Loruriko geltokia

Loruri-Ciudad Jardín ; Eraitsita
	Geltokia 2017ko irailean.
Lineak
Kokapena
Helbidea	Damián González Maisuaren kalea, 5; 48007
Udalerria	Bilbo, Bizkaia
Geltokiaren datuak
Irekiera	1908ko urriaren 31 ; 2010eko maiatzaren 15a
Itxiera	1995eko azaroaren 11 ; 2015eko azaroaren 2a
Irisgarria
Nasak	2
Trenbideak	2
Jabea	Euskal Trenbide Sarea
Garraio zerbitzuak
EuskoTren	4 Deustu - Lezama ; L Loruri - Sondika
Bilbobus	13 San Ignazio - Txurdinaga ; 27 Arabella - Betolatza ; 38 Otxarkoaga - Basurtu/Termibus ; 48 Santutxu - Lezeaga ; G1 Arabella - Moyua ;

43°16′11″N 2°55′32″W / 43.269726°N 2.925533°W

Loruri-Ciudad Jardín Euskotren Trena eragilearen 4. lineari (Txorierriko linea) zegokion lurgaineko geralekua da, Bilbo udalerriko Loruri auzoan kokatuta dagoena. Bilbo-Lezama trenbidearen Olako saihesbidea inauguratzearekin eta Ola eta Larrondoko geltokiekin batera 1908ko urriaren 31n ireki zen, eta 1995an itxi ondoren, 2010eko maiatzaren 15ean berrireki zen, azkenik 2015eko azaroaren 2an itxi zen arte, gaur egun zerbitzurik eskaintzen ez duela.

Geralekua berrirekitzea[aldatu | aldatu iturburu kodea]

Geralekua 1995an ixtea erabaki zuen Euskotrenek, Bilbo-Plentzia trenbidea Metro Bilbaok bereganatu zuenean.^[1] Izan ere, Matikoko geltokia Lorurikotik oso gertu dago, eta bakarra irekita mantentzeko erabakia hartu zen.

2010ean, Bilboko metroaren 3. linearen lanak zirela eta, Euskal Trenbide Sareak Euskotrenen Txorierriko linearen Matiko-Zazpikaleak trenbide tartea itxi behar izan zen. Tarte horren ixtearekin batera, Loruriko geralekua berrireki zen, Matikoko geltokiko erabiltzaileek erabil zezaten.^[2]

2015eko ekainaren 1.an Euskal Trenbide Sareak Loruri eta Zazpikaleetako geltokien arteko trenbidea ere eten zuen, Metroaren 3. linearen lanekin jarraitzeko. Geroztik Txorierriko linean aldaketak egin ziren eta Loruri eta Sondikako geltokien arteko tren anezka jarri zen martxan.

Urte bereko azaroaren 2an geltokia behin-betiko itxi zen, Ola eta Zazpikaleetako geltokiaren arteko trenbidea eten ondoren, horren ordez autobus anezka bat ezarriz, 3. linea ireki zen arte.

2017ko apirilaren 8an Metroaren 3. linea inauguratu zen, eta ordutik Matikoko geltokia berriro ere martxan dago, Loruriko geltokiko azpiegitura, hala nola trenbideak eta katenariak eraitsi direla.