Hiri elkargo

Wikipedia(e)tik
Hiri Elkargo» orritik birbideratua)
Hona jo: nabigazioa, Bilatu

Hiri elkargoa (frantsesez Communauté urbaine) frantses estatuko berezko fiskalitatea duen EPCI[1] motako udalerriak elkartzeko egitura bat da. Mota horretako hiru mailetatik gorena da.

Ezaugarriak[aldatu | aldatu iturburu kodea]

1999ko uztailaren 12ko 99-586 legeak[2] araututa, zenbait udalerri elkartzetik sortzen da eta "elkartasun espazio baten barruan hiri garapenerako eta beren lur eremuetarako proiektu komun bat elkarrekin definitzeko" balio du.

Legeak dio 500000 biztanle baino gehiagokoa izan behar duela eta gutxienez 50000 biztanle baino gehiagoko udalerri batek egon behar duela bere baitan; hala ere, egun dauden asko legearen aurretik eratu zirenez, horietako batzuk ez dira inolaz ere heltzen biztanleria hau izatera[3].

Hirigune elkargo eta herri elkargoetatik ez bezala, hiri elkargo batetik udalerri bat ezin da askatasun osoz atera.

Egiteko nagusiak[aldatu | aldatu iturburu kodea]

Sortzen denean kide diren udalerriek zenbait arlotan konpetentziak elkargoari pasatzen dizkiete:

  • garapen ekonomiko, sozial eta kulturala: industria eremuak, ekipamenduak...
  • espazioaren kudeaketa: hirigintza planak, garraio publikoa...
  • etxebizitza sozialaren kudeaketa.
  • interes kolektiboko zerbitzuak: ura, saneamendua, hilerriak, hiltegiak, merkatuak.
  • ingurumena eta bizitza kalitatea: zaborraren kudeaketa, airearen kutsadura, zarata.

Hamasei elkargoak[aldatu | aldatu iturburu kodea]

Egun, mota honetako 16 elkargo dira; horietatik zazpik baino ez dute 500000ko biztanleria gainditzen. 2006ko urtarrilaren 1ean 7470000 biztanle biltzen zuten, estatuko % 12a.

Ipar Euskal Herrian ez dago halakorik eta hurbilen daudenak Bordeleko hiri elkargoa eta Tolosa Handia dira.


Izena Hiriburua Sorrera data Zenbat udalerri Biztanleria 2006an
Lyon Handia Lyon 31-12-1966 57 1 253 179
Lille Metropolia hiri elkargoa (LMCU) Lille 31-12-1966 85 1 107 861
Marseilla Proventza Metropolia (MPM) Marseilla 07-07-2000 18 1 023 972
Bordeleko hiri elkargoa (CUB) Bordele 31-12-1966 27 702 522
Tolosa Handia Tolosa Okzitaniakoa 24-12-2008 25 651 584
Naoned Metropolia Naoned 31-12-2000 24 579 131
Communauté urbaine Niza Còsta d’Azur hiri elkargoa (NCA) Niza 29-12-2008 25 523 539
Estrasburgoko hiri elkargoa (CUS) Estrasburgo 31-12-1966 28 467 376
Nancy Handiko hiri elkargoa (CUGN) Nancy 31-12-1995 20 266 000
Brest Metropoli Ozeanoa Brest 24-05-1973 8 210 117
Duinkerke Itsasertz Handia Duinkerke 21-10-1968 18 200 417
Le Mans Metropolia Le Mans 19-11-1971 9 184 958
Arraseko hiri elkargoa Arras 01-01-1998 24 91 438
Creusot-Montceau hiri elkargoa Le Creusot 13-01-1970 18 90 406
Cherbourgeko hiri elkargoa (CUC) Cherbourg-Octeville 02-10-1970 5 85 588
Alençoneko hiri elkargoa (CUA) Alençon 31-12-1996 19 49 634

Balizko elkargo berriak[aldatu | aldatu iturburu kodea]

  • Erruan inguruan mota honetako beste elkargo bat sortu nahian dabiltza baina momentuz ez dago behar bezalako adostasunik kide izango liratekeenen artean.
  • Montpelhièr aldean ere aurreratu dute hiri elkargoa egiteko asmoa.
  • Tolon eta Le Havren ere lehen pausoak emanak dituzte.
  • Bere tamaina askoz ere handiagoagatik eskema honetatik aparte geratzen den Paris inguruan eztabaidak aparteko arazoak sortzen ditu, hiriburuaren aldirietako udalerriek asimilatuta geratzeko betiereko arriskua somatzen dutelako. Paris Handia, beraz, momentuz ez da existitzen eta bien bitartean hiriaren ekialdetik dauden departamenduetan (Val-de-Marne, Sena-Saint-Denis...) berezko proiektu batekin ari dira.

Erreferentziak[aldatu | aldatu iturburu kodea]

  1. Établissement public de coopération intercommunale, "udalerrien arteko kooperaziorako elkarte publikoa".
  2. "Chevènement legea" izenez ezaguna, orduan Barne Ministroa zenarengatik.
  3. 1966tik hasiak ziren horrelako esperientziak sortzen; aurretik zeuden guztiek, bete beharreko ezaugarriak izan gabe ere, mantendu zuten estatus hori.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]