Peipus

Wikipedia, Entziklopedia askea
Jump to navigation Jump to search
Peipus
Peipsi-Pihkva järv (et) Чудско-Псковское озеро (ru)
Lake Peipus, LandSat-8, 2016-10-20.jpg
Datu orokorrak
Garaiera 30 m
Luzera 143 km
Zabalera 49 km
Azalera 3.543 km²
Sakonera 8 m
17,6 m
Bolumena 25.000 hm³
Geografia
Koordenatuak 58° 40′ 36″ N, 27° 29′ 30″ E / 58.676666666667°N,27.491666666667°E / 58.676666666667; 27.491666666667Koordenatuak: 58° 40′ 36″ N, 27° 29′ 30″ E / 58.676666666667°N,27.491666666667°E / 58.676666666667; 27.491666666667
Herrialdea Estonia eta Errusia
Lurraldea Pskov
Hidrografia
Betebidea
Hustubidea Narva ibaia
Erresidentzia denbora 2,73 urte
Arroaren azalera 47.800 km²
Mendizaletasuna

Peipus[1] (estonieraz: Peipsi järv, Pihkva järv; errusieraz: Псковско-Чудское озероPskovsko-Chudskoe ozero; alemanez: Peipussee) aintzira da, Errusia eta Estoniaren artean dagoena, Finlandiako golkoaren hegoaldean. 3.500 kilometro koadroko azalera du. Velikaia da bertan ura isurtzen duen ibai nagusia. Narva ibaiak Finlandiako golkoarekin lotzen du. Urte erdiz izoztua egoten da[2]. Estoniako aintzirarik handiena eta Europako bostgarrena da, Errusiako Ladoga eta Onega, Suediako Vänern eta Finlandiako Saimaa eta gero.

Geografia[aldatu | aldatu iturburu kodea]

Peipus aintzirak 3.500 kilometro koadroko eremua hartzen du eta hiru zatitan banatuta dago:

  • Peipsi aintzira (estonieraz: Peipsi järv; errusieraz: Чудское озеро) iparraldeko aldea da. 2.670 km²ko azalera du.
  • Pskov (Pihkva) aintzira (estonieraz: Pihkva järv; errusieraz: Псковское озеро) hegoaldeko aldea da. 710 km²ko azalera du.
  • Aintzira epela (estonieraz: Lämmijärv; errusieraz: Тёплое озеро) alde biak lotzen duen kanala da. 170 km²ko azalera du.

Aintziran 30 ibai inguruk dute ahoa; nagusiak Emajõgi eta Velikaia dira.

Historia[aldatu | aldatu iturburu kodea]

1242ko apirilean Peipus aintziraren bataila gertatu zen (Errusian "Izotz gaineko bataila" izenaz ezaguna). Bertan Alexander Nevskik Teutondar Zaldikoak menderatu zituen. 1944an gudu handiak izan ziren aintziraren ondoan Errusiaren eta Alemaniaren artean[3].

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Peipus Aldatu lotura Wikidatan