Munduko Merkataritza Erakundea

Wikipedia(e)tik
Merkataritzaren Mundu Erakundea» orritik birbideratua)
Hona jo: nabigazioa, Bilatu
Munduko Merkataritza Erakundea
World Trade Organization
Organisation mondiale du commerce
Organización Mundial del Comercio
WTO members.svg
Egoitza Geneva (Suitza)
Kideak 153 estatu
Idazkari Nagusia Pascal Lamy
Sorrera Erakundearen webgunea

Munduko Merkataritza Erakundea[1] (ingelesez: World Trade Organization edo WTO) nazioarteko salerosketak liberalizatzeko eta ikuskatzeko asmoa duen erakundea da. 1995eko urtarrilaren 1an sortuta, GATT (Tarifa eta Sal-erosketarako Akordio Orokorra) erakundearen ondorengoa da.

WTO ia maila global batean nazioen arteko merkataritza-legeez arduratzen da. Salerosketa hitzarmen berrien negoziatzea eta gauzatzea bere eginkizunak dira. Kide guztiek WTOko akordioekin bat egiten dutela ere ikuskatu behar du.

Bi urtean behin biltzen den Ministro Biltzarrak gobernatzen du WTO. Kontseilu Orokorrak egunez eguneko administrazioa eta Biltzarraren erabakiak gauzatzen direla ditu bere ardurapean. Zuzendari Orokorra, gaur egun, Pascal Lamy, Ministro Biltzarrak izendatzen du.

Kritikak[aldatu | aldatu iturburu kodea]

Erakundeak berak aldarrikatutako helburuak merkataritza askea sustatzea eta hazkunde ekonomikoa bultzatzea izan arren, aditu frankok uste du, merkataritza aske global horren eraginez, aberatsak aberatsagoak eta txiroak txiroagoak direla. Munduko ekonomia bidezko moduan ez gidatzea ere leporatzen zaio WTOri, sistematikoki herrialde aberatsen eta korporazio multinazionalen alde eta herrialde txiroen kaltetan jokatzeagatik. Garatzeko bidean dauden herrialdeak ez dira WTOren hitzarmenez probestu. Bere nekazal-produktuak AEBetan eta Europan saltzeko dituzten oztopoak dira horren isla.

WTOn barnan erabakiak hartzeko sistemak ere kritikak jaso ditu, konplexua eta ezeraginkorra izateagatik eta herrialde guztien interesak maila berean ez zaintzeagatik. Gardentasuna gutxien gorde duen nazioarteko erakundea dela ere argudiatu dute. Beste kritika batzuek ingurumena eta lan-baldintza duinen arloetan WTOk ez ikusiarena egin duela aldarrikatzen dute.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Munduko Merkataritza Erakundea Aldatu lotura Wikidatan