David Diamond
David Leo Diamond (Rochester, New York, AEB, 1915 - 2005) estatubatuar musikagilea izan zen.
[aldatu] Biografia
Bere musika-egitura argiagatik eta lirismoagatik da batez ere ezaguna. New Yorken egin zituen ikasketak, estatubatuar musikagile Roger Sessionsekin. Guggenheim saria jaso zuen 1938an. Parisen izan zen gero, ikasketak sakontzen, Nadia Boulanger konposizio-irakasle ospetsuarekin. Han, Maurice Ravel eta Igor Stravinski ezagutu zituen.
Era guztietako konposizio-teknikak landu zituen, eta obra diatoniko edo modalak (Rounds, 1944), harizko orkestrarako zein obra dodekafonikoak (The World of Paul Klee, 1957) egin zituen. 1951tik 1965era bitartean, Italian bizi eta lan egin zuen, baina maiz joaten zen Estatu Batuetara eskolak ematera. Horrez gainera, zortzi sinfonia eta ballet, antzerki eta zinemarako musika, hainbat tresnatarako kontzertuak eta ganbera-musika idatzi zituen.
1965az geroztik Manhattango Musika Eskolan egin zuen lan.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
