Menezio

Wikipedia, Entziklopedia askea
Hona jauzi: nabigazioa, Bilatu

Menezio (grezieraz Μενοίτιος, Menoítios) greziar mitologiako hainbat pertsonaien izena da.

Menezio, titana[aldatu | aldatu iturburu kodea]

Menezio, titan bat zen. Japeto eta Klimene edo Asiaren semea zen, eta, beraz, Prometeo, Epimeteo eta Atlasen anaia. Zeusek Titanomakian bota zion tximista batek hil zuen eta Tartaroan giltzaperatua izan zen.

Menezio, Patrokloren aita[aldatu | aldatu iturburu kodea]

Menezio Aktor eta Eginaren semea zen, Eakoren anaiordea eta Polimelaren senarra. Honekin, Patrokloren aita izan zen. Opunten bizi izan zen eta Argonauta taldearen espedizioan joan zen. Bertsio batzuk, bere ama Damokrateia, Eginaren alaba bat zela diote, eta, Polimelaren ordez, bere emazteari Periapis edo Estenela deitzen diote

Patroklok, joko batzuetan, Anfidamanteren semea hil zuenean, Meneziok honekin ihes egin zuen Peleoren Ftiako gorterantz, eta bertan hezia izan zen. Menezio Heraklesen laguna izan zen

Izen bereko beste pertsonaia batzuk[aldatu | aldatu iturburu kodea]

Zeutonirao, Plutoren idien zaintzailearen seme bat