Reynaldo Benito Bignone

Wikipedia(e)tik
Hona jauzi: nabigazioa, Bilatu
Reynaldo Benito Bignone
Reynaldo Bignone-2.jpg
Argentinako presidentea

1982ko uztailak 1 - 1983ko abenduak 10
Alfredo Oscar Saint Jean - Raúl Alfonsín
Bizitza
Jaiotza Buenos Aires1928ko urtarrilaren 21a (89 urte)
Herrialdea  Argentina
Hezkuntza
Heziketa Colegio Militar de la Nación
Hizkuntzak gaztelania
Lanbidea
Lanbidea politikaria eta militarra
Lantokia(k) Buenos Aires
Gradua jeneral
Sinesmenak
Erlijioa katolizismoa
Firma Bignone.jpg

Reynaldo Benito Bignone (Morón, Buenos Airesko probintzia, 1928ko urtarrilaren 21a ) argentinar militar ohia eta politikaria da. 1982-1983 bitartean Argentinako diktaduraren de facto-ko presidentea izan zen. 2011n bizi guztiko kartzela zigorrera kondenatu zuten gizateriaren kontrako krimenak zirela eta[1].

Bizitza[aldatu | aldatu iturburu kodea]

Hainbat kargu izan zituen Videlaren diktaduraren garaian (1976-1983). Nazioaren Eskola Militarreko zuzendaria izan zen, eta Posadas de Haedo ospitaleko isileko tortura zentroa gidatu zuen. Campo de Mayo izeneko atxiloketa zentro klandestinoko komandantea ere izan zen, alegia diktadurako desagertu gehien jaso zuen gunekoa[1].

1982an, Malvinetako Gerraren porrotaren ondoren, Argentinako presidente izendatu zuten, Leopoldo Galtieriren ordez. Diktadura garaian militarrek egindako gehiegikeriak ezkutatzeko asmoa zuen dekretu bat sinatu zuen, baita militarrak amnistiatzeko legea ere.

Diktadura ondorengo hauteskundeetara deitzeaz eta presidente zibilari (Raúl Alfonsíni) boterea itzultzeaz arduratu zen, 1983an. Handik gutxira, atxilotu eta sei hilabetez preso eduki zuten, diktadura garaiko gerra zikinean parte hartu zuelakoan.

2011n bizi osoko kartzela zigorra ezarri zioten, gizateriaren kontrako krimenak egitea leporatuta[1]. 2013an bizi guztirako beste zigor bat ezarri zioten, Campo de Mayo zentroan egindako torturen, hilketen eta desagerpenen errudun nagusietako bat izateagatik[2]

Erreferentziak[aldatu | aldatu iturburu kodea]


Wikimedia Commonsen badira fitxategi gehiago, gai hau dutenak: Reynaldo Benito Bignone Aldatu lotura Wikidatan