Sodupe

Sodupe
Bizkaia, Euskal Herria
Sodupeko ikuspegia.
Kokapena
Herrialdea	Euskal Herria
Probintzia	Bizkaia
Herria	Gueñes
Koordenatuak	43° 12′ 50″ N, 3° 05′ 39″ W
Sodupe Sodupe
Altuera	60 m

Sodupe Gueñeseko (Bizkaia) hego-ekialdean dagoen herria da, Enkartazioan, udalerriko populazio gehiena hartzen duena (%64a). 2008ko erroldaren arabera 5.022 biztanle zituen, udalerri osoak 8.075 zeukalarik.

Bilbotik 16 km-ra eta Gueñeseko herrigunetik 4.4 km-ra kokatuta dago.

Historia

Lehenengo aipamen idatzia, Sudupe, 1.468. urtekoa da, beraz, gutxienez, 550 urte daukan herri enkartaua dela baieztatzen dugu. Bertako eliza, Done Bikendi izenekoa, 1.494an eraiki zen eremitorioan, aurretik baseliza bat zegoela eta dorrea, Zubia (La Puente) edo Romarate izenekoa, 1.501. inguruan. 1514.ean beste hiru dorretxe zeuden inguruan eta 5. bat eraiki nahi izan zuen bertako seme batek, egurrezkoa gainera, eta ondoko dorreotako biztanleek ez zioten utzi, Bittor Arbizu euskal filologo euskaldun soduputerrak informatzen duenez.

Mugakideak

Iparraldean Eretza mendia (880 m), hegoaldean eta ekialdean Gordexolako udalerria, mendebaldean Santxosolo eta Goikuriako San Pedro auzoak mugakide ditu.

Demografia eta biztanleria

Sodupeko biztanleria

2000	2001	2002	2003	2004	2005	2007	2010
4.020	4.014	4.010	3.982	4.013	4.313	4.929	5.022

Garraioak

FEVEk geltokia du herri honetan, bertatik hainbat tren zerbitzu eskeintzen duelarik, alde batetik Bilborekin lotzen duena eta bestetik Balmaseda eta Karrantzarekin. Azken zerbitzu honek ibilbidea Santander eta León (Espainia) hiriekin.

Autobusei dagokienez, Bizkaibusek lotzen du Bilbo, Balmaseda eta Gordexolarekin, baita Okondo, Arespalditza eta Artziniegarekin ere (Araba). Bestela, Alsa eta Continental Auto enpresek ibilbide luzeko bidaiak egiten dituzte León, Poza de la Sal eta Burgosera (Gaztela eta Leon).

BI-636 errepidea herriko ardatz nagusia da bestela.

Sodupeko ikastetxeak

• ERETZA ikastetxe publikoa
• AVELLANEDA IKASTETXEA

Sodupetar ezagunak

• Jacinto Romarate (1775- 1836), militar eta politikaria.
• Antonio Izagirre (1913), Eusko Gudarosteko gudaria EAJko Abellaneda bataloian.
• Rosa Diez (1952-), politikaria.
• Ramon Garcia (1961-), telebista-aurkezlea.
• Arturo Alcoceba (1951-), aktibista politikoa
• Luis Laiseka (1948-), politikari eta Güeñeseko udaleko zinegotzi ohia.
• Paquita Alcoceba (1948-), politikari eta aktibista politikoa
• Josu Larrinaga. Antropologoa, euskalduna, euskaltzalea, EHUko irakaslea Donostian.
• Juantxu Larrinaga Camino (1947-), 50 urtez militante abertzalea, euskaltzalea, dantzari ohia...
• Lurdes Gauna Aduritz, 40 urtez euskara irakaslea...

Ikus, gainera

• Enkarterri

Kanpo loturak

• (Gaztelaniaz)Gueñesko udal webgunea

Euskarazko Wikipedian bada atari bat, gai hau duena: Euskal Wikiatlasa