu arren. Bizipen garrantzitsu hauek "Cita con la cumbre" liburuan jaso zituen.

Zortzimilakoak[aldatu | aldatu iturburu kodea]

Makalu (8.463 m)
Cho Oyu (8.201 m)
Shisha Pangma (8.027 m)
K2 (8.611 m)

Dokumentalgilea[aldatu | aldatu iturburu kodea]

RTVEko lantaldekoa izan zen 1983tik 2004ra, "Al filo de lo imposible" saioan hain zuzen ere. "Bájame una estrella" dokumentala ere egin zuen 1992an, Miriam Garcia Pascual eskalatzaile aitzindariari buruzkoa eta hark idatzitako egunerokoan oinarriturik.

Halaber, "El Viaje" izenburukoa egin du, bai eta euskal alpinismoaren historiari buruzko sorta bat ere.

Idazlea[aldatu | aldatu iturburu kodea]

Liburuen arloan, "Cuando la luna cambie. Historia de una expedición al Karakorum" (Desnivel, 2000), "Cita con la cumbre. Una historia de tragedia y amistad en el K2" (Desnivel, 2011) eta "¿Cuánto es mucho tiempo? Retazos del camino" (Desnivel, 2020) idatzi ditu bestela.

Sariak[aldatu | aldatu iturburu kodea]

2018ko abenduan Bilbon, Mendi Film Festivalen WOP fundazioaren saria jaso zuen, alpinista moduan bere ibilbideagatik eta eredu moduan superazio, ausardia eta konpromisoan.^[1]