Salamancako probintzia

Koordenatuak: 40°50′N 6°00′W / 40.83°N 6°W / 40.83; -6
Wikipedia, Entziklopedia askea
Salamanca
Gaztela eta Leon
Salamancako bandera

Salamancako armarria

Administrazioa
Estatua Espainia
ErkidegoaGaztela eta Leon
HiriburuaSalamanca
ISO 3166-2ES-SA
Espainiako Gorteak
Kongresuan
4 / 350
Senatuan
4 / 260
Geografia
40°50′N 6°00′W / 40.83°N 6°W / 40.83; -6
Azalera12.349 km² Espainiaren % 2,45
Demografia
Biztanleria353.404 biztanle (2008)
Espainiaren % 0,77
Dentsitatea28,62 bizt/km²
Herritarrasalamancar
www.dipsanet.es

Salamanca Espainiako mendebaldeko probintzia bat da, Gaztela eta Leongo autonomia erkidegokoa. Portugalgo mugan dago. 2006an, 353.110 biztanle zituen probintziak. Hiriburua Salamanca da; eta beste hiri nagusiak, Béjar, Ciudad Rodrigo, Peñaranda de Bracamonte eta Vitigudino.

Geografia[aldatu | aldatu iturburu kodea]

Béjar
El Salvador eliza, Béjar

Iparraldean, Zamora, ipar-ekialdean, Valladolid, ekialdean, Ávila, hegoaldean, Cáceres, eta, mendebaldean, Douro eta Beira Interior Norte eskualdeak (Portugal) ditu mugakide.

Iparraldea eta mendebala lauak dira; hegoaldea eta hego-ekialdea, aldiz, menditsuagoak. Probintziaren hegoaldean, aipatzekoak dira Béjarko mendialdea (Trampal, 2.443 m; Calvitero, 2.395 m), Peña de Franciatik (1.723 m) Peña Gudinaraino (1.189 m) luzatzen den mendialdea eta Gatakoa (1.364 m Jañona mendian).

Hidrografiari dagokionez, Duero ibai-arroari dagozkio Salamancako probintziako ibai guztiak. Tormes, Agueda eta Yeltes dira ibai nagusiak, eta Santa Teresa, Saucelle, Aldeadavila eta Agueda urtegi garrantzitsuenak.

Klima kontinentala da erabat: uda bero lehorrak eta negu hotzak. 400-500 mm euri-ur biltzen da urtean, batez beste.

Mendialdeko baso nagusiak gaiztanadiak dira, eta arteak, artelatzak, haritzak eta pinuak aldatzen dira iparraldean.

Ekonomia[aldatu | aldatu iturburu kodea]

Ekonomiari dagokionez, nekazaritza da baliabide nagusia. Garia, garagarra, lekadunak, azukre-erremolatxa eta bazkarako landareak dira labore nagusiak. Garrantzitsua da, halaber, abere-hazkuntza (ardi-, behi-, zezen-, zerri- eta zaldi-azienda). Industria (urtegietan egokitutako indar-etxeak, janari-industria, kimika-industria) ez dago oso garatua, baina Salamancan, Béjarren eta beste zenbait hiritan baizik ez da aipagarria. Garrantzitsua da, bestalde, lurpeko aberastasunen ustiapena (eztainu- eta wolfram-hobi oparoak).

Demografia[aldatu | aldatu iturburu kodea]

Udalerriak[aldatu | aldatu iturburu kodea]

Sakontzeko, irakurri: «Salamancako udalerrien zerrenda»

Kultura[aldatu | aldatu iturburu kodea]

Gaztelania da hizkuntza nagusia, baina Extremadurako hizkuntzaz mintzatzen dira probintziaren hego-mendebaldeko herri batzuetan. Ipar-mendebaldean, berriz, leonerazko hiztun batzuk ere badira.

Erreferentziak[aldatu | aldatu iturburu kodea]

Kanpo estekak[aldatu | aldatu iturburu kodea]