Panpi Ladutxe

Wikipedia, Entziklopedia askea
Hona jauzi: nabigazioa, Bilatu
Panpi Ladutxe
Izen osoa: Pampi Laduche
Jaiotza data: 1955eko uztailaren 13a (62 urte)
Jaioterria: Azkaine (Lapurdi)
Postua: aurrelaria
Debutatze data: 1981eko ekainaren 25a
Debutatze pilotalekua: Haroko udal pilotalekua
Erretiratze data: 1994ko abuztuaren 8a
Erretiratze pilotalekua: Deportivo (Bilbo)

Panpi Ladutxe[1] —jaiotzako izena, frantsesez, Pampi Laduche—, pilota arloan Ladutxe deituraz ezaguna (Azkaine, Lapurdi, 1955eko uztailaren 13a) esku huskako pilotari profesional ohia eta euskal abeslaria da, euskalduna. Joseph Laduche pilotariaren semea.

Esku huskako pilotan, aurrelari zein atzelari aritu zen, eta aurrelari lanetan nabarmendu zen. Trinketean aritu eta gero, berandu hasi zen ezker paretako pilotalekuetako profesionaletan, jadanik 26 urte zituela. Errematerako trebetasun ikusgarria zuen. Lorpenik handienak binakako txapelketa nagusian izan zituen: txapeldun 1987an eta 1989an (Joxean Tolosa atzelaria lagun), eta txapeldunorde 1988an (Martinikorena atzelaria lagun). Ladutxe izan da ezker paretako txapelketa nagusietako bat irabazi duen Ipar Euskal Herriko lehen pilotaria.

Pilotari profesional izateari utzi eta gero, Lapurdiko Sebastien Gonzalez eta Yves Salaberri esku huskako pilotari profesionalen prestatzailea izan da, eta trinketeko hainbat jokalariri prestakuntza egiten laguntzen die.[2][3][4] Gainera, abesteari ere ekin zion; izan ere, urtean 120 emanaldi inguru egiten ditu, euskaraz gehienak.[2] 2002an, Xabi Peryk ekoitzitako Chansons du Pays Basque izeneko diskoa atera zuen Akelarreko Patrice Dumorari esker.[5] Bestalde, aktore lanetan ere aritu da, Pilotari telesailean.[6]

Kirol lorpenak[aldatu | aldatu iturburu kodea]

Amateurretan
Berezkoetan
Profesionaletan

Binakako finalak[aldatu | aldatu iturburu kodea]

Urtea Txapeldunak Txapeldunordeak Emaitza Pilotalekua
1987 Ladutxe - Tolosa Alustiza - Galartza III.a 22-14 Anoeta pilotalekua
1988 Retegi II.a - Errandonea Ladutxe - Martinikorena 22-16 Anoeta pilotalekua
1989 Ladutxe - Tolosa Retegi II.a - Arretxe I.a 22-18 Anoeta pilotalekua

Diskografia[aldatu | aldatu iturburu kodea]

  • Aitari (1995)
  • Chansons du Pays Basque (2002)

Erreferentziak[aldatu | aldatu iturburu kodea]

  1. Nahiz eta Pampi euskal izena ez den eta Laduche euskal deitura ez den, pilotaria euskal grafia horrekin egin da ezaguna euskaldunon artean.
  2. a b Jon ESKUDERO: «Kantxan artista, oholtzan maisu», Berria, 2013-09-13.
  3. Imanol MAGRO: «Ladutxerekin laborategian, Berria, 2008-05-23.
  4. Diario Vasco: Bessonart se entrena con Pampi Laduche
  5. Webgune ez ofiziala
  6. Berria: Iñigo Aranbarri, Joseba Apaolaza eta Asier Hormaza 'Pilotari' telesaileko aktoreen artean

Kanpo loturak[aldatu | aldatu iturburu kodea]