Overlord operazioa

Overlord operazioa
Bigarren Mundu Gerra
Mendebaldeko Frontea
Lehorreratzea Omaha hondartzan
Data	1944ko ekainaren 6a- abuztuaren 30a
Lekua	Normandia, Frantzia
Koordenatuak	49°20′00″N 0°34′00″W
Emaitza	Aliatuen garaipen erabakiorra
Gudulariak
AEB Erresuma Batua Kanada Australia Frantzia Zeelanda Berria Herbehereak Norvegia Polonia Belgika Askea III. Reicha
Buruzagiak
Dwight David Eisenhower Arthur Tedder Bernard Montgomery Trafford Leigh-Mallory Bertrand Ramsay Gerd von Rundstedt Erwin Rommel
Indarra
1.452.000 soldadu (hasieran) 380.000 soldadu (hasieran)
Galerak
226.386 hildako 288.695-530.000 hildako

Normandiako gudua (Overlord operazioa kode-izena zuena) Bigarren Mundu Gerrako Mendebaldeko Fronteko operazio militarra izan zen, Alemaniak okupaturiko mendebaldeko Europako herrialdeak askatzea helburu zuena. 1944ko ekainaren 6an (E-Egunean) hasi zen, Normandiako Lehorreratze famatuan. Jada 1943an erabaki zuten inbasioa egitea eta Dwight David Eisenhower eta Bernard Montgomery jeneralen eskuetan utzi zuten. Aurreko hilabeteetan Bodyguard operazioa martxan jarri zuten distrazio militar moduan. Edonola ere, Adolf Hitlerrek Erwin Rommeli eskatu zion Atlantikoko Harresia indartzea eta defendatzea.

Aliatuek ezin izan zituzten bere helburu nagusiak hartu lehen egunean baina hondartza-buru bat lortu zuten hurrengo egunetan aurrera egiteko. Ekainaren 26an Cherburgeko portua eta uztailaren 21ean Caen hartu zituzten. Abuztuaren 8ko alemaniar kontraerasoak porrot egin zuen eta Wehrmachteko VII. Armadako 50.000 soldadu Falaiseko poltsa ospetsuan harrapatuak izan ziren. Abuztuaren 15ean, hegoaldeko Frantzian, aliatuek Dragoon operazioa hasi zuten eta, pintza horri esker, hilaren 25ean Parisen liberazioa lortu zuten. Abuztuaren 30ean alemaniarrak Sena ibaiko haranetik erretiratu zirenean, Overlord operazioa amaitutzat eman zuten.

Kanpo estekak

• Datuak: Q8641370
• Multimedia: D-Day / Q8641370