Victoria de los Ángeles

Wikipedia(e)tik
Hona jo: nabigazioa, Bilatu
Victoria de los Ángeles
Victoria de los Angeles Allan warren.jpg
Bizitza
Jaiotza Bartzelona1923ko azaroaren 1
Herrialdea  Espainia
Heriotza Bartzelona2005eko urtarrilaren 15 (81 urte)
Hobiratze lekua Montjuïceko hilerria
Heriotza modua berezko heriotza (miokardio infartu akutua)
Hezkuntza
Heziketa Conservatori Superior de Música del Liceu
Hizkuntzak katalana
gaztelania
Lanbidea
Lanbidea abeslaria eta opera abeslaria
Jasotako sariak
Kidetza Reial Acadèmia Catalana de Belles Arts de Sant Jordi
Ahots mota sopranoa
IMDb nm1658656

Victoria de los Ángeles (Bartzelona, Katalunia, 1923 - 2005) opera-kantaria izan zen, sopranoa. Sopranoentzat idatzi diren paper gehienak arrakasta handiz interpretatu baldin bazituen ere, espainiar kantuetan nabarmendu zen bereziki. Victoria de los Ángelesek gardentasun eta emetasun handiko ahotsa zuen, eta bere malgutasunari esker inoiz ez zen musikagile jakin batekin lotu.

Bizitza[aldatu | aldatu iturburu kodea]

Bartzelonako Liceuko Kontserbatorioan piano- eta kantu-ikasketak egin zituen. 1947an lehen saria irabazi zuen Genevako nazioarteko kantu-lehiaketan. 1945ean Madrilen kantatu zuen bere lehen opera, Mozarten Figaroren Ezteiak operako Almaviva kondesaren papera eginez.

1950ean kantatu zuen lehen aldiz Londresko Covent Garden aretoen, Giacomo Pucciniren La Bohèmeko Mimiren paperean. Geroago, Milango La Scalan Straussen Naxoseko Ariadna operako paper nagusia egin zuen. New Yorkeko Carnegie Hallen kontzertuak eman zituen, eta Metropolitan Opera Housen Gounoden Fausto operako Margueriteren papera egin zuen. Bayreuthen (Alemania) 1961ean eta 1962an Wagnerren Tannhäuser obrako Isabel gisa agertu zen.

1969tik aurrera asko gutxitu zituen bere jendaurreko agerraldiak. 1993an Musikaren Sari Nazionala eman zitzaion. Nazioarteko kritikak aurreko mendeko kantaririk osoenetakotzat jo zuen, Europako hainbat hizkuntzatan eta musika-genero guztietan. Diskografia zabala utzi zuen, horren erakusgarri.

Erreferentziak[aldatu | aldatu iturburu kodea]

Wikimedia Commonsen badira fitxategi gehiago, gai hau dutenak: Victoria de los Ángeles Aldatu lotura Wikidatan