Vicente Mortes Alfonso

Wikipedia, Entziklopedia askea
Jump to navigation Jump to search
Vicente Mortes Alfonso
Q37069449 Itzuli

Bizitza
Jaiotza Paterna1921eko irailaren 8a
Herrialdea  Espainia
Heriotza Iruñea1991ko maiatzaren 22a (69 urte)
Hezkuntza
Hizkuntzak gaztelania
Jarduerak
Jarduerak ingeniaria eta politikaria
Jasotako sariak
Sinesmenak eta ideologia
Alderdi politikoa FET y de las JONS

Vicente Mortes Alfonso (Paterna, Valentzia, 1921eko irailaren 8a - Madril, 1991ko maiatzaren 22a) espainiar politikaria izan zen.

Madrilgo Unibertsitate Politeknikoan Bideetako Ingeniaritza-ikasketak egiten hasi zen, eta gero Lovainan, Belgikan, osatu zituen. Espainiako Gerra Zibilaren ondoren, Falangean sartu zen. 1940rako, oraindik oso gaztea zela, Valentziako Falange Españolako buruzagitzako zenbait kargu beteak zituen, eta handik gutxira Unibertsitateko Sindikatu Espainiarrean ere politika karguak hartu zituen bere gain. 1957an Etxebizitza saileko zuzendari nagusi izendatu zuten, eta 1960an Errepideetako zuzendari nagusi. Handik hiru urtera Herri Lanetako idazkariorde mailara igo zen, eta 1965ean, Laureano López Rodóren zuzendaritzapeko ekonomia-taldeko kide izatera igaro zen. Ordurako falangismotik urrunduta zegoen, eta Espainiako ekonomia zuzentzen zuen Opus Deiko eremu teknokratikoan sartuta zebilen. 1957az geroztik Gorteetako prokuradore zelarik, 1969an Francok Etxebizitzen ministro izateko deitu zuen; kargua hurrengo urtean hartu zuen, eta 1973an utzi. Ondoren, bere kontura jarri zen lanean: zenbait enpresatako presidentetza hartu zuen -Nestlé Española, Eurest, IASA-, eta negozio-gizon garrantzitsua izan zen hil arte.

Erreferentziak[aldatu | aldatu iturburu kodea]